പ​ഴു​വി​ലി​ലേ​ക്ക് പോ​രൂ; അ​നാ​സ്ഥ നേരിട്ട് കാ​ണാം

ചാ​ഴൂ​ർ: അ​ധി​കൃ​ത​രു​ടെ അ​നാ​സ്ഥ നേ​രി​ട്ട് കാ​ണ​ണ​മെ​ങ്കി​ൽ ചാ​ഴൂ​ർ പ​ഞ്ചാ​യ​ത്തി​ലെ പ​ഴു​വി​ലി​ൽ പ​ണി ക​ഴി​ഞ്ഞ ശേ​ഷം കാ​ടു​ക​യ​റി ന​ശി​ക്കു​ന്ന പ​ട്ടി​ക​ജാ​തി തൊ​ഴി​ൽ പ​രി​ശീ​ല​ന കേ​ന്ദ്രം ക​ണ്ടാ​ൽ മ​തി. 16 ല​ക്ഷം രൂ​പ ചെ​ല​വി​ൽ ജി​ല്ല പ​ഞ്ചാ​യ​ത്ത് നി​ർ​മി​ച്ച കെ​ട്ടി​ടം ഉ​ദ്ഘാ​ട​നം ക​ഴി​ഞ്ഞി​ട്ട് 12 വ​ർ​ഷം ക​ഴി​ഞ്ഞി​ട്ടും അ​ധി​കൃ​ത​രു​ടെ അ​നാ​സ്ഥ മൂ​ലം തു​റ​ന്നു​പ്ര​വ​ർ​ത്തി​ച്ചി​ല്ല. കെ​ട്ടി​ടം ഉ​പ​യോ​ഗ്യ​മ​ല്ലെ​ന്നാ​ണ് ബ്ലോ​ക്ക് പ​ഞ്ചാ​യ​ത്ത് എ.​ഇ​യു​ടെ റി​പ്പോ​ർ​ട്ട്. പാ​ട​ത്തി​നോ​ട് ചേ​ർ​ന്ന് പ​ണി​ത കെ​ട്ടി​ടം ഇ​രു​ന്നു​പോ​യി എ​ന്നാ​ണ് പ​റ​യു​ന്ന​ത്.

ബ​ല​ക്ഷ​യ​മു​ള്ള കെ​ട്ടി​ടം ഒ​രു ത​വ​ണ പോ​ലും ഉ​പ​യോ​ഗി​ച്ചി​ട്ടി​ല്ലെ​ങ്കി​ലും 16 ല​ക്ഷം കെ​ട്ടി​ട​ത്തി​നും ശു​ചി​മു​റി​ക​ളു​ടെ നി​ർ​മാ​ണ​ത്തി​ന് ചെ​ല​വാ​യി. 57,000 രൂ​പ വൈ​ദ്യു​തീ​ക​ര​ണ​ത്തി​നും, 50,000 രൂ​പ ഫ​ർ​ണി​ച്ച​റി​നും, ര​ണ്ട് ല​ക്ഷം ക​മ്പ്യൂ​ട്ട​റു​ക​ൾ വാ​ങ്ങാ​നും ചെ​ല​വാ​ക്കി​യ ശേ​ഷ​മാ​ണ് കെ​ട്ടി​ടം ഉ​പ​യോ​ഗ്യ​മ​ല്ലെ​ന്ന ക​ണ്ടെ​ത്ത​ൽ. കെ​ട്ടി​ടം ഇ​പ്പോ​ൾ കാ​ടു​ക​യ​റി ഇ​ഴ​ജ​ന്തു​ക്ക​ളു​ടെ താ​വ​ള​മാ​യി. ഫ​ർ​ണി​ച്ച​റു​ക​ൾ അ​തി​ന​ക​ത്ത് ത​ന്നെ കി​ട​ന്ന് ചി​ത​ലെ​ടു​ത്തു. ക​മ്പ്യൂ​ട്ട​റു​ക​ൾ പ​ഞ്ചാ​യ​ത്ത് ഓ​ഫി​സി​ൽ കി​ട​ന്ന് ന​ശി​ച്ചു​പോ​യി. 16 ല​ക്ഷം രൂ​പ ക​ട​ലി​ൽ കാ​യം ക​ല​ക്കി​യ അ​വ​സ്ഥ​യാ​യി. കേ​ന്ദ്രം പ്ര​വ​ർ​ത്ത​നം ന​ട​ത്തി​യാ​ൽ നി​ര​വ​ധി പ​ട്ടി​ക​ജാ​തി യു​വാ​ക്ക​ൾ​ക്ക് തൊ​ഴി​ൽ നേ​ടാ​നും ക​ഴി​യും.

സ​ർ​ക്കാ​ർ പ​ണം എ​ങ്ങി​നെ ന​ശി​പ്പി​ക്കാം എ​ന്ന​തി​നും അ​ധി​കൃ​ത​രു​ടെ അ​നാ​സ്ഥ​യു​ടെ​യും സ്മാ​ര​ക​മാ​ണ് കെ​ട്ടി​ട​മെ​ന്ന് പ​ഞ്ചാ​യ​ത്ത് പ്ര​തി​പ​ക്ഷ നേ​താ​വ് പി.​കെ. ഇ​ബ്രാ​ഹിം ആ​രോ​പി​ക്കു​ന്നു. നി​ല​വി​ൽ തൊ​ഴി​ൽ പ​രി​ശീ​ല​ന കേ​ന്ദ്രം ഇ​ല്ലാ​ത്ത അ​വ​സ്ഥ​യാ​ണ് പ​ഞ്ചാ​യ​ത്തി​ന്. ബ​ന്ധ​പ്പെ​ട്ട​വ​ർ ഇ​ട​പ്പെ​ട്ട് സ​ർ​ക്കാ​ർ പ​ണം ധൂ​ർ​ത്ത​ടി​ച്ച​വ​ർ​ക്കെ​തി​രെ ന​ട​പ​ടി എ​ടു​ക്ക​ണ​മെ​ന്ന് പി.​കെ. ഇ​ബ്രാ​ഹിം ആ​വ​ശ്യ​പ്പെ​ടു​ന്നു.