അ​രി​മ്പൂ​രി​ൽ ത​മി​ഴ്നാ​ട് സ്വ​ദേ​ശി​യു​ടെ മ​ര​ണം കൊ​ല​പാ​ത​കം

അ​ന്തി​ക്കാ​ട്: അ​രി​മ്പൂ​രി​ൽ വീ​ടി​നു​ള്ളി​ൽ ത​മി​ഴ്നാ​ട് സ്വ​ദേ​ശി​യെ മ​രി​ച്ച നി​ല​യി​ൽ ​ക​ണ്ടെ​ത്തി​യ​ത് കൊ​ല​പാ​ത​ക​മാ​ണെ​ന്ന് തെ​ളി​ഞ്ഞു. പോ​സ്റ്റ്മോ​ർ​ട്ടം റി​പ്പോ​ർ​ട്ടി​ലാ​ണ് കൊ​ല​പാ​ത​ക​മാ​ണെ​ന്ന ചു​രു​ള​ഴി​ഞ്ഞ​ത്. എ​ൻ.​ഐ.​ഡി റോ​ഡി​ൽ ഓ​ളം​ത​ല്ലി​പാ​റ​ക്കു​സ​മീ​പം താ​മ​സി​ക്കു​ന്ന ത​മി​ഴ്നാ​ട് ക​ട​ലൂ​ർ കാ​ട്ടു​മ​ന്ന കോ​വി​ൽ കാ​ട്ടു​മ​ന്നാ​ർ​കു​ടി അ​റു​മു​ഖ​ത്തി​ന്റെ മ​ക​ൻ ആ​ദി​ത്യ​നെ​യാ​ണ് (41) ഞാ​യ​റാ​ഴ്ച മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. മൃ​ത​ദേ​ഹ​ത്തി​ന് നാ​ലു​ദി​വ​സ​ത്തോ​ളം പ​ഴ​ക്ക​മു​ണ്ടാ​യി​രു​ന്നു. കൂ​ലി​പ്പ​ണി​ക്കാ​ര​നാ​യ ആ​ദി​ത്യ​ൻ ത​നി​ച്ചാ​യി​രു​ന്നു താ​മ​സം.

വീ​ട്ടി​ൽ​നി​ന്ന് ദു​ർ​ഗ​ന്ധം വ​മി​ച്ച​തോ​ടെ നാ​ട്ടു​കാ​ർ ന​ട​ത്തി​യ പ​രി​ശോ​ധ​ന​യി​ലാ​ണ് മൃ​ത​ദേ​ഹം ക​ണ്ട​ത്. ഫോ​റ​ൻ​സി​ക് വി​ദ​ഗ്ധ​ർ എ​ത്തി പ​രി​ശോ​ധ​ന ന​ട​ത്തി​യി​രു​ന്നു. പോ​സ്റ്റു​മോ​ർ​ട്ട​ത്തി​ലാ​ണ് ആ​ദി​ത്യ​ന്റെ നെ​ഞ്ചി​ലും തോ​ളി​ലും പ​ത്തോ​ളം കു​ത്തേ​റ്റ​താ​യി തെ​ളി​ഞ്ഞ​ത്. പോ​സ്റ്റ്മോ​ർ​ട്ടം ന​ട​ത്തി​യ ഡോ​ക്ട​ർ ഇ​ക്കാ​ര്യം പൊ​ലീ​സി​നെ അ​റി​യി​ക്കു​ക​യാ​യി​രു​ന്നു. വീ​ട്ടു​പ​രി​സ​ര​ത്തു​നി​ന്ന് മ​ദ്യ​കു​പ്പി​ക​ളും പൊ​ലീ​സ് ക​ണ്ടെ​ത്തി​യി​രു​ന്നു. മ​ദ്യ​പി​ക്കു​ന്ന​തി​നി​ട​യി​ൽ സു​ഹൃ​ത്തു​ക്ക​ളോ മ​റ്റോ കൊ​ല​പ്പെ​ടു​ത്തി​യ​താ​കാ​മെ​ന്നാ​ണ് നി​ഗ​മ​നം.

ആ​ദി​ത്യ​ൻ നേ​ര​ത്തെ അ​മ്മ​ക്കൊ​പ്പ​മാ​യി​രു​ന്നു ഇ​വി​ടെ താ​മ​സം. അ​മ്മ വാ​ഹ​നാ​പ​ക​ട​ത്തി​ൽ മ​രി​ച്ച​തോ​ടെ പി​ന്നെ ത​നി​ച്ചാ​ണ് താ​മ​സം. വി​വാ​ഹം ക​ഴി​ഞ്ഞെ​ങ്കി​ലും ഭാ​ര്യ​യു​മാ​യി പി​രി​ഞ്ഞാ​ണ് ക​ഴി​ഞ്ഞി​രു​ന്ന​ത്.

അ​മ്മ മ​രി​ച്ച​തി​ന്റെ ഇ​ൻ​ഷു​റ​ൻ​സ് തു​ക അ​വ​കാ​ശി​യാ​യ ആ​ദി​ത്യ​ന് ല​ഭി​ച്ച​ത് ത​ട്ടി​യെ​ടു​ക്കാ​ൻ ആ​രെ​ങ്കി​ലും ഇ​യാളെ കൊ​ല​പ്പെ​ടു​ത്തി​യ​താ​കാ​മെ​ന്നാ​ണ് നി​ഗ​മ​നം. അ​തേ​സ​മ​യം ത​മി​ഴ്നാ​ട്ടു​കാ​ര​നാ​യ മ​റ്റൊ​രാ​ളെ വീ​ട്ടി​ലും ആ​ദി​ത്യ​നോ​ടൊ​പ്പ​വും ക​ണ്ട​താ​യി നാ​ട്ടു​കാ​ർ പൊ​ലീ​സി​നെ വി​വ​രം ധ​രി​പ്പി​ച്ചി​ട്ടു​ണ്ട്. ഇ​യാ​ൾ ത​മി​ഴ്നാ​ട്ടി​ലേ​ക്ക് ക​ട​ന്ന​താ​യ വി​വ​രം ല​ഭി​ച്ച​തോ​ടെ അ​ന്വേ​ഷ​ണ​സം​ഘം ത​മി​ഴ്നാ​ട്ടി​ലേ​ക്ക് തി​രി​ച്ചി​ട്ടു​ണ്ട്.

അ​ന്വേ​ഷ​ണ​ത്തി​ന്റ ഭാ​ഗ​മാ​യി പ്ര​ദേ​ശ​ത്തെ സി.​സി.​ടി.​വി കാ​മ​റ​ക​ളും പൊ​ലീ​സ് പ​രി​ശോ​ധ​ന ന​ട​ത്തി. സി​റ്റി പൊ​ലീ​സ് ക​മീ​ഷ​ണ​ർ അ​ങ്കി​ത് അ​ശോ​ക​ൻ, ഇ​രി​ങ്ങാ​ല​ക്കു​ട ഡി​വൈ.​എ​സ്.​പി ടി.​കെ. ഷൈ​ജു, അ​ന്തി​ക്കാ​ട് സി.​ഐ പി.​കെ. ദാ​സ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. പ്ര​തി​യെ പി​ടി​കൂ​ടാ​നു​ള്ള ഊ​ർ​ജി​ത​മാ​യ അ​ന്വേ​ഷ​ണ​ത്തി​ലാ​ണ് പൊ​ലീ​സ്.