പൊലീസുദ്യോഗസ്ഥൻ ചമഞ്ഞ് കവർച്ച: പ്രതികൾ പിടിയിൽ

തൃ​ശൂ​ർ: അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളെ ത​ട​ഞ്ഞ് പൊ​ലീ​സാ​ണെ​ന്ന് ക​ബ​ളി​പ്പി​ച്ച് ദേ​ഹ​പ​രി​ശോ​ധ​ന ന​ട​ത്തി പ​ണ​വും മൊ​ബൈ​ൽ ഫോ​ണും ത​ട്ടി​യെ​ടു​ത്ത് ബൈ​ക്കി​ൽ ക​ട​ന്ന സം​ഘ​ത്തെ ഈ​സ്​​റ്റ്​ പൊ​ലീ​സ് പി​ടി​കൂ​ടി. കാ​നാ​ട്ടു​ക​ര പാ​ലി​യ വീ​ട്ടി​ൽ മു​ഹ​മ്മ​ദ് അ​ഷ​റ​ഫ് അ​മാ​ൻ (19), വ​ട​ക്കാ​ഞ്ചേ​രി എ​ങ്കേ​ക്കാ​ട് നാ​ല​ക​ത്ത് ഷെ​ക്കീ​ർ (41) എ​ന്നി​വ​രാ​ണ് അ​റ​സ്​​റ്റി​ലാ​യ​ത്.

ക​ഴി​ഞ്ഞ ദി​വ​സം രാ​ത്രി​യാ​ണ് ശ​ക്ത​ൻ മാ​ർ​ക്ക​റ്റി​ന്​ സ​മീ​പം ര​ണ്ട് അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളെ പൊ​ലീ​സാ​ണെ​ന്ന് പ​റ​ഞ്ഞ് ദേ​ഹ​പ​രി​ശോ​ധ​ന ന​ട​ത്തു​ക​യും അ​വ​രു​ടെ കൈ​വ​ശ​മു​ണ്ടാ​യി​രു​ന്ന പ​ണ​വും മൊ​ബൈ​ൽ ഫോ​ണും കൈ​ക്ക​ലാ​ക്കി സം​ഘം ര​ക്ഷ​പ്പെ​ട്ട​ത്. സം​ഭ​വ​മ​റി​ഞ്ഞ് സ്ഥ​ല​ത്തെ​ത്തി​യ പൊ​ലീ​സ് സം​ഘം ഇ​വ​രെ പി​ന്തു​ട​ർ​ന്ന് പി​ടി​കൂ​ടു​ക​യാ​യി​രു​ന്നു. പ്ര​തി​ക​ൾ ഇ​തി​നു​മു​മ്പും നി​ര​വ​ധി മോ​ഷ​ണം, പി​ടി​ച്ചു​പ​റി കേ​സു​ക​ളി​ൽ ഉ​ൾ​പ്പെ​ട്ട ആ​ളു​ക​ളാ​ണെ​ന്ന് പൊ​ലീ​സ് അ​റി​യി​ച്ചു.

പൊ​ലീ​സ് പി​ടി​കൂ​ടി​യാ​ൽ ശാ​രീ​രി​ക അ​സ്വ​സ്ഥ​ത​ക​ൾ അ​ഭി​ന​യി​ച്ച് ആ​ശു​പ​ത്രി​യി​ൽ ചി​കി​ത്സ​തേ​ടി ര​ക്ഷ​പ്പെ​ടാ​ൻ ശ്ര​മി​ക്കു​ക​യാ​ണ് ഷെ​ക്കീ​റിെൻറ പ​തി​വ്. ഇ​ത്ത​വ​ണ​യും ഈ '​നാ​ട​കം' ന​ട​ത്താ​ൻ നോ​ക്കി​യെ​ങ്കി​ലും വി​ജ​യി​ച്ചി​ല്ല.

ഈ​സ്​​റ്റ്​ എ​സ്.​എ​ച്ച്.​ഒ സ്​​റ്റേ​ഷ​ൻ ഹൗ​സ് ഓ​ഫി​സ​ർ പി. ​ലാ​ൽ​കു​മാ​ർ, സ​ബ് ഇ​ൻ​സ്പെ​ക്ട​ർ​മാ​രാ​യ സി​നോ​ജ്, വി​ജ​യ​ൻ, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ജോ​മോ​ൻ, പ്രീ​ത്, വി​ജ​യ​രാ​ജ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ്ര​തി​ക​ളെ അ​റ​സ്​​റ്റ്​ ചെ​യ്ത് അ​ന്വേ​ഷ​ണം ന​ട​ത്തി​യ​ത്.