'പ്രശാന്ത് ഭൂഷണെതിരെ കോടതിയലക്ഷ്യ കേസിലുണ്ടായ വിധി തിരുത്തുക'

കൊടുങ്ങല്ലൂർ: ഇന്ത്യൻ ജുഡീഷ്യറിയുടെ നിഷ്​പക്ഷത നിലനിർത്തുക, അഭിപ്രായസ്വാതന്ത്ര്യം ഹനിക്കുന്ന വിധമുള്ള തീരുമാനങ്ങളും അഡ്വ. പ്രശാന്ത് ഭൂഷണെതിരെ കോടതിയലക്ഷ്യ കേസിലുണ്ടായ വിധിയും തിരുത്തുക തുടങ്ങിയ ആവശ്യങ്ങൾ ഉന്നയിച്ച് ഇന്ത്യൻ അസോസിയേഷൻ ഓഫ് ലോയേഴ്​സ്​ കരിദിനം ആചരിച്ചു.

കൊടുങ്ങല്ലൂർ കോടതി പരിസരത്ത് നടന്ന പരിപാടി സംസ്ഥാന കമ്മിറ്റി അംഗം കെ.എസ്. ബിനോയ് ഉദ്ഘാടനം ചെയ്​തു.

അഭിഭാഷകരായ സന്തോഷ് കുമാർ, മുഹമ്മദ് നവാസ്, കെ.എം. നൂർജഹാൻ, പി. രമ്യ, യു.കെ. ജാഫർ ഖാൻ, പി.എം. ഹാരിസ്, ടി.കെ. പ്രഭാകരൻ, എ.ഡി. സുദർശനൻ എന്നിവർ നേതൃത്വം നൽകി.