തീ​വ്ര​ത​യേ​റി​യ ലൈ​റ്റ് ഉ​പ​യോ​ഗി​ച്ച് മ​ത്സ്യ​ബ​ന്ധ​നം: മൂ​ന്ന് ബോ​ട്ടു​ക​ൾ പി​ടി​കൂ​ടി

അ​ഴീ​ക്കോ​ട്: തീ​വ്ര​ത​യേ​റി​യ ലൈ​റ്റ് ഉ​പ​യോ​ഗി​ച്ച് അ​ന​ധി​കൃ​ത മ​ത്സ്യ ബ​ന്ധ​നം ന​ട​ത്തി​യ മൂ​ന്ന് ബോ​ട്ടു​ക​ൾ ഫി​ഷ​റീ​സ് മ​റൈ​ൻ എ​ൻ​ഫോ​ഴ്സ്മെ​ന്റ് അ​ധി​കൃ​ത​ർ പി​ടി​ച്ചെ​ടു​ത്തു. മു​ന​മ്പം പ​ള്ളി​പ്പു​റം സ്വ​ദേ​ശി​ക​ളാ​യ ചീ​നി​പ്പ​റ​മ്പി​ൽ സ​ണ്ണി പി​ൻ​ഹീ​റോ​യു​ടെ ഉ​ട​മ​സ്ഥ​ത​യി​ലു​ള്ള ‘ടാ​നി​യ’, ഓ​ളാ​ട്ടു​പു​ര​ക്ക​ൽ റൈ​ജു​വി​ന്റെ ‘വ​ച​നം’, കൊ​ച്ചി വെ​ണ്ണ​ല സ്വ​ദേ​ശി ത​റ​മേ​ൽ വീ​ട്ടി​ൽ നി​ഷാ​ദ് ജോ​ർ​ജി​ന്റെ ‘അ​ൽ​ജോ​ഹ​ർ’ എ​ന്നീ ബോ​ട്ടു​ക​ളാ​ണ് പി​ടി​യി​ലാ​യ​ത്. ടാ​നി​യ, അ​ൽ​ജോ​ഹ​ർ ബോ​ട്ടു​ക​ൾ​ക്ക് 2.5 ല​ക്ഷം വീ​ത​വും വ​ച​നം ബോ​ട്ടി​ന് ര​ണ്ട് ല​ക്ഷ​വും പി​ഴ​യീ​ടാ​ക്കി.

മൂ​ന്ന് ബോ​ട്ടു​ക​ളി​ലാ​യി ഉ​ണ്ടാ​യി​രു​ന്ന മ​ത്സ്യം 3.5 ല​ക്ഷ​ത്തി​ന് ലേ​ലം ചെ​യ്ത് സ​ർ​ക്കാ​രി​ലേ​ക്ക് അ​ട​ച്ചു. പ​ര​മ്പ​രാ​ഗ​ത മ​ത്സ്യ​തൊ​ഴി​ലാ​ളി​ക​ളു​ടെ പ​രാ​തി​യി​ൽ അ​ഴീ​ക്കോ​ട് ഫി​ഷ​റീ​സ് സ്റ്റേ​ഷ​ൻ അ​സി.​ഡ​യ​റ​ക്ട​ർ എം.​എ​ഫ്. പോ​ളി​ന്റെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ​സം​ഘം ആ​ഴ​ക്ക​ട​ലി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് ഹൈ ​വോ​ൾ​ട്ടേ​ജ് ലൈ​റ്റു​ക​ൾ ഉ​പ​യോ​ഗി​ച്ച് അ​ന​ധി​കൃ​ത മ​ത്സ്യ​ബ​ന്ധ​നം ന​ട​ത്തി​വ​ന്ന ബോ​ട്ടു​ക​ൾ പി​ടി​യി​ലാ​യ​ത്.

മ​ത്സ്യ സ​മ്പ​ത്ത് കു​റ​യാ​ൻ ഇ​ട​യാ​ക്കു​ന്ന​തി​നാ​ൽ തീ​വ്ര​ത​യേ​റി​യ ലൈ​റ്റ് ഉ​പ​യോ​ഗി​ച്ച് കൂ​ട്ട​ത്തോ​ടെ മ​ത്സ്യ​ങ്ങ​ളെ ആ​ക​ർ​ഷി​ച്ച് മ​ത്സ്യ​ബ​ന്ധ​നം ന​ട​ത്തു​ന്ന രീ​തി കേ​ന്ദ്ര, സം​സ്ഥാ​ന സ​ർ​ക്കാ​രു​ക​ൾ നേ​ര​ത്തെ നി​രോ​ധി​ച്ചി​രു​ന്നു.

തൃ​ശൂ​ർ ജി​ല്ല ഫി​ഷ​റീ​സ് ഡെ​പ്യൂ​ട്ടി ഡ​യ​റ​ക്ട​റു​ടെ നി​ർ​ദേ​ശ​പ്ര​കാ​രം ജി​ല്ലാ​തി​ർ​ത്തി​ക​ളാ​യ അ​ഴീ​ക്കോ​ട് മു​ത​ൽ കാ​പ്രി​ക്കാ​ട് വ​രെ​യു​ള്ള ക​ട​ൽ​തീ​ര​ത്തും ആ​ഴ​ക്ക​ട​ലി​ലും നി​രീ​ക്ഷ​ണം ശ​ക്ത​മാ​ക്കി​യി​രു​ന്നു. ബോ​ട്ടു​ക​ളി​ൽ ഉ​പ​യോ​ഗി​ച്ചി​രു​ന്ന ഹൈ​വോ​ൾ​ട്ടേ​ജ് എ​ൽ.​ഇ.​ഡി ലൈ​റ്റു​ക​ൾ, ഹൈ​മാ​സ്റ്റ് ലൈ​റ്റു​ക​ൾ, ട്യൂ​ബ് ലൈ​റ്റു​ക​ൾ എ​ന്നി​വ പി​ടി​ച്ചെ​ടു​ത്ത് കേ​ര​ള സ​മു​ദ്ര മ​ത്സ്യ​ബ​ന്ധ​ന നി​യ​ന്ത്ര​ണ നി​യ​മ​പ്ര​കാ​രം കേ​സെ​ടു​ത്തു.

ഫി​ഷ​റീ​സ് അ​സി​സ്റ്റ​ൻ​റ് ഡ​യ​റ​ക്ട​ർ​മാ​രാ​യ ഡോ. ​സീ​മ, എം.​എ​ൻ. സു​ലേ​ഖ, മെ​ക്കാ​നി​ക് ജ​യ​ച​ന്ദ്ര​ൻ, എ.​എ​ഫ്.​ഇ.​ഒ സം​ന​ഗോ​പ​ൻ, മ​റൈ​ന്‍ എ​ന്‍ഫോ​ഴ്‌​സ്‌​മെ​ന്റ് ആ​ൻ​ഡ് വി​ജി​ല​ൻ​സ് വി​ങ് ഉ​ദ്യോ​ഗ​സ്ഥ​രാ​യ വി.​എ​ൻ. പ്ര​ശാ​ന്ത് കു​മാ​ർ, വി.​എം. ഷൈ​ബു, ഇ.​ആ​ർ. ഷി​നി​ൽ​കു​മാ​ർ എ​ന്നി​വ​ർ നേ​തൃ​ത്വം ന​ൽ​കി.

സീ ​റെ​സ്ക്യൂ ഗാ​ർ​ഡു​മാ​രാ​യ പ്ര​സാ​ദ്, ഫ​സ​ൽ, സ്രാ​ങ്ക് ദേ​വ​സി, എ​ൻ​ജി​ൻ ഡ്രൈ​വ​ർ ഉ​ണ്ണി​കൃ​ഷ്ണ​ൻ എ​ന്നി​വ​രും സം​ഘ​ത്തി​ൽ ഉ​ണ്ടാ​യി​രു​ന്നു. വ​രും ദി​വ​സ​ങ്ങ​ളി​ലും പ​രി​ശോ​ധ​ന ശ​ക്ത​മാ​ക്കു​മെ​ന്ന് തൃ​ശൂ​ർ ഫി​ഷ​റീ​സ് ഡെ​പ്യൂ​ട്ടി ഡ​യ​റ​ക്ട​ര്‍ സു​ഗ​ന്ധ​കു​മാ​രി അ​റി​യി​ച്ചു.