വ്യാ​ജ ആ​പ് വ​ഴി ത​ട്ടി​പ്പ്; പ്ര​തി പി​ടി​യി​ൽ

കൊ​ടു​ങ്ങ​ല്ലൂ​ർ: വ്യാ​ജ ആ​പ് വ​ഴി ക്യൂ.​ആ​ർ കോ​ഡ് സ്കാ​ൻ ചെ​യ്ത് 17,000 രൂ​പ അ​യ​ച്ച​താ​യി തെ​റ്റി​ധ​രി​പ്പി​ച്ച് മൊ​ബൈ​ൽ ഫോ​ൺ വാ​ങ്ങി ത​ട്ടി​പ്പ് ന​ട​ത്തി​യ കേ​സി​ലെ പ്ര​തി​യെ മ​തി​ല​കം പൊ​ലീ​സ് അ​റ​സ്റ്റ് ചെ​യ്തു. പെ​രി​ഞ്ഞ​നം സ്വ​ദേ​ശി എ​ള്ളും​പ​റ​മ്പി​ൽ വീ​ട്ടി​ൽ അ​ഹ​മ്മ​ദാ​ണ് (18) അ​റ​സ്റ്റി​ലാ​യ​ത്.

എ​സ്. പു​രം കോ​ത​പ​റ​മ്പ് സ്വ​ദേ​ശി തൈ​പ​റ​മ്പി​ൽ നൗ​ഫ​ലും നെ​ടും​പ​റ​മ്പ് സ്വ​ദേ​ശി മു​സ്ത​ഫ​യും പാ​ർ​ട്‌​ണ​ർ​മാ​രാ​യി മ​തി​ല​കം സെ​ന്റ​റി​ൽ പ്ര​വ​ർ​ത്തി​ക്കു​ന്ന മൊ​ബൈ​ൽ പാ​ർ​ക്കി​ലാ​ണ് പ്ര​തി ത​ട്ടി​പ്പി​ന് ശ്ര​മി​ച്ച​ത്. വ്യാ​ഴാ​ഴ്ച വൈ​കീ​ട്ട് ആ​റോ​ടെ​യാ​ണ് സം​ഭ​വം. മൊ​ബൈ​ൽ ഷോ​പ്പി​ൽ വ​ന്ന പ്ര​തി ഫോ​ൺ വാ​ങ്ങി​യ ശേ​ഷം ഷോ​പ്പി​ലെ ക്യൂ.​ആ​ർ കോ​ഡ് സ്കാ​ൻ ചെ​യ്ത് ഫോ​ൺ പേ ​വ​ഴി പ​ണം അ​യ​ച്ച​താ​യി പ​റ​ഞ്ഞ് സ്ക്രീ​ൻ ഷോ​ട്ട് കൊ​ടു​ത്ത് പെ​ട്ടെ​ന്ന് മൊ​ബൈ​ൽ ഷോ​പ്പി​ൽ ഇ​റ​ങ്ങി​പ്പോ​കാ​ൻ ശ്ര​മി​ക്കു​ക​യാ​യി​രു​ന്നു.

പോ​ക​ല്ലെ​യെ​ന്ന് പ​റ​ഞ്ഞെ​ങ്കി​ലും ത​ന്ത്ര​പൂ​ർ​വം പോ​കാ​ൻ ശ്ര​മി​ക്കു​ക​യാ​യി​രു​ന്നു. ഇ​തോ​ടെ സം​ശ​യം തോ​ന്നി​യ നൗ​ഫ​ൽ ബാ​ങ്ക് അ​ക്കൗ​ണ്ട് പ​രി​ശോ​ധി​ച്ച​പ്പോ​ഴാ​ണ് പ​ണം ക്രെ​ഡി​റ്റ് ആ​യി​ട്ടി​ല്ലെ​ന്ന് മ​ന​സ്സി​ലാ​യ​ത്. തു​ട​ർ​ന്ന് പ്ര​തി​യെ ത​ട​ഞ്ഞ് വെ​ച്ച് മ​തി​ല​കം പൊ​ലീ​സി​നെ അ​റി​യി​ക്കു​ക​യാ​യി​രു​ന്നു.

നൗ​ഫ​ലി​ന്റെ പ​രാ​തി​യി​ലാ​ണ് കേ​സെ​ടു​ത്ത​ത്. മ​തി​ല​കം എ​സ്.​എ​ച്ച്.​ഒ എം.​കെ. ഷാ​ജി, എ​സ്.​ഐ അ​ശ്വി​ൻ റോ​യ്, ജി.​എ​സ്.​സി.​പി.​ഒ​മാ​രാ​യ സ​നീ​ഷ്, ഷ​നി​ൽ എ​ന്നി​വ​രാ​ണ് അ​ന്വേ​ഷ​ണം ന​ട​ത്തി​യ​ത്. മ​തി​ല​കം സെൻറ​റി​ലെ ചി​ക്ക​ൻ സെൻറ​റി​ൽ​നി​ന്ന് കോ​ഴി വാ​ങ്ങി​യ​ത് ഉ​ൾ​പ്പെ​ടെ മ​റ്റു ത​ട്ടി​പ്പു​ക​ളും ഇ​യാ​ൾ ന​ട​ത്തി​യ​താ​യി സൂ​ച​ന​ക​ളു​ണ്ട്.