കാമറയും പട്രോളിങ്ങുമുണ്ടായിട്ടും തൃ​ശൂ​ർ അശാന്തം; വി​ല​സി ഗു​ണ്ട​ക​ളും പി​ടി​ച്ചു​പ​റി​ക്കാ​രും

തൃ​ശൂ​ർ: തൃ​ശൂ​ർ ന​ഗ​ര​ത്തി​ൽ ഗു​ണ്ട​ക​ളു​ടെ​യും പി​ടി​ച്ചു​പ​റി​ക്കാ​രു​ടെ​യും വി​ള​യാ​ട്ടം. റെ​യി​ൽ​വേ സ്റ്റേ​ഷ​നും കെ.​എ​സ്.​ആ​ർ.​ടി.​സി സ്റ്റാ​ൻ​ഡി​നും സ​മീ​പം തു​ട​ർ​ച്ച​യാ​യി യാ​ത്ര​ക്കാ​രെ ത​ട​ഞ്ഞ് മ​ർ​ദി​ക്കു​ക​യും പ​ണ​വും മൊ​ബൈ​ൽ ഫോ​ണും ത​ട്ടി​പ്പ​റി​ക്കു​ന്ന സം​ഭ​വ​വു​മു​ണ്ടാ​യി.

തി​ങ്ക​ളാ​ഴ്ച രാ​ത്രി കെ.​എ​സ്.​ആ​ർ.​ടി.​സി​ക്ക് സ​മീ​പം ബൈ​ക്കി​ൽ വീ​ട്ടി​ലേ​ക്ക് പോ​വു​ക​യാ​യി​രു​ന്ന വ​ട​ക്കാ​ഞ്ചേ​രി സ്വ​ദേ​ശി​യെ സം​ഘം ചേ​ർ​ന്ന് ത​ട​ഞ്ഞ് നി​ർ​ത്തി മ​ർ​ദി​ക്കു​ക​യും കൈ​വ​ശ​മു​ണ്ടാ​യി​രു​ന്ന പ​ണ​വും മൊ​ബൈ​ൽ ഫോ​ണും ഹെ​ൽ​മെ​റ്റും ത​ട്ടി​പ്പ​റി​ക്കു​ക​യും ചെ​യ്തു. ഈ​സ്റ്റ് സ്റ്റേ​ഷ​നി​ലെ​ത്തി പ​രാ​തി​പ്പെ​ട്ടെ​ങ്കി​ലും ആ​ദ്യം ആ​ശു​പ​ത്രി​യി​ൽ ചി​കി​ത്സ തേ​ടാ​നാ​യി​രു​ന്നു ഉ​പ​ദേ​ശം. ചൊ​വ്വാ​ഴ്ച രാ​വി​ലെ പ​രാ​തി​യെ​ത്തി​ച്ച​പ്പോ​ൾ ര​സീ​ത് ന​ൽ​കാ​തെ സം​ഭ​വം ഒ​തു​ക്കി​ത്തീ​ർ​ക്കാ​ൻ ശ്ര​മ​മു​ണ്ടാ​യെ​ന്നും പ​റ​യു​ന്നു.

രാ​ത്രി​യി​ൽ ക​ൺ​ട്രോ​ൾ റൂം ​വാ​ഹ​ന​മ​ട​ക്കം ആ​റോ​ളം വാ​ഹ​ന​ങ്ങ​ളാ​ണ് ന​ഗ​ര​ത്തി​ൽ പ​ട്രോ​ളി​ങ്ങി​നു​ള്ള​ത്. ന​ഗ​രം മു​ഴു​വ​ൻ നി​രീ​ക്ഷി​ക്കു​ന്ന സി.​സി.​ടി.​വി കാ​മ​റ​ക​ളു​മു​ണ്ട്. ഷോ​പ്പി​ങ് ഫെ​സ്റ്റി​വ​ലി​ന്റെ പേ​രി​ൽ കൂ​ടു​ത​ൽ പൊ​ലീ​സി​നെ നി​യോ​ഗി​ച്ചി​ട്ടു​ണ്ടെ​ന്നാ​ണ് അ​വ​കാ​ശ​വാ​ദ​മെ​ങ്കി​ലും അ​പൂ​ർ​വ​മാ​യ​ല്ലാ​തെ സ്ഥാ​പ​ന​ങ്ങ​ൾ സാ​ധാ​ര​ണ സ​മ​യ​ത്തി​ൽ കൂ​ടു​ത​ൽ ഇ​പ്പോ​ഴും പ്ര​വ​ർ​ത്തി​ക്കു​ന്നി​ല്ല. യാ​ത്രാ സൗ​ക​ര്യം, സു​ര​ക്ഷ എ​ന്നി​വ​യ​ട​ക്കം ഇ​ല്ലാ​തെ രാ​ത്രി​കാ​ല ഷോ​പ്പി​ങ് ഫ​ല​പ്ര​ദ​മ​ല്ലെ​ന്നാ​ണ് ചെ​റു​കി​ട വ്യാ​പാ​രി​ക​ളു​ടെ പ​രാ​തി. ക​ഴി​ഞ്ഞ ആ​ഴ്ച​യാ​ണ് ശ​ക്ത​ൻ ന​ഗ​റി​ൽ മ​ദ്യ​പ​സം​ഘം ഏ​റ്റു​മു​ട്ടി ക​ത്തി​ക്കു​ത്തി​ലെ​ത്തി​യ​ത്. ക​ഴി​ഞ്ഞ ദി​വ​സം കെ.​എ​സ്.​ആ​ർ.​ടി.​സി റോ​ഡി​ലും സം​ഘ​ർ​ഷ​മു​ണ്ടാ​യി. തി​ങ്ക​ളാ​ഴ്ച റെ​യി​ൽ​വേ സ്റ്റേ​ഷ​നി​ൽ ഏ​റ്റു​മു​ട്ടി​യ​ത് ക​ത്തി​ക്കു​ത്തി​ലെ​ത്തി. കാ​മ​റ​ക​ൾ സ്ഥാ​പി​ച്ച​തോ​ടെ കു​റ്റ​കൃ​ത്യ​ങ്ങ​ൾ കു​റ​ക്കാ​ൻ സാ​ധി​ച്ചു​വെ​ന്ന പൊ​ലീ​സി​ന്റെ അ​വ​കാ​ശ​വാ​ദം പൊ​ളി​ക്കു​ന്ന​താ​ണ് നി​ല​വി​ലെ സം​ഭ​വ​ങ്ങ​ൾ. മു​ഴു​വ​ൻ സ​മ​യ നി​രീ​ക്ഷ​ണ​മു​ണ്ടാ​യി​ട്ടും സാ​മൂ​ഹി​ക വി​രു​ദ്ധ​രും പി​ടി​ച്ചു​പ​റി​ക്കാ​രും ല​ഹ​രി മാ​ഫി​യ​ക​ളും ന​ഗ​ര​ത്തി​ൽ സ​ജീ​വ​മാ​ണ്.

ശ​ക്ത​നി​ൽ വീ​ണ്ടും അ​ടി; യു​വാ​വി​ന് പ​രി​ക്ക്

തൃ​ശൂ​ർ: ശ​ക്ത​ൻ ന​ഗ​ർ സ്റ്റാ​ൻ​ഡി​ൽ വീ​ണ്ടും അ​ടി. പ​ര​സ്പ​ര​മു​ള്ള സം​ഘ​ർ​ഷ​ത്തി​ൽ യു​വാ​വി​ന് പ​രി​ക്കേ​റ്റു. ചി​യാ​രം സ്വ​ദേ​ശി കോ​പ്പാ​ട​ൻ വീ​ട്ടി​ൽ ബൈ​ജു​വി​നെ (40) ജ​ന​റ​ൽ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ശ​ക്ത​ൻ ന​ഗ​ർ സ്റ്റാ​ൻ​ഡി​ന് സ​മീ​പ​മു​ള്ള മ​ത്സ്യ​മാ​ർ​ക്ക​റ്റി​ൽ ചൊ​വ്വാ​ഴ്ച വൈ​കീ​ട്ട് അ​ഞ്ചോ​ടെ​യാ​ണ് സം​ഭ​വം. വാ​ക്കേ​റ്റം കൈ​യാ​ങ്ക​ളി​യാ​വു​ക​യാ​യി​രു​ന്നു. ഏ​റ്റു​മു​ട്ട​ലി​ൽ ഹെ​ൽ​മെ​റ്റ് കൊ​ണ്ടു​ള്ള അ​ടി​യേ​റ്റ് അ​ബോ​ധാ​വ​സ്ഥ​യി​ൽ ബൈ​ജു മാ​ർ​ക്ക​റ്റി​ൽ കി​ട​ന്നു. വി​വ​ര​മ​റി​ഞ്ഞെ​ത്തി​യ പൊ​ലീ​സ് ഇ​യാ​ളെ ആ​ശു​പ​ത്രി​യി​ലേ​ക്ക് മാ​റ്റു​ക​യാ​യി​രു​ന്നു. ക​ഴി​ഞ്ഞ​യാ​ഴ്ച ബ​സ് സ്റ്റാ​ൻ​ഡി​ൽ മ​ദ്യ​പ​ർ ത​മ്മി​ലു​ള്ള ഏ​റ്റു​മു​ട്ട​ലി​ൽ ക​ത്തി​വീ​ശ​ല​ട​ക്ക​മു​ണ്ടാ​യി​രു​ന്നു.

ക​ത്രി​ക​ക്കു​ത്ത്: ര​ണ്ടു​പേ​ർ​ക്ക് പ​രി​ക്ക്

തൃ​ശൂ​ർ: റെ​യി​ൽ​വേ സ്റ്റേ​ഷ​നി​ൽ വാ​ക്ക് ത​ർ​ക്ക​ത്തി​നി​ട​യി​ൽ ക​ത്രി​ക​ക്കു​ത്തി​ൽ ര​ണ്ടു​പേ​ർ​ക്ക് പ​രി​ക്കേ​റ്റു. ശ​വ​ക്കോ​ട്ട​പ്പ​ടി സ്വ​ദേ​ശി കോ​ട്ട​യി​ൽ വീ​ട്ടി​ൽ പ്ര​ശാ​ന്ത് (47), ഒ​ഡി​ഷ സ്വ​ദേ​ശി ജു​നെ​ൽ ബ​ലി​യാ​ർ​സി​ങ് (28) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഇ​രു​വ​രും ത​മ്മി​ലാ​ണ് റെ​യി​ൽ​വേ സ്റ്റേ​ഷ​നി​ൽ ത​ർ​ക്കം മൂ​ത്ത് കൈ​യാ​ങ്ക​ളി​യാ​യ​ത്. പു​ല​ർ​ച്ച നാ​ല​ര​യോ​ടെ​യാ​ണ് സം​ഭ​വം. മീ​ശ വെ​ട്ടു​ന്ന​തി​നാ​യി സൂ​ക്ഷി​ച്ചി​രു​ന്ന ക​ത്രി​ക കൊ​ണ്ടാ​ണ് ഇ​രു​വ​രും ആ​ക്ര​മി​ച്ച​ത്. പ​രി​ക്കേ​റ്റ ഇ​രു​വ​രെ​യും ആ​ക്ട്സ് പ്ര​വ​ർ​ത്ത​ക​ർ ജ​ന​റ​ൽ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.