മഴ: പലയിടത്തും നാശം

വീ​ട് ത​ക​ർ​ന്നു

എ​രു​മ​പ്പെ​ട്ടി: ക​ന​ത്ത മ​ഴ​യി​ൽ തി​ച്ചൂ​രി​ൽ വീ​ട് ഭാ​ഗി​ക​മാ​യി ത​ക​ർ​ന്നു. വ​ര​വൂ​ർ പ​ഞ്ചാ​യ​ത്തി​ലെ പ​തി​നാ​ലാം വാ​ർ​ഡാ​യ തി​ച്ചൂ​ർ എ​ട്ടാം​മാ​റ്റി​ൽ മേ​ക്കാ​ട്ടു​ക്കു​ളം ലി​സി​യു​ടെ ഒാ​ടി​ട്ട വീ​ടാ​ണ് ത​ക​ർ​ന്ന​ത്. അ​ടു​ക്ക​ള ഭാ​ഗം പൂ​ർ​ണ​മാ​യും ത​ക​ർ​ന്നു. ചു​മ​രു​ക​ളും മ​റ്റു ഭാ​ഗ​ങ്ങ​ളും വിണ്ടുപൊ​ട്ടി. ഓ​ടു​ക​ളും പ​ട്ടി​ക, ക​ഴു​ക്കോ​ൽ എ​ന്നി​വ​യും ന​ശി​ച്ചു. നി​ർ​ധ​ന​യാ​യ ലി​സി​യും വി​ദ്യാ​ർ​ഥി​ക​ളാ​യ ര​ണ്ട് മ​ക്ക​ളും അ​ട​ങ്ങു​ന്ന കു​ടും​ബ​മാ​ണ് ഈ ​വീ​ട്ടി​ൽ താ​മ​സം. അ​ഞ്ചു​മാ​സം മു​മ്പ് ഭ​ർ​ത്താ​വ് ബി​ജു മ​രി​ച്ചി​രു​ന്നു.

മ​രം ക​ട​പു​ഴ​കി ക​മ്യൂ​ണി​റ്റി ഹാ​ളി​ന്റെ മേ​ൽ​ക്കൂ​ര ത​ക​ർ​ന്നു

പ​ട്ടി​ക്കാ​ട്: താ​മ​ര വെ​ള്ള​ച്ചാ​ൽ ആ​ദി​വാ​സി കോ​ള​നി​യി​ലെ ക​മ്യൂ​ണി​റ്റി ഹാ​ളി​ന് മു​ക​ളി​ലേ​ക്ക് മ​രം വീ​ണ് ഹാ​ളി​ന്റെ മേ​ൽ​ക്കൂ​ര പ​കു​തി​യി​ല​ധി​കം ത​ക​ർ​ന്നു. കൂ​ടാ​തെ സ​മീ​പ​ത്തെ വീ​ടി​നും കേ​ട് സം​ഭ​വി​ച്ചു. തി​ങ്ക​ളാ​ഴ്ച ഉ​ണ്ടാ​യ ശ​ക്ത​മാ​യ കാ​റ്റി​ലും മ​ഴ​യി​ലു​മാ​ണ് റോ​ഡ​രി​കി​ൽ​നി​ന്നി​രു​ന്ന മ​രം ക​ട​പു​ഴ​കി​യ​ത്. ഈ ​സ​മ​യം ഹാ​ളി​ലും പ​രി​സ​ര​ത്തും ആ​രു​മു​ണ്ടാ​കാ​തി​രു​ന്ന​തി​നാ​ൽ പ​രി​ക്ക് ഇ​ല്ല. എ​ന്നാ​ൽ, മ​രം വെ​ട്ടി​മാ​റ്റു​ന്ന​തി​നി​ട​യി​ൽ മ​ര​ക്കൊ​മ്പ് ദേ​ഹ​ത്ത് വീ​ണ് പാ​ല​പ്പ​റ​മ്പ് വി​നോ​ദി​ന് പ​രി​ക്കേ​റ്റു.

വീ​ടി​നു മു​ക​ളി​ലേ​ക്ക് മ​രം വീ​ണു

വ​ട​ക്കാ​ഞ്ചേ​രി: മാ​രാ​ത്തു​കു​ന്ന് മ​രം വീ​ണ് വീടിന് കേ​ടു​പാ​ട് പ​റ്റി. തെ​ങ്ങ് ക​ട​പു​ഴ​കി മ​ര​ത്തി​ൽ വീ​ണാ​ണ് മ​രം വീ​ടി​ന് മു​ക​ളി​ൽ പ​തി​ച്ച​ത്. മാ​രാ​ത്തു​കു​ന്ന് കോ​ള​നി​യി​ൽ വാ​രി​യ​ത്ത് ത​ങ്ക​മ​ണി​യു​ടെ വീ​ടാ​ണി​ത്. ഡി​വി​ഷ​ൻ കൗ​ൺ​സി​ല​റും വൈ​സ് ചെ​യ​ർ​പേ​ഴ്സ​നു​മാ​യ ഷീ​ല മോ​ഹ​ന​ന്റെ നേ​തൃ​ത്വ​ത്തി​ൽ നാ​ട്ടു​കാ​ർ ചേ​ർ​ന്ന് ത​ങ്ക​മ​ണി​യേ​യും സ​മീ​പം താ​മ​സി​ക്കു​ന്ന മ​ക്ക​ളെ​യും മാ​രാ​ത്തു​കു​ന്ന് അം​ഗ​ൻ​വാ​ടി​യി​ലേ​ക്ക് മാ​റ്റി​പ്പാ​ർ​പ്പി​ച്ചു. വ​ട​ക്കാ​ഞ്ചേ​രി അ​ഗ്നി​ര​ക്ഷ സേ​ന എ​ത്തി നാ​ട്ടു​കാ​രു​ടെ സ​ഹാ​യ​ത്തോ​ടെ മ​രം മു​റി​ച്ചു​മാ​റ്റു​ന്ന​തി​നി​ടെ തൊ​ട്ട​ടു​ത്ത് നി​ന്നി​രു​ന്ന മ​റ്റൊ​രു മ​രം മ​ക​ന്റെ വീ​ടി​നു മു​ക​ളി​ലേ​ക്കും വീ​ണു. വൈ​ദ്യു​തി ക​മ്പി​യും പൊ​ട്ടി.