ഇ​ന്ന​ത്തെ 'പെ​രു​മ്പ​റ', അ​ന്ന് 'ചെ​ണ്ട'

ഗു​രു​വാ​യൂ​ർ: ഒ​രു​കാ​ല​ത്ത് തീ​ര​മേ​ഖ​ല​യി​ല്‍ എ​ല്‍.​ഡി.​എ​ഫ് സ്വ​ത​ന്ത്ര​രു​ടെ പ്രി​യ​ചി​ഹ്ന​മാ​യി​രു​ന്നു 'ചെ​ണ്ട'. അ​ന്ന​ത്തെ ഭാ​ഗ്യ​ചി​ഹ്നം ഇ​പ്പോ​ഴും സ്വ​ത​ന്ത്ര ചി​ഹ്ന​ങ്ങ​ളു​ടെ പ​ട്ടി​ക​യി​ലു​ണ്ടെ​ങ്കി​ലും പേ​ര് 'പെ​രു​മ്പ​റ' എ​ന്നാ​യി. 1994ല്‍ ​ന​ട​ന്ന ഗു​രു​വാ​യൂ​ര്‍ ഉ​പ​തെ​ര​ഞ്ഞെ​ടു​പ്പി​ല്‍ ചെ​ണ്ട ചി​ഹ്ന​ത്തി​ല്‍ എ​ല്‍.​ഡി.​എ​ഫ് സ്വ​ത​ന്ത്ര​നാ​യി മ​ത്സ​രി​ച്ച് പി.​ടി. കു​ഞ്ഞു​മു​ഹ​മ്മ​ദ് മു​സ്‌​ലിം ലീ​ഗി​െൻറ കോ​ട്ട ത​ക​ര്‍ത്ത​തോ​ടെ​യാ​ണ് ഈ ​ചി​ഹ്നം ഇ​ട​തു​പ​ക്ഷ​ത്തി​ന് പ്രി​യ​ങ്ക​ര​മാ​യ​ത്.

മ​ല​യാ​ളി​ക്ക് അ​ത്ര ക​ണ്ടു​പ​രി​ച​യ​മി​ല്ലാ​ത്ത രൂ​പ​ത്തി​ലു​ള്ള ഈ ​വാ​ദ്യോ​പ​ക​ര​ണം 'ചെ​ണ്ട' എ​ന്ന​പേ​രി​ല്‍ തെ​ര​ഞ്ഞെ​ടു​പ്പു​രം​ഗ​ത്ത് പ്ര​ചാ​രം നേ​ടി​യ​ത് ഗു​രു​വാ​യൂ​ര്‍ ഉ​പ​തെ​ര​ഞ്ഞെ​ടു​പ്പോ​ടെ​യാ​ണ്. 1996ല്‍ ​ന​ട​ന്ന തെ​ര​ഞ്ഞെ​ടു​പ്പി​ലും ചെ​ണ്ട​യി​ല്‍ മ​ത്സ​രി​ച്ച പി.​ടി വി​ജ​യം നി​ല​നി​ര്‍ത്തി. ഇ​തോ​ടെ 1995ലും 2000​ലും ന​ട​ന്ന ത​ദ്ദേ​ശ തെ​ര​ഞ്ഞെ​ടു​പ്പു​ക​ളി​ല്‍ ഒ​ട്ടു​മി​ക്ക എ​ല്‍.​ഡി.​എ​ഫ് സ്വ​ത​ന്ത്ര​രും ചെ​ണ്ട​യി​ലാ​ണ് മ​ത്സ​രി​ച്ച​ത്.

എ​ന്നാ​ല്‍, 2001ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ല്‍ കാ​ര്യ​ങ്ങ​ള്‍ മാ​റി. ത‍െൻറ വി​ജ​യ​ചി​ഹ്ന​മാ​യ ചെ​ണ്ട ല​ഭി​ക്കു​മെ​ന്ന ഉ​റ​പ്പി​ൽ എ​ൽ.​ഡി.​എ​ഫ് പ്ര​ചാ​ര​ണം നേ​ര​ത്തെ ആ​രം​ഭി​ച്ചി​രു​ന്നു. എ​ന്നാ​ല്‍, മേ​ഘാ​ല​യ​യി​ലെ ഏ​തോ പാ​ര്‍ട്ടി​യു​ടെ ഔ​ദ്യോ​ഗി​ക ചി​ഹ്ന​മാ​ണെ​ന്ന കാ​ര​ണം പ​റ​ഞ്ഞ് തെ​ര​ഞ്ഞെ​ടു​പ്പ് ക​മീ​ഷ​ന്‍ ചെ​ണ്ട​യെ അ​ത്ത​വ​ണ സ്വ​ത​ന്ത്ര ചി​ഹ്ന​ത്തി​ല്‍നി​ന്ന് നീ​ക്കി. ഇ​തോ​ടെ പി.​ടി​യു​ടെ ചി​ഹ്നം കു​ട്ട​യാ​യി. ചെ​ണ്ട ചി​ഹ്ന​മാ​യി പോ​സ്​​റ്റ​റു​ക​ൾ പ​തി​ച്ച ക​ഴി​ഞ്ഞ​ശേ​ഷ​മാ​യി​രു​ന്നു ഈ ​ചി​ഹ്ന​മാ​റ്റം.

ചെ​ണ്ട​യി​ല്‍നി​ന്ന് കു​ട്ട​യി​ലേ​ക്ക് മാ​റി​യ അ​ദ്ദേ​ഹം അ​ത്ത​വ​ണ ലീ​ഗി‍െൻറ പി.​കെ.​കെ. ബാ​വ​യോ​ട് തോ​റ്റു. പി​ന്നീ​ട് 2006ല്‍ ​സി.​പി.​എ​മ്മി‍െൻറ ഔ​ദ്യോ​ഗി​ക ചി​ഹ്ന​മാ​യ അ​രി​വാ​ള്‍ ചു​റ്റി​ക ന​ക്ഷ​ത്ര​ത്തി​ല്‍ മ​ത്സ​രി​ച്ച കെ.​വി. അ​ബ്​​ദു​ൽ ഖാ​ദ​ര്‍ മ​ണ്ഡ​ലം തി​രി​ച്ചു​പി​ടി​ച്ച​തും ഹാ​ട്രി​ക് വി​ജ​യം നേ​ടി​യ​തും ച​രി​ത്രം. കേ​ര​ള​ത്തി‍െൻറ പ​ര​മ്പ​രാ​ഗ​ത ശൈ​ലി​യി​ലു​ള്ള 'ചെ​ണ്ട' ഇ​ത്ത​വ​ണ കേ​ര​ള കോ​ണ്‍ഗ്ര​സ് ജോ​സ​ഫ് വി​ഭാ​ഗ​ത്തി‍െൻറ ചി​ഹ്ന​മാ​ണ്.