കു​ടി​വെ​ള്ള​മി​ല്ലാ​തെ ന​ഗ​രം നാലാം നാളിൽ

തൃ​ശൂ​ർ: തൃ​ശൂ​ർ ന​ഗ​ര​ത്തി​ലും പ​രി​സ​ര പ്ര​ദേ​ശ​ത്തും നാ​ല് ദി​വ​സ​മാ​യി​ട്ടും കു​ടി​വെ​ള്ള വി​ത​ര​ണം സാ​ധാ​ര​ണ​നി​ല​യി​ലാ​യി​ല്ല. ഒ​രു ദി​വ​സ​ത്തെ അ​റ്റ​കു​റ്റ​പ്പ​ണി​യെ​ന്ന അ​റി​യി​പ്പി​ലാ​യി​രു​ന്നു കു​ടി​വെ​ള്ളം മു​ട​ങ്ങി​യ​തെ​ങ്കി​ലും നാ​ലാം ദി​വ​സ​ത്തി​ലെ​ത്തി​യി​ട്ടും ത​ക​രാ​ർ പ​രി​ഹ​രി​ക്കാ​നാ​യി​ട്ടി​ല്ല.

കു​ടി​വെ​ള്ള വി​ത​ര​ണം ക​ഴി​ഞ്ഞ ദി​വ​സ​ങ്ങ​ളാ​യി ത​ട​സ​പ്പെ​ട്ടി​ട്ടും അ​ടി​യ​ന്തി​ര പ​രി​ഹാ​രം ഉ​ണ്ടാ​ക്കു​ന്ന​തി​ൽ വാ​ട്ട​ർ അ​തോ​റി​റ്റി​യും കോ​ർ​പ്പ​റേ​ഷ​നും പ​രാ​ജ​യ​പ്പെ​ട്ടു​വെ​ന്ന് പ്ര​തി​പ​ക്ഷ കൗ​ൺ​സി​ല​റും ന​ഗ​രാ​സൂ​ത്ര​ണ കാ​ര്യ സ്ഥി​ര​സ​മി​തി ചെ​യ​ർ​മാ​നു​മാ​യ ജോ​ൺ ഡാ​നി​യ​ൽ പ​റ​ഞ്ഞു.

ഒ​രു ദി​വ​സം ക​ണ​ക്കാ​ക്കി​യാ​യി​രു​ന്നു ന​ഗ​ര​വാ​സി​ക​ൾ വെ​ള്ളം ക​രു​തി​യി​രു​ന്ന​ത്. എ​ന്നാ​ൽ ര​ണ്ടും മൂ​ന്നും ദി​വ​സ​ങ്ങ​ൾ ക​ട​ന്ന​തോ​ടെ ക​രു​ത​ൽ താ​ളം തെ​റ്റി​യ​തോ​ടെ പ്ര​തി​ഷേ​ധ​ത്തി​ലാ​ണ് ജ​ന​ങ്ങ​ൾ. ഫ്ളാ​റ്റ് താ​മ​സ​ക്കാ​രാ​ണ് വ​ല​ഞ്ഞ​ത്. പൈ​പ്പി​ൽ വെ​ള്ള​മി​ല്ല. വേ​ണ്ട​ത്ര മു​ൻ​ക​രു​ത​ലു​ക​ൾ എ​ടു​ക്കാ​തെ​യാ​ണ് വാ​ട്ട​ർ അ​തോ​റി​റ്റി വെ​ള്ളം മു​ട​ക്കി​യ​തെ​ന്ന ആ​ക്ഷേ​പം ശ​ക്ത​മാ​ണ്.

കോ​ർ​പ​റേ​ഷ​ൻ പ​രി​ധി​യി​ൽ സ്ഥി​തി രൂ​ക്ഷ​മാ​ണ് പ​ല​യി​ട​ത്തും കു​ടി​വെ​ള്ളം പോ​ലു​മി​ല്ലാ​തെ ജ​നം നെ​ട്ടോ​ട്ട​മോ​ടു​ക​യാ​ണ്. കു​പ്പി​വെ​ള്ള​ത്തെ ആ​ശ്ര​യി​ക്കു​ക​യാ​ണ് ജ​ന​ങ്ങ​ൾ. കോ​ർ​പ​റേ​ഷ​ൻ പ​രി​ധി​യി​ൽ ടാ​ങ്ക​റി​ൽ വെ​ള്ള​മെ​ത്തി​ക്കാ​ൻ മേ​യ​ർ മു​ൻ​കൈ എ​ടു​ക്കാ​ത്ത​ത് പ്ര​തി​ഷേ​ധ​പ​ര​മാ​ണെ​ന്നും പ്ര​ശ്ന പ​രി​ഹാ​ര​ത്തി​ന് ജി​ല്ല ഭ​ര​ണ​കൂ​ടം ഇ​ട​പെ​ട​ണ​മെ​ന്ന് ജോ​ൺ ഡാ​നി​യ​ൽ ആ​വ​ശ്യ​പ്പെ​ട്ടു.