Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightദു​രി​ത​ത്തി​ൽ...

ദു​രി​ത​ത്തി​ൽ മു​ക്കി​ക്കൊ​ല്ലാ​ൻ സ​ഹ​ക​ര​ണ ബാ​ങ്കി​ന്‍റെ ജ​പ്തി നോ​ട്ടീ​സ്; കരകാണാജീവിതത്തിൽ പകച്ച് രമ്യ

text_fields
bookmark_border
ദു​രി​ത​ത്തി​ൽ മു​ക്കി​ക്കൊ​ല്ലാ​ൻ സ​ഹ​ക​ര​ണ ബാ​ങ്കി​ന്‍റെ ജ​പ്തി നോ​ട്ടീ​സ്; കരകാണാജീവിതത്തിൽ പകച്ച് രമ്യ
cancel
camera_alt

ര​മ്യ ബാ​ങ്ക് ജ​പ്തി നോ​ട്ടീ​സു​മാ​യി. അ​യ്യ​പ്പ​നും മ​ണി​യ​മ്മ​യും സ​മീ​പ​ം

തൃ​ശൂ​ർ: മ​ന​ക്ക​രു​ത്തി​ൽ ജീ​വി​തം വീ​ണ്ടെ​ടു​ക്കാ​നു​ള്ള ര​മ്യ​യു​ടെ പോ​രാ​ട്ടം ദു​രി​ത​ത്തി​ൽ മു​ക്കി​ക്കൊ​ല്ലാ​ൻ സ​ഹ​ക​ര​ണ ബാ​ങ്കി​ന്‍റെ ജ​പ്തി നോ​ട്ടീ​സ്. കോ​ല​ഴി അ​ത്തേ​ക്കാ​ട് സ്വ​ദേ​ശി ചേ​രി​യേ​ലി​ൽ വീ​ട്ടി​ൽ ര​മ്യ​യാ​ണ് മു​ന്നോ​ട്ടു​ള്ള ജീ​വി​ത​ത്തി​ൽ പ​ക​ച്ച് നി​ൽ​ക്കു​ന്ന​ത്. മൂ​ന്ന് മ​ക്ക​ളെ ഏ​ൽ​പി​ച്ച് പാ​തി​പ്രാ​ണ​നെ വി​ധി ത​ട്ടി​യെ​ടു​ത്ത ദു​രി​ത​ജീ​വി​ത​ത്തി​ൽ ഉ​റ്റ​വ​ർ ഉ​പേ​ക്ഷി​ക്ക​പ്പെ​ട്ട ര​ണ്ട് വ​യോ​ധി​ക ജീ​വി​ത​ങ്ങ​ളെ മാ​താ​പി​താ​ക്ക​ളെ പോ​ലെ കൂ​ടെ കൂ​ട്ടി​യാ​ണ് ര​മ്യ​യു​ടെ ജീ​വി​തം. കോ​വി​ഡ് മ​ഹാ​മാ​രി​ക്ക്​ പി​ന്നാ​ലെ ജീ​വി​ത​ത്തി​ലു​ണ്ടാ​യ ദു​ര​ന്ത​ത്തെ​യും അ​തി​ജീ​വി​ക്കാ​ൻ എ​ന്തു ചെ​യ്യ​ണ​മെ​ന്ന് അ​റി​യാ​തി​രി​ക്കെ​യാ​ണ് ഇ​ടി​ത്തീ​യാ​യി സ​ഹ​ക​ര​ണ ബാ​ങ്കി​ന്‍റെ ജ​പ്തി നോ​ട്ടീ​സ്​ ല​ഭി​ക്കു​ന്ന​ത്.

അ​ല്ല​ലി​ല്ലാ​തെ ക​ഴി​യു​ന്ന ജീ​വി​ത​ത്തി​ലേ​ക്കാ​ണ് അ​പ്ര​തീ​ക്ഷി​ത​മാ​യി വി​ധി അ​പ​ക​ട​മാ​യി വ​ന്ന് ക​യ​റു​ന്ന​ത്. ഒ​രു​വ​ർ​ഷം മു​മ്പ്​ മൂ​വാ​റ്റു​പു​ഴ​യി​ലു​ണ്ടാ​യ വാ​ഹ​നാ​പ​ക​ട​ത്തി​ൽ ര​മ്യ​യു​ടെ ഭ​ർ​ത്താ​വ് പ്ര​ദീ​പ് മ​രി​ച്ചു. വാ​ഹ​ന​ത്തി​ന്‍റെ രേ​ഖ​ക​ൾ കൃ​ത്യ​മ​ല്ലാ​തി​രു​ന്ന​തി​നാ​ൽ ആ​നു​കൂ​ല്യ​ത്തി​ന് അ​ർ​ഹ​ത​യി​ല്ലാ​താ​യി. വീ​ട്ട​മ്മ​യാ​യി ഒ​തു​ങ്ങി​ക്ക​ഴി​ഞ്ഞി​രു​ന്ന ര​മ്യ​യെ​യും പ്ല​സ് ടു​വി​നും നാ​ലാം ക്ലാ​സി​ലും ര​ണ്ടാം ക്ലാ​സി​ലും പ​ഠി​ക്കു​ന്ന മൂ​ന്നു കു​ട്ടി​ക​ളെ​യും ത​നി​ച്ചാ​ക്കി​യാ​ണ് പ്ര​ദീ​പ് ജീ​വി​ത​ത്തി​ൽ​നി​ന്ന്​ വി​ട​പ​റ​ഞ്ഞ​ത്. പി​ന്നെ മൂ​ന്ന് പെ​ൺ​കു​ട്ടി​ക​ളു​ടെ ഭ​ക്ഷ​ണ​ത്തി​നും പ​ഠി​പ്പി​നു​മാ​യു​ള്ള ക​ഷ്ട​പ്പാ​ടി​ൽ ന​ഗ​ര​ത്തി​ലെ സ്വ​കാ​ര്യ ഓ​ഫി​സി​ലെ ശു​ചീ​ക​ര​ണ തൊ​ഴി​ലാ​യി​രു​ന്നു ആ​ശ്ര​യം.

ഇ​തി​നി​ട​യി​ൽ കോ​വി​ഡ് പ്ര​തി​സ​ന്ധി​യി​ൽ തൃ​ശൂ​രി​ലെ ലോ​ഡ്ജു​ക​ൾ അ​ട​ച്ചു​പൂ​ട്ടി​യ​പ്പോ​ൾ അ​ല​ക്കു​ജോ​ലി ചെ​യ്തി​രു​ന്ന 60 ക​ഴി​ഞ്ഞ വ​യോ​ദ​മ്പ​തി​ക​ളാ​യ അ​യ്യ​പ്പ​നും മ​ണി​യ​മ്മ​യും എ​ങ്ങോ​ട്ടു​പോ​ക​ണ​മെ​ന്ന​റി​യാ​തെ പെ​രു​വ​ഴി​യി​ലി​റ​ങ്ങി​യ​പ്പോ​ൾ താ​ങ്ങും ത​ണ​ലു​മി​ല്ലാ​താ​യ ത​ന്‍റെ ജീ​വി​ത​ത്തെ ര​മ്യ ഓ​ർ​ത്തു. ഇ​രു​വ​രെ​യും സ്വ​ന്തം മാ​താ​പി​താ​ക്ക​ളാ​യി കൂ​ടെ കൂ​ട്ടി. ഇ​തി​നി​ട​യി​ലാ​ണ് ഇ​രു​ട്ട​ടി​യാ​യി ബാ​ങ്കി​ൽ​നി​ന്ന്​ ജ​പ്തി നോ​ട്ടീ​സ് ല​ഭി​ക്കു​ന്ന​ത്.

കോ​ല​ഴി അ​ത്തേ​ക്കാ​ടു​ള്ള അ​ഞ്ച് സെ​ന്‍റ്​ സ്ഥ​ല​ത്ത് വീ​ട് പ​ണി​യാ​ൻ കോ​ല​ഴി സ​ഹ​ക​ര​ണ സൊ​സൈ​റ്റി​യി​ൽ​നി​ന്ന്​ മൂ​ന്ന് ല​ക്ഷം രൂ​പ 2012ൽ ​വാ​യ്പ​യെ​ടു​ത്തി​രു​ന്നു. ഇ​ത് പ​ലി​ശ​യും കൂ​ട്ടു​പ​ലി​ശ​യു​മൊ​ക്കെ​യാ​യി ഇ​പ്പോ​ൾ 8,03,731 രൂ​പ​യാ​യി. വീ​ട് പ​ണി​യാ​ക​ട്ടെ പാ​തി​യി​ൽ നി​ല​ക്കു​ക​യും ചെ​യ്തു. തു​ക ഈ ​മാ​സം 15ന​കം അ​ട​ക്ക​ണ​മെ​ന്നും അ​ല്ലെ​ങ്കി​ൽ ജ​പ്തി ന​ട​പ​ടി​ക​ൾ നേ​രി​ടേ​ണ്ടി വ​രു​മെ​ന്ന് കാ​ണി​ച്ചാ​ണ് സ​ഹ​ക​ര​ണ സൊ​സൈ​റ്റി​യു​ടെ നോ​ട്ടീ​സ്. കു​ട്ടി​ക​ൾ മൂ​വ​രും പ​ഠി​ക്കു​ന്ന​ത്​ തൃ​ശൂ​ർ ടൗ​ണി​ലാ​ണ്.

യാ​ത്ര​ക്കൂ​ലി​യും ബാ​ധ്യ​ത​യാ​കാ​റു​ണ്ട്. ഇ​തി​നി​ട​യി​ൽ ഓ​ൺ​ലൈ​ൻ ക്ലാ​സു​ക​ളു​മാ​യ​തോ​ടെ ചെ​ല​വ് പി​ന്നെ​യും ഇ​ര​ട്ടി​ച്ചു. ജോ​ലി ക​ഴി​ഞ്ഞ് വ​രു​ന്ന​തി​നി​ടെ വാ​ഹ​നാ​പ​ക​ട​ത്തി​ൽ ര​മ്യ​ക്ക് പ​രി​ക്കേ​ൽ​ക്കു​ക​യും ചെ​യ്ത​തോ​ടെ ഇ​യ​ർ​ബാ​ല​ൻ​സ് ന​ഷ്ട​പ്പെ​ടു​ന്ന അ​വ​സ്ഥ​യി​ലാ​ണി​പ്പോ​ൾ. പ്ര​ള​യ​ത്തി​ൽ വെ​ള്ള​ത്തി​ൽ താ​ഴ്ന്ന വീ​ടി​ന്‍റെ അ​ടു​ക്ക​ള ഭാ​ഗം ഒ​രു ല​ക്ഷ​ത്തോ​ളം രൂ​പ ചെ​ല​വ​ഴി​ച്ച്​ ഉ​യ​ർ​ത്തി​ക്കൊ​ടു​ത്ത​തും ഉ​റ​പ്പു​ള്ള വാ​തി​ൽ പ​ണി​ത്​ കി​ട​പ്പു​മു​റി സു​ര​ക്ഷി​ത​മാ​ക്കി​യ​തും പ്ല​സ് ടു​വി​ന് പ​ഠി​ക്കു​ന്ന കു​ട്ടി​ക്ക് മൊ​ബൈ​ൽ ഫോ​ണും പാ​ഠ​പു​സ്ത​ക​ങ്ങ​ളും സം​ഘ​ടി​പ്പി​ച്ചു ന​ൽ​കി​യ​തും ര​മ്യ പ​ണി​യെ​ടു​ക്കു​ന്ന സ്ഥാ​പ​ന​ത്തി​ലെ ജീ​വ​ന​ക്കാ​രാ​ണ്.

എ​ട്ട് ല​ക്ഷം രൂ​പ​യു​ടെ ബാ​ധ്യ​ത തീ​ർ​ക്കാ​നാ​യി​ല്ലെ​ങ്കി​ൽ കു​ടും​ബം വ​ഴി​യാ​ധാ​ര​മാ​കും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:poor familyforeclosure
News Summary - Foreclosure Notice of Co-operative Bank ramyas distressful life
Next Story