ഗുരുവായൂര്‍ ഉത്സവം: മൂന്നിന് കൊടിയേറും

ഗു​രു​വാ​യൂ​ര്‍: 10 ദി​വ​സ​ത്തെ ക്ഷേ​ത്രോ​ത്സ​വ​ത്തി​ന് വെ​ള്ളി​യാ​ഴ്ച കൊ​ടി​യേ​റും. ഉ​ത്സ​വ​ത്തി​ന് മു​ന്നോ​ടി​യാ​യ സ​ഹ​സ്ര​ക​ല​ശാ​ഭി​ഷേ​കം വ്യാ​ഴാ​ഴ്ച ന​ട​ക്കും. സ​ഹ​സ്ര​ക​ല​ശ​ത്തി​നാ​യി കൂ​ത്ത​മ്പ​ല​ത്തി​ല്‍ പ​ത്മ​മി​ട്ട് 975 വെ​ള്ളി​ക്കു​ട​ങ്ങ​ളും 26 സ്വ​ര്‍ണ​ക്കു​ട​ങ്ങ​ളും 25 ഖ​ണ്ഡ​ങ്ങ​ളാ​യി ക​മ​ഴ്ത്തി വെ​ച്ചു.

ബു​ധ​നാ​ഴ്ച ആ​യി​രം കു​ട​ങ്ങ​ളി​ല്‍ മ​ന്ത്ര​പു​ര​സ​രം ദ്ര​വ്യ​ങ്ങ​ളും പ​രി​ക​ല​ശ​വും നി​റ​ച്ച് പൂ​ജ ന​ട​ത്തും. രാ​ത്രി ക​ല​ശ​ത്തി​ന് ഭ​ഗ​വാ​ന്റെ അ​നു​മ​തി ചോ​ദി​ക്കു​ന്ന അ​നു​ജ്ഞ ച​ട​ങ്ങ് ന​ട​ക്കും. വ്യാ​ഴാ​ഴ്ച രാ​വി​ലെ ഏ​ഴി​ന് ശേ​ഷം കൂ​ത്ത​മ്പ​ല​ത്തി​ല്‍നി​ന്ന് ആ​യി​രം ക​ല​ശം കീ​ഴ്ശാ​ന്തി ന​മ്പൂ​തി​രി​മാ​ര്‍ കൈ​മാ​റി ശ്രീ​ല​ക​ത്ത് എ​ത്തി​ക്കും.

ത​ന്ത്രി അ​ഭി​ഷേ​കം ചെ​യ്യും. ബ്ര​ഹ്മ​ക​ല​ശം വാ​ദ്യ​ഘോ​ഷ​ങ്ങ​ളോ​ടെ ശ്രീ​ല​ക​ത്തേ​ക്ക് എ​ഴു​ന്ന​ള്ളി​ച്ച് അ​ഭി​ഷേ​കം ചെ​യ്യു​ന്ന​തോ​ടെ ച​ട​ങ്ങ് പൂ​ര്‍ണ​മാ​കും. ക്ഷേ​ത്ര​ത്തി​ല്‍ ബു​ധ​നാ​ഴ്ച ത​ത്വ​ക​ല​ശാ​ഭി​ഷേ​കം ന​ട​ക്കും. വെ​ള്ളി​യാ​ഴ്ച രാ​വി​ലെ ആ​ന​യി​ല്ലാ​ശീ​വേ​ലി, ഉ​ച്ച​ക​ഴി​ഞ്ഞ് മൂ​ന്നി​ന് ആ​ന​യോ​ട്ടം എ​ന്നി​വ ന​ട​ക്കും. രാ​ത്രി കൊ​ടി​യേ​റ്റ​ത്തോ​ടെ 10 ദി​വ​സ​ത്തെ ഉ​ത്സ​വ​ത്തി​ന് തു​ട​ക്ക​മാ​കും.