സ്ത്രീ​ധ​ന പീ​ഡ​നം: യു​വ​തി​യും മ​ക​ളും നാ​ലു ദി​വ​സ​മാ​യി വീ​ട്ടു​മു​റ്റ​ത്ത്

മു​ത​ല​മ​ട (പാ​ല​ക്കാ​ട്): സ്ത്രീ​ധ​ന പീ​ഡ​ന​ത്തി​നി​ര​യാ​യ യു​വ​തി​യും മ​ക​ളും നാ​ലു ദി​വ​സ​മാ​യി ഭ​ർ​ത്താ​വി​ന്റെ വീ​ട്ടു​മു​റ്റ​ത്ത് ക​ഴി​യു​ന്നു. തൃ​ശൂ​ർ പെ​രി​ങ്ങോ​ട്ടു​ക​ര വ​ട​ക്കു​മു​റി അ​മ്പ​ല​ത്തു സെ​യ്ദ് മു​ഹ​മ്മ​ദി​ന്റെ മ​ക​ളും പ​റ​ക്കു​ള​മ്പ് അ​മാ​നു​ല്ല ഷാ​യു​ടെ ഭാ​ര്യ​യു​മാ​യ ഷെ​റീ​ന​യും (38) മ​ക​ൾ അ​ഫീ​ഫ​യും (ഒ​മ്പ​ത്) ആ​ണ് വീ​ട്ടു​മു​റ്റ​ത്ത് ക​ഴി​യു​ന്ന​ത്. ബു​ധ​നാ​ഴ്ച​യാ​ണ് ഇ​വ​രെ മു​റ്റ​ത്താ​ക്കി ​ഗേ​റ്റും വീ​ടി​ന്റെ വാ​തി​ലും അ​ട​ച്ചു​പൂ​ട്ടി ഭ​ർ​തൃ​വീ​ട്ടു​കാ​ർ പോ​യ​ത്.

2008 ആ​ഗ​സ്റ്റ് 28ന് ​വി​വാ​ഹി​ത​രാ​യ അ​മാ​നു​ല്ല​യും ഷെ​റീ​ന​യും എ​ട്ടു​വ​ർ​ഷം ഭ​ർ​തൃ​വീ​ട്ടി​ൽ ഒ​ന്നി​ച്ച് താ​മ​സി​ച്ചി​രു​ന്നു. തു​ട​ർ​ന്ന് സ്ത്രീ​ധ​ന പീ​ഡ​ന​ങ്ങ​ളാ​ൽ ഷെ​റീ​ന തൃ​ശൂ​രി​ലെ സ്വ​ന്തം വീ​ട്ടി​ലേ​ക്ക് പോ​വു​ക​യാ​യി​രു​ന്നു. സ്ത്രീ​ധ​ന പീ​ഡ​ന​ത്തി​ന് പ​രി​ഹാ​രം വേ​ണ​മെ​ന്നും സ്ത്രീ​ധ​ന​മാ​യി ന​ൽ​കി​യ 51 പ​വ​നും ഒ​രു ല​ക്ഷം രൂ​പ​യും തി​രി​ച്ചു​കി​ട്ട​ണ​മെ​ന്നും ആ​വ​ശ്യ​പ്പെ​ട്ട് തൃ​ശൂ​ർ അ​യ്യ​ന്തോ​ളി​ലെ കു​ടും​ബ കോ​ട​തി​യി​ൽ കേ​സ് ന​ൽ​കി. കേ​സ് ആ​റു​വ​ർ​ഷ​മാ​യി ന​ട​ക്കു​ന്നു​ണ്ടെ​ങ്കി​ലും കോ​ട​തി​യി​ൽ ഭ​ർ​ത്താ​വ് ഹാ​ജ​റാ​യി​ട്ടി​ല്ല.

ഇ​തു​കാ​ര​ണം പ​രി​ഹാ​രം വൈ​കു​ന്ന​തി​നാ​ൽ ഷെ​റീ​ന ഭ​ർ​ത്താ​വി​ന്റെ വീ​ട്ടി​ലേ​ക്കു​ത​ന്നെ വ​രു​ക​യാ​യി​രു​ന്നു. എ​ന്നാ​ൽ, ഭ​ർ​ത്താ​വി​ന്റെ ബ​ന്ധു​ക്ക​ൾ മ​ർ​ദി​ച്ച് പു​റ​ത്താ​ക്കി​യ​താ​യി ഷെ​റീ​ന പ​റ​ഞ്ഞു. തു​ട​ർ​ന്ന് വീ​ടി​ന്റെ വാ​തി​ലു​ക​ൾ പൂ​ട്ടി​യ ഭ​ർ​തൃ​വീ​ട്ടു​കാ​ർ വ​ള​പ്പി​ന് പു​റ​ത്തേ​ക്ക് പോ​കാ​ൻ നി​ർ​ബ​ന്ധി​ച്ചെ​ങ്കി​ലും ഷെ​റീ​ന സ​മ്മ​തി​ച്ചി​ല്ല. അ​തോ​ടെ ഗേ​റ്റ് അ​ട​ച്ചു​പൂ​ട്ടി ഭ​ർ​തൃ​വീ​ട്ടു​കാ​ർ പോ​വു​ക​യാ​യി​രു​ന്നു.

ബു​ധ​നാ​ഴ്ച മു​ത​ൽ നാ​ല് ദി​വ​സ​മാ​യി വീ​ടി​ന്റെ മു​റ്റ​ത്താ​ണ് ഇ​വ​ർ ക​ഴി​യു​ന്ന​ത്. കൊ​ല്ല​ങ്കോ​ട് പൊ​ലീ​സി​ൽ പ​രാ​തി ന​ൽ​കി​യ​തി​നെ തു​ട​ർ​ന്ന് ഭ​ർ​ത്താ​വ് അ​മാ​നു​ല്ല​ക്ക് (43) എ​തി​രെ കേ​സെ​ടു​ത്തു. വൈ​ദ്യു​തി​യു​ണ്ടെ​ങ്കി​ലും സ്വി​ച്ചു​ക​ൾ വീ​ടി​​ന്റെ അ​ക​ത്താ​യ​തി​നാ​ൽ ഇ​രു​ട്ടി​ലാ​ണ് ഷെ​റീ​ന​യും മ​ക​ളും ക​ഴി​യു​ന്ന​ത്.

ശി​ശു​ക്ഷേ​മ സ​മി​തി പ്ര​വ​ർ​ത്ത​ക​ർ ഇ​ട​പെ​ട്ട് കു​ഞ്ഞി​നെ​യും മാ​താ​വി​നെ​യും സു​ര​ക്ഷി​ത സ്ഥ​ല​ത്തേ​ക്ക് മാ​റ്റാ​ൻ ശ്ര​മം ന​ട​ത്തി​യെ​ങ്കി​ലും പു​റ​ത്തി​റ​ങ്ങാ​ൻ ഷെ​റീ​ന ത​യാ​റാ​വു​ന്നി​ല്ലെ​ന്ന് കൊ​ല്ല​ങ്കോ​ട് പൊ​ലീ​സ് പ​റ​ഞ്ഞു. നീ​തി ല​ഭി​ക്കു​ന്ന​തു​വ​രെ പൂ​ട്ടി​യി​ട്ട വീ​ടി​ന്റെ മു​റ്റ​ത്ത് ക​ഴി​യു​മെ​ന്ന തീ​രു​മാ​ന​ത്തി​ലാ​ണ് ഷെ​റീ​ന. ഭ​ക്ഷ​ണ​വും വെ​ള്ള​വും ബ​ന്ധു​ക്ക​ളാ​ണ് എ​ത്തി​ച്ചു​കൊ​ടു​ക്കു​ന്ന​ത്.