തേ​ക്കി​ൻ​കാ​ട് മൈ​താ​നി​യി​ലെ പ​രി​പാ​ടി​ക​ൾ​ക്ക് ഹൈ​കോ​ട​തി നി​യ​ന്ത്ര​ണം

തൃ​ശൂ​ർ: കൊ​ച്ചി​ൻ ദേ​വ​സ്വം ബോ​ർ​ഡി​ന്റെ ഉ​ട​മ​സ്ഥ​ത​യി​ലു​ള്ള തേ​ക്കി​ൻ​കാ​ട് മൈ​താ​നി​യി​ലെ പ​രി​പാ​ടി​ക​ള​ട​ക്ക​മു​ള്ള ഉ​പ​യോ​ഗ​ങ്ങ​ൾ​ക്ക് ഹൈ​കോ​ട​തി നി​യ​ന്ത്ര​ണം. പ​ര​സ്യ​ബോ​ര്‍ഡു​ക​ളോ രാ​ഷ്ട്രീ​യ പാ​ര്‍ട്ടി​ക​ളു​ടെ കൊ​ടി​ക​ളോ പാ​ടി​ല്ലെ​ന്നും റോ​ക്ക് ബാ​ൻ​ഡ് സം​ഗീ​ത​പ​രി​പാ​ടി​ക​ളും അ​നു​വ​ദി​ക്ക​രു​തെ​ന്നും തേ​ക്കി​ന്‍കാ​ട് പ്ലാ​സ്റ്റി​ക് വി​മു​ക്ത​മാ​ക്ക​ണ​മെ​ന്നും ജ​സ്റ്റി​സ് അ​നി​ല്‍ കെ. ​ന​രേ​ന്ദ്ര​ന്‍, ജ​സ്റ്റി​സ് പി.​ജി. അ​ജി​ത് കു​മാ​ര്‍ എ​ന്നി​വ​ര​ട​ങ്ങി​യ ഹൈ​കോ​ട​തി ഡി​വി​ഷ​ൻ ബെ​ഞ്ചി​ന്‍റെ ഉ​ത്ത​ര​വി​ൽ വ്യ​ക്ത​മാ​ക്കു​ന്നു.

നേ​ര​ത്തെ കോ​ട​തി അ​നു​വ​ദി​ച്ച പ​രി​പാ​ടി​ക​ൾ​ക്ക് പു​റ​ത്ത് മ​റ്റെ​ന്തെ​ങ്കി​ലും ആ​വ​ശ്യ​ത്തി​ന് ഉ​പ​യോ​ഗി​ക്ക​ണ​മെ​ങ്കി​ൽ കോ​ട​തി അ​നു​മ​തി വേ​ണ​മെ​ന്നും ഉ​ത്ത​ര​വി​ൽ നി​ർ​ദേ​ശി​ക്കു​ന്നു.

തൃ​ശൂ​ർ അ​യ്യ​ന്തോ​ൾ സ്വ​ദേ​ശി കെ.​ബി. സു​മോ​ദ് ന​ൽ​കി​യ റി​ട്ട് പ​രാ​തി​യി​ലാ​ണ് ഹൈ​കോ​ട​തി​യു​ടെ ക​ർ​ശ​ന ഇ​ട​പെ​ട​ൽ. ചീ​ഫ് സെ​ക്ര​ട്ട​റി, ദേ​വ​സ്വം വ​കു​പ്പ് സെ​ക്ര​ട്ട​റി, കൊ​ച്ചി​ൻ ദേ​വ​സ്വം ബോ​ര്‍ഡ്, സ്‌​പെ​ഷ​ല്‍ ദേ​വ​സ്വം ക​മീ​ഷ​ണ​ര്‍, ജി​ല്ല ക​ല​ക്ട​ര്‍, സി​റ്റി പൊ​ലീ​സ് ക​മീ​ഷ​ണ​ര്‍, ആ​ര്‍ക്കി​യോ​ള​ജി​ക്ക​ല്‍ സ​ര്‍വേ ഓ​ഫ് ഇ​ന്ത്യ, കോ​ർ​പ​റേ​ഷ​ൻ സെ​ക്ര​ട്ട​റി എ​ന്നി​വ​രെ എ​തി​ര്‍ക​ക്ഷി​ക​ളാ​ക്കി​യാ​യി​രു​ന്നു ഹ​ര​ജി.

തൃ​ശൂ​ർ പൂ​ര​വും അ​തോ​ട​നു​ബ​ന്ധി​ച്ച് ന​ട​ക്കു​ന്ന പൂ​രം പ്ര​ദ​ർ​ശ​ന​ത്തി​നും ആ​യ​ല്ലാ​തെ മ​റ്റൊ​രു പ​രി​പാ​ടി​ക​ൾ​ക്കും ക്ഷേ​ത്ര​ഭൂ​മി അ​നു​വ​ദി​ക്ക​രു​തെ​ന്ന് 2013ൽ ​ത​ന്നെ ഹൈ​കോ​ട​തി ഉ​ത്ത​ര​വി​ട്ടി​ട്ടു​ള്ള​താ​ണെ​ന്നും ഈ ​ഉ​ത്ത​ര​വ് പാ​ലി​ക്കു​ന്ന​തി​ൽ ദേ​വ​സ്വം ബോ​ർ​ഡ് ശ്ര​ദ്ധ കാ​ണി​ക്ക​ണ​മെ​ന്ന് കോ​ട​തി നി​ർ​ദേ​ശി​ക്കു​ന്നു.

ദേ​വ​സ്വം ഭൂ​മി ദേ​വ​സ്വം ബോ​ർ​ഡ് സം​ര​ക്ഷി​ക്ക​ണം, അ​തി​ൽ വീ​ഴ്ച വ​രു​ത്തു​ന്ന​ത് ഗൗ​ര​വ​മാ​യ കു​റ്റ​മാ​യി ക​ണ​ക്കാ​ക്കു​മെ​ന്നും ഉ​ത്ത​ര​വി​ൽ പ​റ​യു​ന്നു. ഇ​തോ​ടെ ഇ​നി രാ​ഷ്ട്രീ​യ പാ​ർ​ട്ടി​ക​ളു​ടേ​ത​ട​ക്ക​മു​ള്ള പ​രി​പാ​ടി​ക​ൾ​ക്ക് മു​ൻ​കൂ​ർ അ​നു​മ​തി വേ​ണ്ടി വ​രും.