നിലവിളക്കിൽനിന്ന് തീപടർന്ന് വീട് കത്തിനശിച്ചു

പെ​രു​മ്പി​ലാ​വ്: പൂ​ജാ​മു​റി​യി​ലെ നി​ല​വി​ള​ക്കി​ൽ​നി​ന്ന് തീ ​പ​ട​ർ​ന്ന് വീ​ടി​നു​ള്ളി​ലെ ഇ​ല​ക്ട്രോ​ണി​ക്സ് ഉ​പ​ക​ര​ണ​ങ്ങ​ളും മ​റ്റും ക​ത്തി​ന​ശി​ച്ചു. പെ​രു​മ്പി​ലാ​വ് ആ​ൽ​ത്ത​റ മു​ല്ല​പ്പി​ള്ളി കു​ന്ന് റോ​ഡി​ൽ നാ​ലു സെ​ന്റ് കോ​ള​നി​ക്കു സ​മീ​പം പ​റ​യ​ത്ത് വ​ള​പ്പി​ൽ പു​ഷ്പ മ​ണി​യു​ടെ വീ​ടി​നു​ള്ളി​ലാ​യി​രു​ന്നു തീ​പി​ടി​ത്തം.

വീ​ടും ഭാ​ഗി​ക​മാ​യി ക​ത്തി​ന​ശി​ച്ചു. തി​ങ്ക​ളാ​ഴ്ച രാ​വി​ലെ ഒ​മ്പ​ത​ര​യോ​ടെ​യാ​ണ് സം​ഭ​വം. അ​ൻ​സാ​ർ ആ​ശു​പ​ത്രി ജീ​വ​ന​ക്കാ​രി​യാ​യ പു​ഷ്പ മ​ണി​യും കാ​റ്റ​റി​ങ് തൊ​ഴി​ലാ​ളി​യാ​യ മ​ക​നും രാ​വി​ലെ ജോ​ലി​ക്ക് പോ​യ സ​മ​യ​ത്താ​യി​രു​ന്നു സം​ഭ​വം. അ​യ​ൽ​വാ​സി​ക​ൾ വെ​ള്ളം ശേ​ഖ​രി​ക്കാ​ൻ വ​ന്ന സ​മ​യ​ത്ത് പു​ക ക​ണ്ട​തി​നെ തു​ട​ർ​ന്ന് നോ​ക്കി​യ​പ്പോ​ഴാ​ണ് വീ​ടി​ന്റെ ക​ഴു​ക്കോ​ലും മ​റ്റും ക​ത്തി​യ​മ​രു​ന്ന​താ​യി ശ്ര​ദ്ധ​യി​ൽ​പ്പെ​ട്ട​ത്. ഉ​ട​ൻ സ​മീ​പ​വാ​സി​ക​ളും നാ​ട്ടു​കാ​രും ചേ​ർ​ന്ന് വെ​ള്ള​മൊ​ഴി​ച്ച് തീ ​അ​ണ​ച്ചു. മു​റി​യി​ൽ സൂ​ക്ഷി​ച്ച ര​ണ്ട് കം​പ്യൂ​ട്ട​റും ടി.​വി, വി​വി​ധ രേ​ഖ​ക​ൾ, വ​സ്ത്ര​ങ്ങ​ൾ, പു​സ്ത​ക​ങ്ങ​ൾ എ​ന്നി​വ​യും ക​ത്തി ന​ശി​ച്ചു. കു​ന്നം​കു​ളം പൊ​ലീ​സ് സ്ഥ​ല​ത്തെ​ത്തി.