ഗുരുവായൂര്‍ നഗരസഭ: പദ്ധതി വിശദാംശങ്ങള്‍ നൽകിയില്ല; ചർച്ചയായപ്പോൾ കൗൺസിലർമാർക്ക് എത്തിച്ചുനൽകി

ഗു​രു​വാ​യൂ​ര്‍: മാ​ലി​ന്യ സം​സ്‌​ക​ര​ണ​ത്തി​നു​ള്ള വാ​ര്‍ഷി​ക പ​ദ്ധ​തി​യി​ല്‍ 4.33 കോ​ടി രൂ​പ​യു​ടെ പ്ര​വൃ​ത്തി​ക​ള്‍ കൂ​ടി കൂ​ട്ടി​ച്ചേ​ർ​ക്കാ​ൻ ചേ​ര്‍ന്ന അ​ടി​യ​ന്ത​ര കൗ​ണ്‍സി​ലി​ല്‍ പ​ദ്ധ​തി​യു​ടെ വി​ശ​ദാം​ശ​ങ്ങ​ള്‍ കൗ​ണ്‍സി​ല​ര്‍മാ​ര്‍ക്ക് ന​ല്‍കാ​ത്ത​ത് ച​ര്‍ച്ച​യാ​യി. വി​ശ​ദാം​ശ​ങ്ങ​ള്‍ ന​ല്‍കാ​തി​രു​ന്ന​ത് വീ​ഴ്ച​യാ​ണെ​ന്ന് സ​മ്മ​തി​ച്ച ചെ​യ​ര്‍മാ​ന്‍ എം. ​കൃ​ഷ്ണ​ദാ​സ് മി​നി​റ്റു​ക​ള്‍ക്ക​കം വി​ശ​ദാം​ശ​ങ്ങ​ള​ട​ങ്ങി​യ രേ​ഖ കൗ​ണ്‍സി​ല​ര്‍മാ​ര്‍ക്ക് എ​ത്തി​ച്ചു.

ര​ണ്ട് മാ​സം മു​മ്പ് രേ​ഖ​ക​ള്‍ കൈ​മാ​റി​യി​ട്ടും ന​ഗ​ര​സ​ഭ ന​ട​പ​ടി​യെ​ടു​ക്കാ​ത്ത കാ​ര്യം ശോ​ഭ ഹ​രി​നാ​രാ​യ​ണ​ന്‍ കൗ​ണ്‍സി​ലി​ല്‍ ഉ​ന്ന​യി​ച്ചു. കോ​ടി​ക​ള്‍ ചെ​ല​വ​ഴി​ച്ച് ന​ഗ​ര​സ​ഭ നി​ര്‍മി​ച്ച ന​ട​പ്പാ​ത​യു​ടെ വ​ശം പൊ​ളി​ച്ച് സ്വ​കാ​ര്യ ഹോ​ട്ട​ലു​കാ​ര്‍ പൊ​തു​നി​ര​ത്തി​ലേ​ക്ക് മാ​ലി​ന്യം ഒ​ഴു​ക്കു​ന്ന​തി​ന്റെ വി​ഡി​യോ സ​ഹി​തം കൈ​മാ​റി​യി​ട്ടും ന​ട​പ​ടി​യെ​ടു​ത്തി​ല്ലെ​ന്ന് അ​വ​ര്‍ പ​റ​ഞ്ഞു. അ​ര്‍ധ​രാ​ത്രി​യാ​ണ് പ​ടി​ഞ്ഞാ​റെ ന​ട​യി​ലെ സ്ഥാ​പ​നം ന​ട​പ്പാ​ത​യു​ടെ വ​ശം പൊ​ളി​ച്ച് മാ​ലി​ന്യ​പൈ​പ്പ് പൊ​തു​കാ​ന​യി​ലേ​ക്ക് സ്ഥാ​പി​ച്ച​തെ​ന്നും അ​വ​ര്‍ പ​റ​ഞ്ഞു.

മാ​ലി​ന്യം വ​ലി​ച്ചെ​റി​യു​ന്ന​വ​രി​ല്‍നി​ന്ന് ക​ഴി​ഞ്ഞ ര​ണ്ട് മാ​സ​ത്തി​ന​കം എ​ട്ട് ല​ക്ഷം രൂ​പ പി​ഴ ഈ​ടാ​ക്കി​യ​താ​യി ചെ​യ​ര്‍മാ​ന്‍ പ​റ​ഞ്ഞു. ഇ​ത് സം​സ്ഥാ​ന ത​ല​ത്തി​ല്‍ ത​ന്നെ മു​ന്നി​ലാ​ണെ​ന്നും അ​റി​യി​ച്ചു. ന​ഗ​ര​സ​ഭ ന​ട​പ്പാ​ക്കി​യ മാ​ലി​ന്യ സം​സ്‌​ക​ര​ണ പ​ദ്ധ​തി​ക​ള്‍ കൃ​ത്യ​മാ​യി അ​വ​ലോ​ക​നം ചെ​യ്യ​ണ​മെ​ന്ന് പ്ര​തി​പ​ക്ഷ നേ​താ​വ് കെ.​പി. ഉ​ദ​യ​ന്‍ ആ​വ​ശ്യ​പ്പെ​ട്ടു.

തെ​രു​വു​നാ​യ് പ്ര​ശ്‌​നം സി.​എ​സ്. സൂ​ര​ജും കാ​ട്ടു​പ​ന്നി​ക​ളു​ടെ ശ​ല്യം ബി.​വി. ജോ​യി​യും ഉ​ന്ന​യി​ച്ചു. ഉ​മ്മ​ന്‍ ചാ​ണ്ടി​യു​ടെ നി​ര്യാ​ണ​ത്തി​ല്‍ അ​നു​ശോ​ച​നം രേ​ഖ​പ്പെ​ടു​ത്തി​യാ​ണ് യോ​ഗം ആ​രം​ഭി​ച്ച​ത്. എ.​എ​സ്. മ​നോ​ജ്, പ്ര​ഫ. പി.​കെ. ശാ​ന്ത​കു​മാ​രി, എ.​എം. ഷെ​ഫീ​ര്‍, കെ.​പി. ഉ​ദ​യ​ന്‍, ആ​ര്‍.​വി. ഷെ​രീ​ഫ്, രേ​ണു​ക ശ​ങ്ക​ര്‍ എ​ന്നി​വ​ര്‍ സം​സാ​രി​ച്ചു.

ഗു​രു​വാ​യൂ​ര്‍ മാ​തൃ​ക​ക്ക് ക​രു​ത്തു​പ​ക​രാ​ന്‍ ലോ​ക ബാ​ങ്ക് പ​ദ്ധ​തി വ​രു​ന്നു

ഗു​രു​വാ​യൂ​ര്‍: സം​സ്ഥാ​ന​ത​ല​ത്തി​ല്‍ ത​ന്നെ ശ്ര​ദ്ധേ​യ​മാ​യ ഗു​രു​വാ​യൂ​ര്‍ മോ​ഡ​ല്‍ മാ​ലി​ന്യ സം​സ്‌​ക​ര​ണ​ത്തി​ന് ക​രു​ത്താ​കാ​ന്‍ ലോ​ക​ബാ​ങ്കി​ന്റെ പ​ദ്ധ​തി കൂ​ടി വ​രു​ന്നു. 11.68 കോ​ടി​യു​ടെ പ​ദ്ധ​തി​യാ​ണ് അ​ഞ്ച് വ​ര്‍ഷം കൊ​ണ്ട് ന​ട​പ്പാ​ക്കു​ന്ന​ത്. ഈ ​വ​ര്‍ഷം 4.33 കോ​ടി​യു​ടെ പ​ദ്ധ​തി​ക​ള്‍ ന​ട​പ്പാ​ക്കും.

നി​ല​വി​ലെ വി​ന്‍ഡ്രോ ക​മ്പോ​സ്റ്റ് യൂ​നി​റ്റ് ആ​ധു​നി​ക​വ​ത്ക​രി​ക്കും. സം​സ്‌​ക​ര​ണ​ത്തി​നി​ടെ മ​ലി​ന​ജ​ലം ഊ​ര്‍ന്നി​റ​ങ്ങു​ന്ന​ത് പ​രി​ഹ​രി​ക്ക​ല്‍, വാ​ഴ​യി​ല​ക​ള്‍ പൊ​ടി​ക്ക​ല്‍, തൂ​ക്ക പ​രി​ശോ​ധ​ന യ​ന്ത്രം, അ​ല​ക്കു​യ​ന്ത്രം എ​ന്നി​വ​യാ​ണ് ഇ​തി​ന്റെ ഭാ​ഗ​മാ​യി ന​ട​പ്പാ​ക്കു​ക. മാ​ലി​ന്യം ശേ​ഖ​രി​ച്ചു​വെ​ക്കു​ന്ന സൗ​ക​ര്യ​ങ്ങ​ള്‍ (എം.​സി.​എ​ഫ്) വ​ര്‍ധി​പ്പി​ക്കാ​നും ആ​ധു​നി​ക​വ​ത്ക​രി​ക്കാ​നും പ​ദ്ധ​തി​യു​ണ്ട്.

തീ​പി​ടി​ത്തം പോ​ലു​ള്ള അ​പ​ക​ട​ങ്ങ​ള്‍ ഒ​ഴി​വാ​ക്കാ​ന്‍ 1.5 കോ​ടി​യു​ടെ സം​വി​ധാ​ന​ങ്ങ​ളാ​ണ് ഒ​രു​ക്കു​ക. ഇ​ന്‍സി​നേ​റ്റ​ര്‍, ജൈ​വ​മാ​ലി​ന്യം ശേ​ഖ​രി​ക്കാ​ന്‍ ഇ​ല​ക്ട്രി​ക്ക​ല്‍ വാ​ഹ​നം, തെ​രു​വു​വൃ​ത്തി​യാ​ക്കു​ന്ന മാ​ലി​ന്യം ശേ​ഖ​രി​ക്കാ​ന്‍ ഇ​ല​ക്ട്രി​ക്ക് ഓ​ട്ടോ, നി​രീ​ക്ഷ​ണ​ത്തി​ന് പോ​ര്‍ട്ട​ബി​ള്‍ സി.​സി.​ടി.​വി സം​വി​ധാ​നം എ​ന്നി​വ​യും പ​ദ്ധ​തി​യി​ലു​ണ്ട്. പു​തി​യ എം.​സി.​എ​ഫി​നാ​യി 1.20 കോ​ടി​യും പ​ദ്ധ​തി​യി​ലു​ണ്ടെ​ന്ന് കേ​ര​ള സ്റ്റേ​റ്റ് വേ​സ്റ്റ് മാ​നേ​ജ്‌​മെ​ന്റ് പ​ദ്ധ​തി​യു​ടെ (കെ.​എ​സ്.​ഡ​ബ്ല്യു.​എം.​പി) ഖ​ര​മാ​ലി​ന്യ സം​സ്‌​ക​ര​ണ എ​ന്‍ജി​നീ​യ​ര്‍ ആ​തി​ര ജോ​സ് പ​റ​ഞ്ഞു.