പു​ള്ള് ക​നാ​ലി​ൽ ച​ണ്ടി​യും കു​ള​വാ​ഴ​യും നി​റ​ഞ്ഞു; വെ​ള്ള​പ്പൊ​ക്ക ഭീ​ഷ​ണി

അ​രി​മ്പൂ​ർ: പു​ള്ള് ഇ​റി​ഗേ​ഷ​ൻ ക​നാ​ലി​ൽ ച​ണ്ടി​യും കു​ള​വാ​ഴ​യും നി​റ​ഞ്ഞ്​ വെ​ള്ള​ത്തി​ന്റെ ഒ​ഴു​ക്കു​നി​ല​ച്ച​തോ​ടെ പ്ര​ദേ​ശം വെ​ള്ള​പ്പൊ​ക്ക ഭീ​ഷ​ണി​യി​ൽ.

ക​ല​ക്ട​റു​ടെ ഉ​ത്ത​ര​വ് പ്ര​കാ​രം എ​ല്ലാ സ്ലൂ​യി​സു​ക​ളും തു​റ​ന്നി​ടാ​ൻ പാ​ട​ശേ​ഖ​ര സ​മി​തി​ക​ൾ ത​യാ​റാ​യെ​ങ്കി​ലും ഇ​റി​ഗേ​ഷ​ൻ വ​കു​പ്പ് പു​റം ക​നാ​ലി​ലെ ച​ണ്ടി നീ​ക്കു​ന്ന​തി​ന് ന​ട​പ​ടി എ​ടു​ക്കാ​തി​രു​ന്ന​താ​ണ് വെ​ള്ള​പ്പൊ​ക്ക ഭീ​ഷ​ണി​ക്ക് കാ​ര​ണ​മെ​ന്ന് ക​ർ​ഷ​ക​ർ പ​റ​യു​ന്നു. മ​ഴ​ ശ​ക്തി​പ്രാ​പി​ക്കു​ന്ന​തോ​ടെ ഒ​ഴു​ക്കു​നി​ല​ച്ച ഇ​റി​ഗേ​ഷ​ൻ ക​നാ​ലി​ൽ നി​ന്ന് താ​ഴ്ന്ന പ്ര​ദേ​ശ​ങ്ങ​ളി​ലേ​ക്ക് ഒ​ഴു​കി​യെ​ത്തു​ന്ന വെ​ള്ളം ഈ ​പ്ര​ദേ​ശ​ത്ത് വെ​ള്ള​ക്കെ​ട്ട് രൂ​ക്ഷ​മാ​ക്കാ​നും വീ​ടു​ക​ളി​ൽ വെ​ള്ളം ക​യ​റാ​നും കാ​ര​ണ​മാ​കും.

ക​ഴി​ഞ്ഞ​ത​വ​ണ​യും കു​ള​വാ​ഴ നി​റ​ഞ്ഞ​തോ​ടെ കാ​ഞ്ഞാ​ണി, അ​ന്തി​ക്കാ​ട് മേ​ഖ​ല​യി​ൽ ക​ന​ത്ത വെ​ള്ള​ക്കെ​ട്ട് ഉ​ണ്ടാ​യി​രു​ന്നു.നാ​ട്ടു​കാ​രു​ടെ പ്ര​തി​ഷേ​ധ​ത്തെ തു​ട​ർ​ന്നാ​ണ് ച​ണ്ടി നീ​ക്കി​യ​ത്. ഇ​റി​ഗേ​ഷ​ൻ ക​നാ​ലി​ൽ​നി​ന്ന്​ മ​ന​ക്കൊ​ടി റോ​ഡ് ക​ര​ക​വി​ഞ്ഞ് വാ​രി​യം കോ​ൾ​പ​ട​വി​ലേ​ക്ക് ഒ​ഴു​കി​യെ​ത്തു​ന്ന വെ​ള്ളം മ​ന​ക്കൊ​ടി തെ​ക്കും​മു​റി ഭാ​ഗ​ത്തെ​യും കൃ​ഷ്ണ​ൻ​കോ​ട്ട പാ​ട​ശേ​ഖ​ര​ത്തി​ന് സ​മീ​പ​ത്തെ അം​ബേ​ദ്ക​ർ ന​ഗ​റി​ലെ​യും വീ​ടു​ക​ളി​ലേ​ക്ക് വെ​ള്ളം ക​യ​റാ​നും കാ​ര​ണ​മാ​കും.

ഇ​റി​ഗേ​ഷ​ൻ വ​കു​പ്പ് അ​ടി​യ​ന്ത​ര​മാ​യി ഇ​ട​പെ​ട്ട് ച​ണ്ടി​യും കു​ള​വാ​ഴ​യും നീ​ക്കം ചെ​യ്ത് വെ​ള്ളം ക​ട​ലി​ലേ​ക്ക് ഒ​ഴു​കി​പോ​കു​ന്ന​തി​ന് സാ​ഹ​ച​ര്യം ഉ​ണ്ടാ​ക്ക​ണ​മെ​ന്ന് അ​രി​മ്പൂ​ർ പ​ഞ്ചാ​യ​ത്ത് കാ​ർ​ഷി​ക വി​ക​സ​ന സ​മി​തി ചെ​യ​ർ​മാ​നും വാ​ർ​ഡ് അം​ഗ​വു​മാ​യ കെ. ​രാ​ഗേ​ഷ് ആ​വ​ശ്യ​പ്പെ​ട്ടു.