തൃ​ശൂ​രിൽ സ്കൂട്ടർ യാത്രികയുടെ മരണം; തെളിവ് നശിപ്പിക്കാൻ പൊലീസ് കൂട്ടുനിന്നെന്ന് പരാതി

തൃ​ശൂ​ർ: റോ​ഡി​ലെ കു​ഴി​യി​ൽ​വീ​ണ് തെ​റി​ച്ച് വീ​ണ വീ​ട്ട​മ്മ കാ​റി​ടി​ച്ച് മ​രി​ച്ച സം​ഭ​വ​ത്തി​ൽ തെ​ളി​വ് ന​ശി​പ്പി​ക്കാ​ൻ പൊ​ലീ​സ് കൂ​ട്ടു​നി​ന്നെ​ന്ന് ആ​രോ​പ​ണം. എ​ഫ്.​ഐ.​ആ​റി​ല​ട​ക്കം ‘എ​ങ്ങ​നെ​യോ സ്കൂ​ട്ട​റി​ന്റെ നി​യ​ന്ത്ര​ണം തെ​റ്റി’​യെ​ന്നാ​ണ് സൂ​ചി​പ്പി​രി​ക്കു​ന്ന​തെ​ന്നാ​ണ് പ​രാ​തി. റോ​ഡി​ലെ അ​ട​ച്ച കു​ഴി തു​റ​ന്ന് പ​രി​ശോ​ധ​ന​ക്ക് വി​ധേ​യ​മാ​ക്ക​ണ​മെ​ന്നാ​ണ് ആ​വ​ശ്യ​പ്പെ​ട്ട് നേ​ർ​ക്കാ​ഴ്ച അ​സോ​സി​യേ​ഷ​ൻ ഡ​യ​റ​ക്ട​ർ പി. ​ബി. സ​തീ​ഷ് തൃ​ശൂ​ർ റേ​ഞ്ച് ഡി.​ഐ.​ജി​ക്ക് പ​രാ​തി ന​ൽ​കി.

കോ​ർ​പ​റേ​ഷ​ന്റെ അ​നാ​സ്ഥ മൂ​ല​മു​ണ്ടാ​യ കു​ഴി​യി​ൽ വീ​ണ​തോ​ടെ കാ​റി​ടി​ച്ച് നെ​ല്ലി​ക്കു​ന്ന് പു​ള്ളി​പ്പ​റ​മ്പ് വീ​ട്ടി​ൽ ജോ​ൺ​സി​ന്റെ ഭാ​ര്യ ലി​ൻ​സി​യാ​ണ് (57) മ​രി​ച്ച​ത്. 2026 മെ​യ് 12ന് ​രാ​ത്രി ഏ​ഴി​ന് ഇ​ക്ക​ണ്ട​വാ​ര്യ​ർ റോ​ഡി​ലൂ​ടെ പോ​ക​വെ​യാ​ണ് വ​ലി​യ കു​ഴി​യി​ൽ ചാ​ടി​യ സ്കൂ​ട്ട​ർ ഡി​വൈ​ഡ​റി​ൽ ഇ​ടി​ച്ച് റോ​ഡി​ലേ​ക്ക് തെ​റി​ച്ച് വീ​ണ ലി​ൻ​സി കാ​റി​ടി​ച്ച് മ​രി​ച്ച​ത്. അ​പ​ക​ട​ത്തി​ന് പി​ന്നാ​ലെ കോ​ർ​പ​റേ​ഷ​ൻ അ​ധി​കൃ​ത​ർ റോ​ഡി​ലെ കു​ഴി ടാ​റി​ട്ട് ഭാ​ഗി​ക​മാ​യി അ​ട​ച്ചു.

കു​ഴി​യ​ട​ക്കാ​ൻ കോ​ർ​പ​റേ​ഷ​ൻ, പൊ​തു​മ​രാ​മ​ത്ത് ഉ​ദ്യോ​ഗ​സ്ഥ​ർ ന​ട​പ​ടി​യെ​ടു​ത്തി​ല്ലെ​ന്നും പി.​ഡ​ബ്ല്യു.​ഡി എ​ൻ​ജി​നീ​യ​റു​ടെ​യും ക​രാ​റു​കാ​ര​ന്റെ​യും ഭാ​ഗ​ത്ത് നി​ന്നു​ണ്ടാ​യ കൃ​ത്യ​വി​ലോ​പ​മാ​ണ് കാ​ര​ണ​മെ​ന്നും ഉ​ത്ത​ര​വാ​ദി​ക​ളാ​യ ഉ​ദ്യോ​ഗ​സ്ഥ​ർ​ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്ക​ണ​മെ​ന്നു​മാ​വ​ശ്യ​പ്പെ​ട്ട് സ​തീ​ഷ് ക​ഴി​ഞ്ഞ ദി​വ​സം സി​റ്റി പൊ​ലീ​സ് ക​മീ​ഷ​ണ​ർ​ക്കും ഈ​സ്റ്റ് പൊ​ലീ​സ് ഇ​ൻ​സ്പെ​ക്ട​ർ​ക്കും പ​രാ​തി ന​ൽ​കി​യി​രു​ന്നു. എ​ന്നാ​ൽ, ന​ട​പ​ടി കൈ​ക്കൊ​ള്ളാ​ത്ത​തി​നെ​തു​ട​ർ​ന്നാ​ണ് റേ​ഞ്ച് ഡി.​ഐ.​ജി​ക്ക് പ​രാ​തി ന​ൽ​കി​യ​ത്. കു​ഴി​യി​ൽ ചാ​ടി നി​യ​ന്ത്ര​ണം വി​ട്ട് അ​പ​ക​ട​ത്തി​ൽ​പെ​ടു​ന്ന ദൃ​ശ്യ​ങ്ങ​ൾ നി​ല​നി​ൽ​ക്കെ തെ​ളി​വാ​യ കു​ഴി മൂ​ടാ​ൻ കോ​ർ​പ​റേ​ഷ​ൻ അ​ധി​കൃ​ത​ർ​ക്ക് പൊ​ലീ​സ് അ​വ​സ​രം ന​ൽ​കു​ക​യാ​യി​രു​ന്നെ​ന്നാ​ണ് ആ​രോ​പ​ണം. കു​ഴി തു​റ​ന്ന് ആ​ഴ​വും വീ​തി​യും പ​രി​ശോ​ധി​ച്ച് വീ​ണ്ടും തെ​ളി​വെ​ടു​പ്പ് ന​ട​ത്താ​ൻ പൊ​ലീ​സി​ന് ഉ​ത്ത​ര​വ് ന​ൽ​കാ​നും കേ​സ് അ​ട്ടി​മ​റി​ക്കാ​ൻ ശ്ര​മി​ച്ച കോ​ർ​പ​റേ​ഷ​ൻ, പൊ​ലീ​സ് ഉ​ദ്യോ​ഗ​സ്ഥ​ർ​ക്കെ​തി​രെ അ​ന്വേ​ഷ​ണം ന​ട​ത്ത​ണ​മെ​ന്നു​മാ​ണ് ആ​വ​ശ്യം ഉ​യ​ർ​ന്നി​രി​ക്കു​ന്ന​ത്.