Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightആൾതാമസമില്ലാത്ത...

ആൾതാമസമില്ലാത്ത വീട്ടിൽനിന്ന് 48 നാടൻ ഗുണ്ടുകൾ പിടികൂടി

text_fields
bookmark_border
ആൾതാമസമില്ലാത്ത വീട്ടിൽനിന്ന് 48 നാടൻ ഗുണ്ടുകൾ പിടികൂടി
cancel
camera_alt

പിടികൂടിയ നാടൻ ഗുണ്ടുകൾ

തൃപ്രയാർ: തിരുവോണ ദിവസം കോതകുളം ബീച്ചിൽ ഇരുവിഭാഗങ്ങൾ തമ്മിലുണ്ടായ സംഘട്ടനവുമായി ബന്ധപ്പെട്ട അന്വേഷണത്തിനിടെ ആൾതാമസമില്ലാത്ത വീട്ടിൽനിന്ന് സ്ഫോടകവസ്​തു ശേഖരം പിടികൂടി. ചാക്കിൽ സൂക്ഷിച്ച ഉഗ്രശേഷിയുള്ള 48 നാടൻ ഗുണ്ടുകളാണ് വലപ്പാട് പൊലീസ് പിടിച്ചെടുത്തത്.

തിരുവോണ ദിവസം വൈകീട്ടോടെ കോതകുളം ബീച്ചിന് സമീപം നടന്ന സംഘട്ടനവുമായി ബന്ധപ്പെട്ട അന്വേഷണത്തിനിടെയാണ് സ്‌ഫോടക വസ്തു ശേഖരത്തെക്കുറിച്ച് രഹസ്യവിവരം ലഭിച്ചത്. വലപ്പാട് എസ്.ഐ വി.പി. അരിസ്​റ്റോട്ടിലും സംഘവുമാണ്​ പരിശോധന നടത്തിയത്​.

ഇരിങ്ങാലക്കുട ഡിവൈ.എസ്.പി ഫെയ്മസ് വർഗീസ് സ്ഥലത്തെത്തിയിരുന്നു. ഈ വീടും സമീപത്തെ ക്ലബും കേന്ദ്രീകരിച്ച് ശീട്ടുകളിയും മദ്യപാനവും പതിവാണെന്ന് പൊലീസ് പറയുന്നു. വീടി​െൻറ ഉടമയെ സംബന്ധിച്ച്​ കൃത്യമായ വിവരം ലഭിച്ചിട്ടില്ല. കഴിഞ്ഞ ഒരു വർഷത്തിനിടെ വലപ്പാട് വട്ടപ്പരത്തി-കോതകുളം ബീച്ച് മേഖലകളിലെ രണ്ട് സംഘങ്ങൾ തമ്മിലെ സംഘട്ടനം സംബന്ധിച്ച്​ 11 കേസാണുള്ളത്. എസ്.ഐ സി.പി. വിജു, എ.എസ്.ഐ കൊച്ചുമോൻ, സി.പി.ഒ ഉണ്ണികൃഷ്ണൻ, സ്‌പെഷൽ ഉദ്യോഗസ്ഥൻ അൻവർ സാദത്ത്, ഹോം ഗാർഡ് ജോഷി എന്നിവരും അന്വേഷണസംഘത്തിൽ ഉണ്ടായിരുന്നു.

Show Full Article
TAGS:house blsat 
Next Story