സ്വ​കാ​ര്യ പ​ണ​മി​ട​പാ​ട് സ്ഥാ​പ​ന​ത്തി​ലെ മോ​ഷ​ണം; ന​ഷ്ട​പ്പെ​ട്ട 32.40 ല​ക്ഷ​വും ക​ണ്ടെ​ടു​ത്തു

ഗു​രു​വാ​യൂ​ർ: പ​ടി​ഞ്ഞാ​റെ ന​ട​യി​ലെ എ​ൽ ആ​ൻ​ഡ് ടി ​ഫൈ​നാ​ൻ​സി​ൽ​നി​ന്ന് മോ​ഷ്ടി​ച്ച 32,40,650 രൂ​പ​യും പ്ര​തി ഒ​ളി​പ്പി​ച്ച സ്ഥ​ല​ത്ത് നി​ന്നും പൊ​ലീ​സ് ക​ണ്ടെ​ടു​ത്തു. പ്ര​തി അ​മ​ല​ന​ഗ​ർ തൊ​ഴു​ത്തും പ​റ​മ്പി​ൽ അ​ശോ​ഷി​ന്റെ കു​ടും​ബ സു​ഹൃ​ത്തി​ന്റെ വ​ര​ടി​യ​ത്തു​ള്ള പൂ​ട്ടി​ക്കി​ട​ക്കു​ന്ന വീ​ട്ടി​ൽ നി​ന്നാ​ണ് പ​ണം ക​ണ്ടെ​ടു​ത്ത​ത്. ഈ ​വീ​ട്ടി​ലെ ഒ​രാ​ളു​ടെ സ്കൂ​ട്ട​റി​ലെ​ത്തി​യാ​ണ് ഇ​യാ​ൾ മോ​ഷ​ണം ന​ട​ത്തി​യി​രു​ന്ന​ത്.

മാ​ർ​ച്ച് 11ന് ​രാ​വി​ലെ 7.30നാ​ണ് ലോ​ക്ക​ർ ക​ള്ള​ത്താ​ക്കോ​ലി​ട്ട് തു​റ​ന്ന് പ​ണം ക​വ​ർ​ന്ന​ത്. ന​ഷ്ട​പ്പെ​ട്ട മു​ഴു​വ​ൻ പ​ണ​വും പൊ​ലീ​സ് ക​ണ്ടെ​ടു​ത്തു.

മോ​ഷ​ണ​ത്തി​ന് ശേ​ഷം ത​ന്റെ വീ​ട്ടി​ലെ​ത്തി​യ പ്ര​തി തു​ട​ർ​ന്ന് ത​ന്റെ കാ​റി​ൽ വ​ര​ടി​യ​ത്ത് പോ​യി പ​ണ​മ​ട​ങ്ങി​യ ബാ​ഗും മോ​ഷ​ണ സ​മ​യ​ത്ത് ധ​രി​ച്ചി​രു​ന്ന വ​സ്ത്ര​ങ്ങ​ളും ഹെ​ൽ​മ​റ്റും ഷൂ​സും ലോ​ക്ക​ർ തു​റ​ക്കാ​ൻ ഉ​പ​യോ​ഗി​ച്ച താ​ക്കോ​ലും സു​ഹൃ​ത്തി​ന്റെ വീ​ട്ടി​ൽ ഒ​ളി​പ്പി​ക്കു​ക​യാ​യി​രു​ന്നു. മോ​ഷ​ണ​ത്തി​ന്റെ പി​റ്റേ​ന്ന് പ്ര​തി​യെ പി​ടി​കൂ​ടി​യെ​ങ്കി​ലും പ​ണം പു​ഴ​യി​ൽ എ​റി​ഞ്ഞെ​ന്നാ​യി​രു​ന്നു പൊ​ലീ​സി​നോ​ട് പ​റ​ഞ്ഞ​ത്. പ്ര​തി​യു​മാ​യി ബ​ന്ധ​പ്പെ​ട്ട വീ​ടു​ക​ളി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് പ​ണം ക​ണ്ടെ​ടു​ത്ത​ത്. പ​ണം സൂ​ക്ഷി​ച്ചി​രു​ന്ന വീ​ടി​ന്റെ ഉ​ട​മ​ക​ൾ​ക്ക് സം​ഭ​വ​ത്തെ കു​റി​ച്ച് അ​റി​വി​ല്ലെ​ന്ന് പൊ​ലീ​സ് പ​റ​ഞ്ഞു. റി​മാ​ൻ​ഡി​ലാ​യി​രു​ന്ന പ്ര​തി​യെ ക​സ്റ്റ​ഡി​യി​ൽ വാ​ങ്ങി ശ​നി​യാ​ഴ്ച പൊ​ലീ​സ് തെ​ളി​വെ​ടു​പ്പ് ന​ട​ത്തി.

എ​സ്.​ഐ​മാ​രാ​യ വി.​പി. അ​ഷ്റ​ഫ്, കെ. ​ഗി​രി, എ.​എ​സ്.​ഐ​മാ​രാ​യ ജോ​ബി ജോ​ർ​ജ്, സാ​ജ​ൻ, വ​നി​ത എ​സ്.​സി.​പി.​ഒ മി​നി, സി.​പി.​ഒ സ​രി​ൽ എ​ന്നി​വ​രാ​ണ് പ​രി​രിശോധനകൾ ന​ട​ത്തി തൊ​ണ്ടി​മു​ത​ലു​ക​ൾ ക​ണ്ടെ​ടു​ത്ത​ത്. മോ​ഷ​ണം ന​ട​ന്ന എ​ൽ ആ​ൻ​ഡ് ടി ​ഫൈ​നാ​ൻ​സി​ന്റെ അ​ര​ണാ​ട്ടു​ക​ര ബ്രാ​ഞ്ചി​ലെ മാ​നേ​ജ​രാ​ണ് പ്ര​തി.