വഞ്ചി മറിഞ്ഞ് മത്സ്യത്തൊഴിലാളിയെ കാണാതായിട്ട് ഒരാഴ്ച

കൊ​ടു​ങ്ങ​ല്ലൂ​ർ: കോ​ട്ട​പ്പു​റം കോ​ട്ട​യി​ൽ ചൂ​ണ്ട വ​ഞ്ചി മ​റി​ഞ്ഞ് മ​ത്സ്യ​ത്തൊ​ഴി​ലാ​ളി​യാ​യ ഗൃ​ഹ​നാ​ഥ​ൻ പു​ഴ​യു​ടെ ആ​ഴ​ങ്ങ​ളി​ൽ മ​റ​ഞ്ഞി​ട്ട് ഒ​രാ​ഴ്ച പി​ന്നി​ടു​ന്നു. പു​ഴ​യി​ലു​ണ്ടാ​യ അ​പ​ക​ട​ത്തോ​ട് പൊ​രു​ത്ത​പ്പെ​ടു​മ്പോ​ഴും ആ​ളെ ക​ണ്ടെ​ത്താ​നാ​കാ​ത്ത​തി​ന്റെ മ​നോ​വ്യ​ഥ​യി​ലാ​ണ് ഉ​റ്റ​വ​ർ. പു​ത്ത​ൻ​വേ​ലി​ക്ക​ര തി​രു​ത്തൂ​ർ കൊ​ല്ല​റ രാ​ജു​വി​നെ​യാ​ണ് (63) വ​ഞ്ചി മ​റ​ിഞ്ഞ് കാ​ണാ​താ​യ​ത്. വ​ഞ്ചി​യി​ൽ ഉ​ണ്ടാ​യി​രു​ന്ന മ​റ്റൊ​രു മ​ത്സ്യ​ത്തൊ​ഴി​ലാ​ളി നീ​ന്തി ര​ക്ഷ​പ്പെ​ട്ടി​രു​ന്നു.

ജൂൺ 29ന് ​രാത്രി ഏ​ഴേ​യോ​ടെ കോ​ട്ട തി​രു​ത്തി​പ്പു​റം പാ​ല​ത്തി​നു സ​മീ​പം പെ​രി​യാ​റി​ന്റെ കൈ​വ​ഴി​യി​ലാ​യി​രു​ന്നു അ​പ​ക​ടം. ശ​ക്ത​മാ​യ ഒ​ഴു​ക്കി​ൽ വ​ഞ്ചി മ​റി​യു​ക​യാ​യി​രു​ന്നു. രാ​ജു​വി​നൊ​പ്പം ഉ​ണ്ടാ​യി​രു​ന്ന വി​നു സ​മീ​പ​ത്തെ ഊ​ന്നികു​റ്റി​യി​ൽ പി​ടി​ച്ചു​കി​ട​ന്ന ശേ​ഷം കോ​ട്ട​ഭാ​ഗ​ത്തേ​ക്ക് നീ​ന്തി​യെ​ത്തു​ക​യാ​യി​രു​ന്നു​വ​ത്രെ.

കെ​ട്ടി​ട നി​ർ​മാ​ണ തൊ​ഴി​ലാ​ളി​കൂ​ടി​യാ​യ രാ​ജു​വി​നെ ക​ണ്ടെ​ത്താ​ൻ അ​ഴി​ക്കോ​ട് തീ​ര​ദേ​ശ പൊ​ലീ​സും അ​ഗ്നി​ര​ക്ഷ സേ​ന​യു​ടെ സ്കൂ​ബ ടീ​മും നാ​ട്ടു​കാ​രും ദി​വ​സ​ങ്ങ​ളോ​ളം തി​ര​ച്ചി​ൽ ന​ട​ത്തി​യി​രു​ന്നു. മ​റൈ​ൻ എ​ൻ​ഫോ​ഴ്സ്മെൻറ് യാ​ന​ങ്ങ​ൾ ഉ​ൾ​പ്പെ​ടെ ക​ട​ലി​ലും തി​ര​ച്ചി​ൽ ന​ട​ത്തു​ക​യു​ണ്ടാ​യി. അ​ടി​യൊ​ഴു​ക്കി​ൽ അ​ഴീ​ക്കോ​ട് അ​ഴി​മു​ഖം ക​ട​ന്ന് ക​ട​ലി​ലേ​ക്ക് ഒ​ഴു​കി പോ​യി​ട്ടു​ണ്ടാ​കു​മെ​ന്നും ക​രു​തു​ന്നു.

ഒ​രു​മാ​സം മു​മ്പ് കോ​ട്ട​പ്പു​റം കാ​യ​ലി​ൽ മ​ണ​ൽ വ​ഞ്ചി അ​പ​ക​ട​ത്തി​ൽ​പെ​ട്ട് കാ​ണാ​താ​യ തൊ​ഴി​ലാ​ളി​ക​ളി​ൽ ഒ​രാ​ളു​ടെ മൃ​ത​ദേ​ഹം ദി​വ​സ​ങ്ങ​ൾ​ക്കു​ശേ​ഷം അ​ഴീ​ക്കോ​ട് നി​ന്ന് കി​ലോ​മീ​റ്റ​റു​ക​ളോ​ളം വ​ട​ക്ക് മാ​റി പി. ​വെ​മ്പ​ല്ലൂ​ർ തീ​ര​ത്ത് നി​ന്നാ​ണ് കി​ട്ടി​യ​ത്. പ്ര​സ്തു​ത അ​പ​ക​ട​ത്തി​ൽ ര​ണ്ടാ​ൾ മ​രി​ക്കു​ക​യു​ണ്ടാ​യി. മേ​ഖ​ല പ്ര​തി​കൂ​ല കാ​ലാ​വ​സ്ഥ​യി​ൽ അ​പ​ക​ട​മേ​ഖ​ല​യാ​യി മാ​റിയിട്ടുണ്ട്. ആ​ഴം മാ​ത്ര​മ​ല്ല ശ​ക്ത​മാ​യ അ​ടി​യൊ​ഴു​ക്കു​മുണ്ട് ഇവിടെ.