കാൽനൂറ്റാണ്ട് മുമ്പ് സർക്കാർ നൽകിയത് 15 സെന്റും രണ്ട് ലക്ഷവും; ഡോ. ചുമ്മാർ ചൂണ്ടലിന് സ്മാരകമായില്ല

തൃ​ശൂ​ർ: നാ​ട​ൻ ക​ലാ ഗ​വേ​ഷ​ക​നാ​യി​രു​ന്ന ഡോ. ​ചു​മ്മാ​ർ ചൂ​ണ്ട​ലി​ന് തൃ​ശൂ​രി​ൽ സ്മാ​ര​കം പ​ണി​യാ​ൻ സം​സ്ഥാ​ന സ​ർ​ക്കാ​ർ 15 സെ​ന്റ് സ്ഥ​ലം ന​ൽ​കി​യ​ത് 1999ലാ​യി​രു​ന്നു. കെ​ട്ടി​ടം പ​ണി​യാ​ൻ ര​ണ്ട് ല​ക്ഷം രൂ​പ​യും അ​നു​വ​ദി​ച്ചി​രു​ന്നു. കാ​ൽ നൂ​റ്റാ​ണ്ടി​ലെ​ത്തി​യി​ട്ടും കേ​ര​ള​ത്തി​ന് നാ​ട​ൻ ക​ലാ ഗ​വേ​ഷ​ണ മേ​ഖ​ല​ക്ക് നി​ർ​ണാ​യ​ക സം​ഭാ​വ​ന ന​ൽ​കി​യ ചു​മ്മാ​ർ ചൂ​ണ്ട​ലി​ന് സ്മാ​ര​കം ഉ​യ​ർ​ന്നി​ല്ല.

അ​തി​നാ​യി അ​വ​സാ​നം വ​രെ പ​രി​ശ്ര​മി​ച്ച ചു​മ്മാ​ർ ചൂ​ണ്ട​ലി​ന്റെ സ​ഹോ​ദ​ര​ൻ ഡോ. ​സി.​ടി. ജോ​സും ആ ​സ്വ​പ്നം യാ​ഥാ​ർ​ഥ്യ​മാ​കാ​തെ ക​ഴി​ഞ്ഞ ദി​വ​സം നി​ര്യാ​ത​നാ​യി. രം​ഗ​ക​ലാ ഗ​വേ​ഷ​ക​നും ഭാ​ഷാ​ധ്യാ​പ​ക​നും ആ​യി​രു​ന്ന ചു​മ്മാ​ർ ചൂ​ണ്ട​ൽ തൃ​ശൂ​ർ സെ​ന്റ് തോ​മ​സ് കോ​ള​ജി​ലെ മ​ല​യാ​ള​വി​ഭാ​ഗം ത​ല​വ​നാ​യി​രു​ന്നു. 1994ലാ​യി​രു​ന്നു മ​ര​ണം.

അ​ദ്ദേ​ഹ​ത്തി​ന്റെ വി​ദ്യാ​ർ​ഥി​ക​ളും അ​ഭ്യു​ദ​യ​കാം​ക്ഷി​ക​ളും നാ​ട​ൻ ക​ലാ സ്നേ​ഹി​ക​ളും ചേ​ർ​ന്ന് 1995ലാ​ണ് ഡോ. ​ചു​മ്മാ​ർ സ്മാ​ര​ക ഫോ​ക് ലോ​ർ സെ​ന്റ​ർ സ്ഥാ​പി​ച്ച​ത്. 1999ൽ ​റ​വ​ന്യൂ മ​ന്ത്രി കെ.​ഇ. ഇ​സ്മാ​യി​ലാ​ണ് രാ​മ​വ​ർ​മ​പു​രം ആ​കാ​ശ​വാ​ണി​യോ​ട് ചേ​ർ​ന്ന 15 സെ​ന്റ് ഫോ​ക് ലോ​ർ സെ​ന്റ​റി​നാ​യി പ​തി​ച്ചു​ന​ൽ​കാ​ൻ തീ​രു​മാ​നി​ച്ച​ത്.

വി​ൽ​വ​ട്ടം പ​ഞ്ചാ​യ​ത്ത് കെ​ട്ടി​ടം പ​ണി​യാ​ൻ അം​ഗീ​കാ​രം ന​ൽ​കി. ഇ​തി​നി​ടെ സ്ഥ​ലം തൃ​ശൂ​ർ കോ​ർ​പ​റേ​ഷ​ന്റെ പ​രി​ധി​യി​ലാ​യി. അ​വി​ടെ കെ​ട്ടി​ടം പ​ണി​യാ​ൻ സാ​​ങ്കേ​തി​ക​ത​ട​സ്സം വ​ന്നു. ക​ന്നു​കാ​ലി മേ​ച്ചി​ൽ​പു​റം എ​ന്ന​ത് റ​വ​ന്യൂ ഭൂ​മി​യാ​ക്കി പു​ന​ർ​നി​ശ്ച​യി​ക്ക​ണ​മെ​ന്ന് റ​വ​ന്യൂ വ​കു​പ്പ് ആ​വ​ശ്യ​പ്പെ​ട്ടു. ഇ​തി​നി​ടെ നി​ർ​മാ​ണ​ത്തി​ന് അ​നു​വ​ദി​ച്ച തു​ക ചെ​ല​വ​ഴി​ക്കാ​ത്ത​തി​നാ​ൽ ന​ഷ്ട​മാ​യി.

2019ൽ ​സ്ഥ​ലം അ​നു​വ​ദി​ക്കാ​ൻ അ​പേ​ക്ഷ സ​മ​ർ​പ്പി​ക്കാ​ൻ ആ​വ​ശ്യ​പ്പെ​ട്ട് കോ​ർ​പ​റേ​ഷ​ൻ സെ​ക്ര​ട്ട​റി​ക്ക് റ​വ​ന്യൂ വ​കു​പ്പ് ക​ത്ത് ന​ൽ​കി. കോ​ർ​പ​റേ​ഷ​ൻ അ​ധി​കൃ​ത​ർ വി​സ​മ്മ​തി​ച്ചി​ല്ലെ​ങ്കി​ലും നാ​ളി​തു​വ​രെ​യാ​യി ഒ​രി​ഞ്ച് മു​ന്നോ​ട്ടു​പോ​യി​ട്ടി​ല്ല. ഇ​ക്കാ​ല​യ​ള​വി​നി​ടെ ഡോ. ​ചു​മ്മാ​ർ ചൂ​ണ്ട​ൽ സ്മാ​ര​ക ഫോ​ക്​ ലോ​ർ സെ​ന്റ​ർ ഭാ​ര​വാ​ഹി​ക​ൾ മാ​റി​മാ​റി വ​ന്നു.

അ​നു​വ​ദി​ച്ച സ്ഥ​ലം കാ​ടു​പി​ടി​ച്ചു. ചു​റ്റു​വേ​ലി കെ​ട്ടി​യി​രു​ന്ന​ത് പൊ​ളി​ഞ്ഞു​തു​ട​ങ്ങി. ഡോ. ​സി.​ടി. ജോ​സ് ഏ​റെ​ക്കാ​ലം സ​മി​തി ഭാ​ര​വാ​ഹി​യാ​യി​രു​ന്നു. അ​ദ്ദേ​ഹം അ​വ​സാ​നം വ​രെ സ്മാ​ര​കം യാ​ഥാ​ർ​ഥ്യ​മാ​വാ​നാ​യി പ​രി​ശ്ര​മി​ച്ചെ​ങ്കി​ലും ന​ട​ന്നി​ല്ല.

കോ​ർ​പ​റേ​ഷ​ന് സ്ഥ​ലം വി​ട്ടു​ത​രാ​മെ​ന്നും ഏ​റ്റെ​ടു​ത്ത് കെ​ട്ടി​ടം പ​ണി​ത് ഡോ. ​ചു​മ്മാ​ർ ചൂ​ണ്ട​ലി​ന്റെ സ്മാ​ര​കം യാ​ഥാ​ർ​ഥ്യ​മാ​ക്ക​ണ​മെ​ന്നു​മാ​ണ് ആ​വ​ശ്യ​മെ​ന്ന് സ്മാ​ര​ക സ​മി​തി സെ​ക്ര​ട്ട​റി വി​ൻ​സെ​ന്റ് പു​ത്തൂ​ർ പ​റ​ഞ്ഞു. ഇ​ക്കാ​ര്യം കോ​ർ​പ​റേ​ഷ​നെ രേ​ഖാ​മൂ​ലം അ​റി​യി​ച്ചി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.