സൈ​നി​ക​രോ​ടു​ള്ള ആ​ദ​ര​വി​ന് ന​ന്ദി പ​റ​ഞ്ഞ് കാ​ര്‍ഗി​ല്‍ പോ​രാ​ട്ട വീ​ര​ന്‍

ഗു​രു​വാ​യൂ​ര്‍: കാ​ര്‍ഗി​ല്‍ പോ​രാ​ട്ട മി​ക​വി​ന് രാ​ജ്യം പ​ര​മ വീ​ര​ച​ക്രം ന​ല്‍കി ആ​ദ​രി​ച്ച ക്യാ​പ്റ്റ​ന്‍ യോ​ഗേ​ന്ദ്ര സി​ങ് യാ​ദ​വി​ന് ദേ​വ​സ്വം സ്വീ​ക​ര​ണം ന​ല്‍കി. വ്യാ​ഴാ​ഴ്ച രാ​വി​ലെ ക്ഷേ​ത്ര ദ​ര്‍ശ​ന​ത്തി​ന്​ എ​ത്തി​യ​പ്പോ​ഴാ​യി​രു​ന്നു സ്വീ​ക​ര​ണം. ദേ​വ​സ്വം ചെ​യ​ര്‍മാ​ന്‍ അ​ഡ്വ. കെ.​ബി. മോ​ഹ​ന്‍ദാ​സ് പ്ര​സാ​ദ കി​റ്റ് ന​ല്‍കി. ഭ​ര​ണ​സ​മി​തി അം​ഗം എ.​വി. പ്ര​ശാ​ന്ത്, അ​ഡ്മി​നി​സ്‌​ട്രേ​റ്റ​ര്‍ കെ.​പി. വി​ന​യ​ന്‍ എ​ന്നി​വ​രും സം​ബ​ന്ധി​ച്ചു.

ആ​ദ്യ​മാ​യാ​ണ് യോ​ഗേ​ന്ദ്ര സി​ങ് ഗു​രു​വാ​യൂ​രി​ല്‍ ദ​ര്‍ശ​നം ന​ട​ത്തു​ന്ന​ത്. അ​തി​രു​ദ്ര യ​ജ്ഞം ന​ട​ക്കു​ന്ന മ​മ്മി​യൂ​ര്‍ ശി​വ​ക്ഷേ​ത്ര​ത്തി​ലും ദ​ര്‍ശ​നം ന​ട​ത്തി. ആ​ന​ത്താ​വ​ളം സ​ന്ദ​ര്‍ശി​ച്ചു. കൊ​മ്പ​ന്‍ ന​ന്ദ​ന്‍, ത​മി​ഴ്‌​നാ​ട് മു​ഖ്യ​മ​ന്ത്രി​യാ​യി​രു​ന്ന ജ​യ​ല​ളി​ത ന​ട​യി​രു​ത്തി​യ കൃ​ഷ്ണ എ​ന്നീ ആ​ന​ക​ള്‍ക്കൊ​പ്പം​നി​ന്ന് ചി​ത്ര​വു​മെ​ടു​ത്തു. ശ്രീ​വ​ത്സം അ​തി​ഥി മ​ന്ദി​ര​ത്തി​ൽ ദേ​വ​സ്വം സു​ര​ക്ഷ ഡ്യൂ​ട്ടി​യി​ലു​ള്ള വി​മു​ക്ത ഭ​ട​ന്‍മാ​ര്‍ സെ​ക്യൂ​രി​റ്റി സൂ​പ്പ​ര്‍വൈ​സ​ര്‍ വി. ​ഹ​രി​ദാ​സി​ന്‍റെ നേ​തൃ​ത്വ​ത്തി​ല്‍ യോ​ഗേ​ന്ദ്ര സി​ങ് യാ​ദ​വി​ന് സ​ല്യൂ​ട്ട് ന​ല്‍കി. ദേ​വ​സ്വം ചെ​യ​ര്‍മാ​ന്‍ പൊ​ന്നാ​ട​യ​ണി​യി​ച്ചു.

''ജീ​വി​ത​ത്തി​ലെ ഒ​രി​ക്ക​ലും മ​റ​ക്കാ​നാ​കാ​ത്ത അ​നു​ഭ​വ​മാ​ണ് ഗു​രു​വാ​യൂ​ര്‍ ക്ഷേ​ത്ര​ത്തി​ല്‍ ദേ​വ​സ്വം ത​നി​ക്ക് ന​ല്‍കി​യ ആ​തി​ഥേ​യ​ത്വം. ഗു​രു​വാ​യൂ​ര​പ്പ​ന് ന​ന്ദി പ​റ​യു​ന്നു. കേ​ര​ള നാ​ടി​ന്‍റെ സ്‌​നേ​ഹ​ത്തി​ന്, ഭാ​ര​ത സൈ​നി​ക​ര്‍ക്ക് ന​ല്‍കു​ന്ന ആ​ദ​ര​വി​ന് ന​ന്ദി'' എ​ന്ന് സ​ന്ദ​ര്‍ശ​ക ഡ​യ​റി​യി​ല്‍ രേ​ഖ​പ്പെ​ടു​ത്തി​യാ​ണ് യോ​ഗേ​ന്ദ്ര സി​ങ് യാ​ദ​വ് മ​ട​ങ്ങി​യ​ത്. 1999ലെ ​കാ​ര്‍ഗി​ല്‍ പോ​രാ​ട്ട​ത്തി​ല്‍ മൂ​ന്ന് പാ​ക് ബ​ങ്ക​റു​ക​ള്‍ ത​ക​ര്‍ത്ത് നാ​ല് പാ​ക് സൈ​നി​ക​രെ വ​ധി​ച്ച് ടൈ​ഗ​ര്‍ ഹി​ല്‍ തി​രി​ച്ചു​പി​ടി​ക്കാ​ന്‍ നി​ര്‍ണാ​യ​ക സം​ഭാ​വ​ന ന​ല്‍കി​യ​തി​നാ​ണ് ഇ​ദ്ദേ​ഹ​ത്തി​ന്​ പ​ര​മ വീ​ര​ച​ക്രം സ​മ്മാ​നി​ച്ച​ത്. ഈ ​ബ​ഹു​മ​തി നേ​ടി​യ​വ​രി​ല്‍ ജീ​വി​ച്ചി​രി​ക്കു​ന്ന മൂ​ന്നു​പേ​രി​ല്‍ ഒ​രാ​ളാ​ണ് അ​ദ്ദേ​ഹം.