അ​ല​ങ്കാ​ര​ങ്ങ​ളി​ല്ലാ​തെ ആ​ന​ക​ൾ...ആ​ൾ​ത്തി​ര​യ​ല​യ​ടി​ച്ച് പൂ​ര​പ്പ​റ​മ്പ്

തൃ​ശൂ​ര്‍: മേ​ട​ത്തി​ലെ പൂ​രം നാ​ളി​ൽ ആ​ട​യ​ല​ങ്കാ​ര​ങ്ങ​ള​ണി​ഞ്ഞ് വാ​ദ്യ-​മേ​ള​ങ്ങ​ളു​ടെ അ​ക​മ്പ​ടി​യി​ൽ നി​റ​യു​ന്ന വ​ട​ക്കു​ന്നാ​ഥ​ന്റെ മു​റ്റ​ത്ത് ക​ർ​ക്ക​ട​ക​പു​ല​രി​യി​ൽ അ​ല​ങ്കാ​ര​ങ്ങ​ളും വാ​ദ്യ-​മേ​ള​ങ്ങ​ളു​മി​ല്ലാ​തെ ക​രി​യ​ഴ​കി​ന്റെ പൂ​ര​സൗ​ന്ദ​ര്യം. പു​ല​ർ​ച്ചെ തു​ട​ങ്ങി​യ ആ​ന​ക​ളു​ടെ​യും ആ​ളു​ക​ളു​ടെ​യും വ​ര​വ് ആ​ന​ക​ളു​ടെ നി​ര പൂ​ർ​ത്തി​യാ​യ​പ്പോ​ൾ, ആ​ളു​ക​ളു​ടെ ഇ​ര​മ്പ​ൽ... ആ​ൾ​ത്തി​ര​യാ​യി ആ​വേ​ശ​ത്തി​ര​യാ​യി മാ​റി​യി​രു​ന്നു. കേ​ര​ള​ത്തി​ലെ ആ​ദ്യ ആ​ന​യൂ​ട്ടി​ന് നാ​ല് പ​തി​റ്റാ​ണ്ട് പി​ന്നി​ടു​മ്പോ​ൾ അ​ഴ​കും ആ​ളു​മേ​റു​ന്നു. ആ​ന​ക​ളെ സ്വീ​ക​രി​ക്കാ​ന്‍ ശ്രീ​മൂ​ല​സ്ഥാ​ന​ത്തു​ത​ന്നെ ആ​ള്‍ക്കൂ​ട്ട​മു​ണ്ടാ​യി​രു​ന്നു. തു​ള​സി​മാ​ല​യ​ണി​ഞ്ഞ് കു​റി തൊ​ടു​വി​ച്ചാ​ണ് ആ​ന​ക​ളെ അ​ക​ത്ത​ള​ത്തി​ലെ ഊ​ട്ടു​നി​ര​യി​ലേ​ക്ക് ആ​ന​യി​ച്ച​ത്. ഓ​രോ ആ​ന​ക​ളു​ടെ​യും പ്ര​ത്യേ​ക​ത​ക​ളും പ്രാ​ധാ​ന്യ​വും വി​ളി​ച്ചു​പ​റ​ഞ്ഞ് സ്വീ​ക​രി​ക്കു​ക​യാ​യി​രു​ന്നു. ഇ​ട​ക്കൊ​ന്ന് ക​ർ​ക്ക​ട​കം മ​നം​ക​റു​പ്പി​ച്ച് ചാ​റി​യ​ത് ആ​ശ​ങ്ക​യി​ലാ​ക്കി​യെ​ങ്കി​ലും നി​മി​ഷ​ങ്ങ​ൾ​ക്ക​കം പി​ൻ​വാ​ങ്ങി​യ​പ്പോ​ൾ ചൂ​ടി​ന്റെ പു​ഴു​ക്ക​ത്തി​ന് ആ​ശ്വാ​സ​മാ​യെ​ന്ന് ആ​ളു​ക​ളു​ടെ പ്ര​തി​ക​ര​ണം.

ഗ​ജ​രാ​ജാ​ക്ക​ൻ​മാ​രാ​യ തെ​ച്ചി​ക്കോ​ട്ട​കാ​വ് രാ​മ​ച​ന്ദ്ര​നും എ​റ​ണാ​കു​ളം ശി​വ​കു​മാ​റും പാ​മ്പാ​ടി രാ​ജ​നും പു​തു​പ്പ​ള്ളി കേ​ശ​വ​നും കു​ട്ട​ന്‍കു​ള​ങ്ങ​ര അ​ർ​ജു​ന​നും സു​ഖ​ചി​കി​ത്സ​ക്കാ​ല​മാ​ണെ​ങ്കി​ലും ദേ​വ​സ്വ​ത്തി​ന്റെ പ്ര​ത്യേ​ക അ​നു​മ​തി​യോ​ടെ ഗു​രു​വാ​യൂ​ര്‍ ദേ​വ​സ്വം ആ​ന​ക​ളും ആ​ട​യാ​ഭ​ര​ണ​ങ്ങ​ളി​ല്ലാ​തെ​യെ​ത്തി​യ​ത് ‘ക​രി​വീ​ര​ച​ന്തം’ പ​ക​ർ​ന്നു. അ​ല​ങ്കാ​ര​ങ്ങ​ളി​ല്ലാ​തെ കു​ളി​ച്ച് ക​ള​ഭ​ക്കു​റി തൊ​ട്ട് വ​ട​ക്കു​ന്നാ​ഥ​നെ വ​ലം​വെ​ച്ച് തെ​ക്കേ​ഗോ​പു​ര​ത്തി​ന് മു​ന്നി​ല്‍ ഗ​ജ​കേ​സ​രി​ക​ള്‍ നി​ര​ന്ന​തോ​ടെ ആ​ന​യൂ​ട്ട് തു​ട​ങ്ങി. ക​ര്‍ക്ക​ട​ക വാ​വ് അ​വ​ധി കൂ​ടി​യാ​യ​തോ​ടെ സ്ത്രീ​ക​ളും കു​ട്ടി​ക​ളു​മ​ട​ക്കം വ​ന്‍ ജ​നാ​വ​ലി വ​ട​ക്കു​ന്നാ​ഥ​നി​ലെ​ത്തി​യ​പ്പോ​ൾ പൂ​ര​ത്തോ​ളം നി​റ​ഞ്ഞ പു​രു​ഷാ​ര​മാ​യി.

മേ​ല്‍ശാ​ന്തി പ​യ്യ​പ്പി​ള്ളി മാ​ധ​വ​ന്‍ ന​മ്പൂ​തി​രി തി​രു​വ​മ്പാ​ടി ല​ക്ഷ്മി​ക്കു​ട്ടി​ക്ക് ആ​ദ്യ ഉ​രു​ള ന​ല്‍കി​യ​തോ​ടെ ആ​ന​യൂ​ട്ടി​ന് തു​ട​ക്ക​മാ​യി. മ​റ്റ് ആ​ന​ക​ളു​ടെ മു​ന്നി​ലും വി​ഭ​വ​ങ്ങ​ള്‍ നി​ര​ന്നു. ആ​യു​ർ​വേ​ദ കൂ​ട്ടു​ക​ള​ട​ങ്ങി​യ ചോ​റി​നു​പു​റ​മെ ക​രി​മ്പ്, ചോ​ളം, പ​ഴം, ത​ണ്ണി​മ​ത്ത​ന്‍, നേ​ന്ത്ര​പ്പ​ഴം തു​ട​ങ്ങി പ​ഴ​വ​ർ​ഗ​ങ്ങ​ൾ പ​ല​തും ആ​ന​ക​ള്‍ക്കു​മു​ന്നി​ലെ​ത്തി. ആ​രാ​ധ​ക​ർ തു​മ്പി​ക്കൈ​ക​ളി​ല്‍ പ​ഴ​ങ്ങ​ളോ​രോ​ന്നും ന​ല്‍കി​ക്കൊ​ണ്ടി​രു​ന്നു. വ​ലി​യ ചോ​റു​രു​ള​ക​ള്‍ ആ​ന​വാ​യി​ലെ​ത്തി. ആ​ന​ക​ളെ ഊ​ട്ടാ​നും ആ​ളു​ക​ളു​ടെ തി​ര​ക്കാ​യി​രു​ന്നു. പ​ത്ത് ക​ഴി​യു​മ്പോ​ഴേ​ക്കും ഊ​ട്ടു​ക​ഴി​ഞ്ഞ് ആ​ന​ക​ളു​ടെ മ​ട​ക്കം. ആ​ന​യൂ​ട്ട് ക​ഴി​ഞ്ഞെ​ങ്കി​ലും ക്ഷേ​ത്ര​ത്തി​ലെ തി​ര​ക്ക് കു​റ​ഞ്ഞി​രു​ന്നി​ല്ല. തു​ട​ര്‍ന്ന് പ​ത്ത​ര​യോ​ടെ അ​ന്ന​ദാ​ന​മ​ണ്ഡ​പ​ത്തി​ൽ പ്ര​സാ​ദ ഊ​ട്ട് തു​ട​ങ്ങി.

7,500 പേ​രാ​ണ് പ്ര​സാ​ദ് ഊ​ട്ട് ക​ഴി​ച്ച​തെ​ന്ന് ഉ​പ​ദേ​ശ​ക സ​മി​തി സെ​ക്ര​ട്ട​റി ടി.​ആ​ര്‍. ഹ​രി​ഹ​ര​ന്‍ അ​റി​യി​ച്ചു. അ​ല​ങ്കാ​ര​ങ്ങ​ളി​ല്ലാ​ത്ത ആ​ന​പ്പൂ​ര​ത്തി​ന് നി​റം​കൂ​ട്ടാ​ന്‍ ആ​ന​ക​ളു​ടെ മി​നി​യേ​ച്ച​ർ രൂ​പ​ങ്ങ​ളും ക​ല​ണ്ട​റു​ക​ളു​മാ​യി ക​ലാ​കാ​ര​ന്‍മാ​രും തേ​ക്കി​ൻ​കാ​ട് മൈ​താ​നി​യി​ലു​ണ്ടാ​യി​രു​ന്നു. പു​ല​ർ​ച്ചെ മൂ​ന്നോ​ടെ ക്ഷേ​ത്രം ത​ന്ത്രി പു​ലി​യ​ന്നൂ​ര്‍ ശ​ങ്ക​ര​ന്‍ ന​മ്പൂ​തി​രി​പ്പാ​ടി​ന്റെ മു​ഖ്യ​കാ​ര്‍മി​ക​ത്വ​ത്തി​ല്‍ അ​ഷ്ട​ദ്ര​വ്യ മ​ഹാ​ഗ​ണ​പ​തി​ഹോ​മം തു​ട​ങ്ങി. അ​മ്പ​തോ​ളം തി​രു​മേ​നി​മാ​ര്‍ സ​ഹ​കാ​ര്‍മി​ക​രാ​യി. വൈ​കീ​ട്ട് കൂ​ത്ത​മ്പ​ല​ത്തി​ല്‍ ത​ന്ത്രി​യു​ടെ കാ​ര്‍മി​ക​ത്വ​ത്തി​ല്‍ ഭ​ഗ​വ​ത് സേ​വ​യു​മു​ണ്ടാ​യി.