11.5 ടണ്‍ ചെമ്പുകമ്പി കാണാതായ കേസ് ക്രൈംബ്രാഞ്ചിന്; തൃശൂർ കോർപറേഷൻ വൈദ്യുതി വിഭാഗത്തിന്റെ ചെമ്പുകമ്പിയാണ് കാണാതായത്

തൃ​ശൂ​ര്‍: കോ​ര്‍പ​റേ​ഷ​ന്റെ വൈ​ദ്യു​തി വി​ഭാ​ഗ​ത്തി​ല്‍നി​ന്ന് 11.5 ട​ണ്‍ ചെ​മ്പു​ക​മ്പി കാ​ണാ​താ​യ സം​ഭ​വ​ത്തി​ല്‍ അ​ന്വേ​ഷ​ണം ക്രൈം​ബ്രാ​ഞ്ചി​നെ ഏ​ല്‍പി​ക്കാ​ന്‍ തീ​രു​മാ​നി​ച്ചു. മു​ന്‍ ഭ​ര​ണ​സ​മി​തി​യു​ടെ ഒ​ത്താ​ശ​യോ​ടെ​യാ​ണ് മോ​ഷ​ണം ന​ട​ന്ന​തെ​ന്ന് ഡെ​പ്യൂ​ട്ടി മേ​യ​ര്‍ എ. ​പ്ര​സാ​ദും കോ​ണ്‍ഗ്ര​സ്, ബി.​ജെ.​പി കൗ​ണ്‍സി​ല​ര്‍മാ​രും ആ​രോ​പി​ച്ചു. കേ​സി​ല്‍ അ​സി. സെ​ക്ര​ട്ട​റി​യ​ട​ക്കം ആ​റു​പേ​രെ സ​സ്‌​പെ​ന്‍ഡ് ചെ​യ്തി​ട്ടു​ണ്ടെ​ങ്കി​ലും പ​ത്തു​വ​ര്‍ഷ​മാ​യി അ​ന്വേ​ഷ​ണം ഇ​ഴ​യു​ക​യാ​യി​രു​ന്നു. ഇ​ത്ര​യും കാ​ലം മു​ന്‍ഭ​ര​ണ​സ​മി​തി പൊ​ലീ​സു​കാ​രെ കെ​ട്ടി​യി​ട്ട​താ​ണെ​ന്നും നി​ല​വി​ല്‍ പു​ന​ര​ന്വേ​ഷ​ണ​ത്തി​നു​ള്ള ത​ട​സ്സ​ങ്ങ​ളെ​ല്ലാം നീ​ങ്ങി​യ​തി​നാ​ല്‍ അ​ഴി​മ​തി പു​റ​ത്തു​കൊ​ണ്ടു​വ​രു​മെ​ന്നും വെ​ല്ലു​വി​ളി​ച്ചു. ക​ള്ള​ന്‍ ക​പ്പ​ലി​ല്‍ ത​ന്നെ​യാ​ണെ​ന്നും ക​ണ്ടെ​ത്താ​ന്‍ ഭ​ര​ണ​സ​മി​തി​ക്കൊ​പ്പം നി​ല്‍ക്കു​മെ​ന്നും ബി.​ജെ.​പി പ്ര​സ്താ​വി​ച്ചു.

ചെ​മ്പു​ക​മ്പി മോ​ഷ​ണം പോ​യ കേ​സ് ക്രൈം​ബ്രാ​ഞ്ചി​നെ​യും ബ​ന്ധ​പ്പെ​ട്ട രേ​ഖ​ക​ള്‍ അ​ട​ങ്ങി​യ ഫ​യ​ലു​ക​ളു​ടെ അ​ന്വേ​ഷ​ണം വി​ജി​ല​ന്‍സി​നെ​യും ഏ​ല്‍പി​ക്ക​ണ​മെ​ന്ന് കൗ​ണ്‍സി​ലി​ല്‍ ആ​വ​ശ്യ​മു​യ​ര്‍ന്നു. ത​ങ്ങ​ളു​ടെ കൈ​ക​ള്‍ ശു​ദ്ധ​മാ​ണെ​ന്ന് കോ​ര്‍പ​റേ​ഷ​ന്‍ പ്ര​തി​പ​ക്ഷ നേ​താ​വ് ടി.​ആ​ര്‍. ഹി​ര​ണ്‍ മ​റു​പ​ടി പ​റ​ഞ്ഞു. മോ​ഷ​ണം പു​റ​ത്തു​വ​ന്ന​പ്പോ​ള്‍ ത​ന്നെ പൊ​ലീ​സി​ല്‍ അ​റി​യി​ച്ച​തും പ്ര​തി​ക​ളെ​ന്ന് ക​രു​തു​ന്ന​വ​ര്‍ക്കെ​തി​രെ ന​ട​പ​ടി​യും സ്വീ​ക​രി​ച്ച​തും എ​ല്‍ഡി.​എ​ഫാ​ണ്. പ്ര​തി​പ​ക്ഷ​മെ​ന്ന നി​ല​യി​ല്‍ എ​ല്‍ഡി.​എ​ഫി​ന് ഭ​യ​മി​ല്ലെ​ന്നും സി.​ബി.​ഐ അ​ന്വേ​ഷ​ണം വ​ന്നാ​ലും സ്വാ​ഗ​താ​ര്‍ഹ​മാ​ണെ​ന്നും ടി.​ആ​ര്‍. ഹി​ര​ണ്‍ അ​റി​യി​ച്ചു. അ​ഴി​മ​തി​ക്കാ​രു​ണ്ടെ​ങ്കി​ല്‍ അ​വ​രെ തു​റു​ങ്കി​ല​ട​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു. ആ​ര്‍ക്കും എ​തി​ര​ഭി​പ്രാ​യ​മി​ല്ലാ​ത്ത സാ​ഹ​ച​ര്യ​ത്തി​ല്‍ അ​ന്വേ​ഷ​ണം ക്രൈം​ബ്രാ​ഞ്ചി​ന് വി​ടു​ക​യാ​ണെ​ന്ന് മേ​യ​ര്‍ ഡോ. ​നി​ജി ജ​സ്റ്റി​ന്‍ അ​റി​യി​ച്ചു.

കോ​ടി​ക​ളു​ടെ മൂ​ല്യം ക​ണ​ക്കാ​ക്കു​ന്ന 11.5 ട​ണ്‍ ചെ​മ്പു​ക​മ്പി കോ​ര്‍പ​റേ​ഷ​ന്റെ പ​റ​വ​ട്ടാ​നി​യി​ലെ സ്റ്റോ​റി​ല്‍നി​ന്ന് മോ​ഷ​ണം പോ​യെ​ന്നാ​ണ് ആ​രോ​പ​ണം. വാ​ര്‍ഷി​ക പ​രി​ശോ​ധ​ന ന​ട​ത്തി​യ​പ്പോ​ള്‍ സ്‌​റ്റോ​ക്ക് രേ​ഖ​ക​ളു​മാ​യി പൊ​രു​ത്ത​പ്പെ​ടാ​തെ വ​ന്ന​തോ​ടെ​യാ​ണ് മോ​ഷ​ണം ന​ട​ന്നെ​ന്ന വി​വാ​ദ​മു​ണ്ടാ​യ​ത്. സെ​ക്യൂ​രി​റ്റി ജീ​വ​ന​ക്കാ​രും മു​ക​ള്‍ത​ട്ടി​ലു​ള്ള ഉ​ദ്യോ​ഗ​സ്ഥ​രു​മ​റി​യാ​തെ സ്‌​റ്റോ​റി​ല്‍നി​ന്ന് ഇ​ത്ര​യും വ​ലി​യൊ​രു മോ​ഷ​ണം ന​ട​ക്കാ​ന്‍ സാ​ധ്യ​ത​യി​ല്ല. കു​റ്റ​ക്കാ​രെ ക​ണ്ടെ​ത്താ​ന്‍ ക​ഴി​യാ​ത്ത​തി​ല്‍ ദു​രൂ​ഹ​ത​യു​ണ്ടെ​ന്നും ഡെ​പ്യൂ​ട്ടി മേ​യ​ര്‍ പ​റ​ഞ്ഞു. ചെ​മ്പ് ക​മ്പ് മോ​ഷ​ണം പോ​യ​ത് ക​ണ്ടെ​ത്തി​യി​ട്ടും ഒ​രു​മാ​സ​ത്തോ​ളം ഫ​യ​ല്‍വെ​ച്ച് താ​മ​സി​പ്പി​ച്ച​തും അ​ന്വേ​ഷ​ണം വൈ​കി​പ്പി​ച്ച​തും സം​ശ​യാ​സ്പ​ദ​മാ​ണ്. ബ​ക്ക​റ്റി​ല​ല്ല , ലോ​റി​ക​ളി​ലാ​ണ് ചെ​മ്പു​ക​മ്പി​ക​ള്‍ ക​ട​ത്തി​യ​ത്. അ​ട​ക്ക​യ​ല്ല മ​ടി​യി​ല്‍ വെ​ച്ചു​കൊ​ണ്ടു​പോ​കാ​നെ​ന്നും കൗ​ണ്‍സി​ല​ര്‍മാ​ര്‍ ചൂ​ണ്ടി​ക്കാ​ട്ടി.

കേ​സു​മാ​യി ബ​ന്ധ​പ്പെ​ട്ട ഫ​യ​ലു​ക​ളി​ല്‍ വ​ന്‍തോ​തി​ല്‍ കൃ​ത്രി​മം ന​ട​ത്തി​യി​ട്ടു​ണ്ടെ​ന്നും ഫ​യ​ലു​ക​ള്‍ കാ​ണാ​താ​യി​ട്ടു​ണ്ടെ​ന്നും ആ​രോ​പ​ണ​മു​ണ്ടാ​യി​രു​ന്നു. മു​ന്‍ ഭ​ര​ണ​സ​മി​തി സ്റ്റോ​ര്‍ കീ​പ്പ​ര്‍ ആ​യി​രു​ന്ന അ​സി. എ​ൻ​ജി​നീ​യ​റി​ന് ബാ​ധ്യ​ത ഇ​ല്ലാ​തെ വി​ര​മി​ക്കാ​ന്‍ അ​വ​സ​രം ന​ല്‍കി​യ​തും യു​ദ്ധ​കാ​ലാ​ടി​സ്ഥാ​ന​ത്തി​ല്‍ പെ​ന്‍ഷ​ന്‍ ആ​നു​കൂ​ല്യ​ങ്ങ​ള്‍ ന​ല്‍കി​യ​തും അ​ന്വേ​ഷി​ക്ക​ണ​മെ​ന്ന് ബി.​ജെ.​പി കൗ​ണ്‍സി​ല​ര്‍മാ​ര്‍ പ​റ​ഞ്ഞു. മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക് സം​ഭാ​വ​ന ന​ല്‍കി​യ​ത​ട​ക്കം പ​രി​ശോ​ധി​ക്ക​ണ​മെ​ന്നാ​ണ് ആ​വ​ശ്യം.