വയോധികനെ ക്രൂരമായി മർദിച്ച യുവാവ് അറസ്റ്റിൽ

എരുമപ്പെട്ടി: വയോധികനെ ക്രൂരമായി മർദിച്ച യുവാവിനെ പൊലീസ് അറസ്റ്റ് ചെയ്തു. ആദൂർ കാളത്ത് വളപ്പിൽ മുഹമ്മദ് ശരീഫിനെയാണ് എരുമപ്പെട്ടി എസ്.ഐ ടി.സി. അനുരാജ് അറസ്റ്റ് ചെയ്തത്. ഇയാൾക്ക് സ്റ്റേഷൻ ജാമ്യം അനുവദിച്ചു.

ആദൂർ മത്തായിപടി ചുള്ളിയിൽ വീട്ടിൽ വീരാൻകുട്ടിയെയാണ് (65) മർദിച്ചത്. തലക്കും കൈയിനും കാലിനും പരിക്കേറ്റ വീരാൻകുട്ടിയെ എരുമപ്പെട്ടി സർക്കാർ ആശുപത്രിയിൽ പ്രവേശിപ്പിച്ചു. മുൻ വൈരാഗ്യമാണ് മർദനത്തിന് കാരണം.