തൃശൂർ മെഡിക്കൽ കോളജ്​ ഫോറൻസിക് വിഭാഗം മേധാവിയായി ഡോ. ഉന്മേഷ് ചുമതലയേറ്റു

തൃ​ശൂ​ർ: ഗ​വ. മെ​ഡി​ക്ക​ൽ കോ​ള​ജ്​ ഫോ​റ​ൻ​സി​ക് മെ​ഡി​സി​ൻ വി​ഭാ​ഗം മേ​ധാ​വി​യാ​യി ഡോ. ​ഉ​ന്മേ​ഷ് അ​യ്യ​ഞ്ചി​റ ചു​മ​ത​ല​യേ​റ്റു. ഷൊ​ർ​ണൂ​രി​ൽ യു​വ​തി ട്രെ​യി​നി​ൽ പീ​ഡി​പ്പി​ക്ക​പ്പെ​ട്ട് കൊ​ല്ല​പ്പെ​ട്ട കേ​സു​മാ​യി ബ​ന്ധ​പ്പെ​ട്ട വി​വാ​ദ​ത്തെ തു​ട​ർ​ന്നു​ണ്ടാ​യ സ​സ്പെ​ൻ​ഷ​ന് പി​ന്നാ​ലെ പ​ത്തു​വ​ർ​ഷം മു​മ്പാ​ണ്​ ഉ​ന്മേ​ഷ് മെ​ഡി​ക്ക​ൽ കോ​ള​ജി​ന്‍റെ പ​ടി​യി​റ​ങ്ങി​യ​ത്. ഒ​രു​വ​ർ​ഷം നീ​ണ്ട സ​സ്പെ​ൻ​ഷ​ന് പി​ന്നാ​ലെ​യാ​യി​രു​ന്നു സ്ഥ​ലം​മാ​റ്റം.

പോ​സ്റ്റ്മോ​ർ​ട്ടം ചെ​യ്ത​താ​ര് എ​ന്ന​തി​നെ​ച്ചൊ​ല്ലി​യു​ള്ള ത​ർ​ക്ക​മാ​ണ് അ​ന്ന​ത്തെ കേ​സി​ൽ തു​ട​ക്കം മു​ത​ൽ വി​വാ​ദ​മാ​യ​ത്. ഡോ. ​ഉ​ന്മേ​ഷ് ത​ന്നെ​യാ​ണ് പോ​സ്റ്റ്മോ​ർ​ട്ടം ചെ​യ്ത​ത് എ​ന്ന് വ്യ​ക്ത​മാ​യി​രു​ന്നെ​ങ്കി​ലും ഫോ​റ​ൻ​സി​ക് മേ​ധാ​വി​യാ​യി​രു​ന്ന ഡോ. ​ഷേ​ർ​ളി വാ​സു​വി​നെ​യാ​ണ് പ്രോ​സി​ക്യൂ​ഷ​ന്‍ സാ​ക്ഷി​യാ​ക്കി​യ​ത്. അ​സോ​സി​യേ​റ്റ് പ്ര​ഫ​സ​റാ​യി​രു​ന്ന ഡോ. ​എ.​കെ. ഉ​ന്മേ​ഷി​നെ പ്ര​തി​ഭാ​ഗ​വും സാ​ക്ഷി​യാ​ക്കി. 2011ൽ ​കേ​സി​ന്റെ വി​ചാ​ര​ണ ന​ട​ക്കു​മ്പോ​ൾ ഡോ. ​ഉ​ന്മേ​ഷ് കോ​ട​തി​യി​ൽ ഹാ​ജ​രാ​യി മൊ​ഴി ന​ൽ​കി.

ഡോ. ​ഷേ​ർ​ളി​യു​ടെ​യും ഡോ. ​ഉ​ന്മേ​ഷി​ന്‍റെ​യും മൊ​ഴി​ക​ൾ ത​മ്മി​ൽ കാ​ര്യ​മാ​യി വ്യ​ത്യാ​സ​മു​ണ്ടാ​യി​രു​ന്നി​ല്ലെ​ങ്കി​ലും മൊ​ഴി​യി​ലെ വൈ​രു​ധ്യം കാ​ര​ണം ഉ​ന്മേ​ഷ് പ്ര​തി​ഭാ​ഗം ചേ​ർ​ന്ന​താ​യി പ്ര​ചാ​ര​ണ​മു​യ​ർ​ന്നു. പോ​സ്റ്റ്മോ​ർ​ട്ടം ന​ട​ത്തി​യ ഡോ​ക്ട​ർ പ്ര​തി ഗോ​വി​ന്ദ​ച്ചാ​മി​ക്കാ​യി ഒ​ത്തു​ക​ളി​ച്ചു​വെ​ന്ന മ​ട്ടി​ൽ വി​വാ​ദം വ​ള​ർ​ന്ന​തോ​ടെ​യാ​ണ്​ ഉ​ന്മേ​ഷ് സ​സ്പെ​ൻ​ഷ​നി​ലാ​യ​ത്.

പി​ന്നാ​ലെ പ്ര​തി​യാ​ക്കി ക്രി​മി​ന​ൽ കേ​സും ര​ജി​സ്റ്റ​ർ ചെ​യ്തു. പൊ​തു​പ്ര​വ​ർ​ത്ത​ക​നാ​യ ജോ​ർ​ജ് വ​ട്ടു​കു​ള​ത്തി​ന്റെ പ​രാ​തി​യി​ൽ തൃ​ശൂ​ർ വി​ജി​ല​ൻ​സ് കോ​ട​തി അ​ന്വേ​ഷ​ണ​ത്തി​നും ഉ​ത്ത​ര​വി​ട്ടു. ഉ​ന്മേ​ഷ് അ​വി​ഹി​ത​നേ​ട്ടം ഉ​ണ്ടാ​ക്കി​യ​തി​ന് തെ​ളി​വി​ല്ലെ​ന്ന് വി​ജി​ല​ൻ​സ് ക​ണ്ടെ​ത്തി. ആ​ക്ഷേ​പ​ത്തി​ൽ സ​ർ​ക്കാ​ർ നി​യോ​ഗി​ച്ച സ​മി​തി​യും ഉ​ന്മേ​ഷ് കു​റ്റ​ക്കാ​ര​ന​ല്ലെ​ന്ന് ക​ണ്ടെ​ത്തി​യ​തോ​ടെ​യാ​ണ്​ തി​രി​ച്ചു​വ​ര​വി​ന്​ ക​ള​മൊ​രു​ങ്ങി​യ​ത്. തൃ​ശൂ​രി​ലേ​ക്കു​ള്ള തി​രി​ച്ചു​വ​ര​വ്​ ജീ​വി​ത​പാ​ത​യി​ലെ പു​തി​യ ച​വി​ട്ടു​പ​ടി​യാ​ണെ​ന്ന് ഉ​ന്മേ​ഷ് പ​റ​യു​ന്നു.

തൃ​ശൂ​രി​ൽ​നി​ന്നും സ്ഥ​ലം​മാ​റ്റി​യ ശേ​ഷം ആ​ല​പ്പു​ഴ​യി​ലും എ​റ​ണാ​കു​ള​ത്തു​മാ​യി​രു​ന്നു. എ​റ​ണാ​കു​ളം ഗ​വ. മെ​ഡി​ക്ക​ൽ കോ​ള​ജി​ലെ ഫോ​റ​ൻ​സി​ക് വി​ഭാ​ഗ​ത്തി​ന്‍റെ മി​ക​വി​ന് പി​ന്നി​ൽ ഡോ. ​ഉ​ന്മേ​ഷി​ന്‍റെ നി​താ​ന്ത പ്ര​വ​ർ​ത്ത​ന​മാ​ണെ​ന്ന് സ​ഹ​പ്ര​വ​ർ​ത്ത​ക​ർ ചൂ​ണ്ടി​ക്കാ​ട്ടു​ന്നു.