രാ​ജ്യ​ത്തെ ക​ര​കൗ​ശ​ല വി​ദ്യ​ക​ളും കൈ​വേ​ല​ക​ളും കാ​ണാം ക്രാ​ഫ്റ്റ് ബ​സാ​റി​ൽ

തൃ​ശൂ​ർ: രാ​ജ്യ​ത്തെ വൈ​വി​ധ്യം നി​റ​ഞ്ഞ ക​ര​കൗ​ശ​ല​വി​ദ്യ​യും കൈ​വേ​ല​ക​ളും നെ​യ്ത്തും കാ​ണാ​ൻ അ​വ​സ​ര​മൊ​രു​ക്കു​ക​യാ​ണ് തൃ​ശൂ​രി​ൽ ന​ട​ക്കു​ന്ന ദേ​ശീ​യ ക​ര​കൗ​ശ​ല മേ​ള ‘ക്രാ​ഫ്റ്റ് ബ​സാ​റി’​ൽ. രാ​ജ​സ്ഥാ​നി​ലെ പൊ​ഖ്റാ​നി​ലെ പാ​ര​മ്പ​ര്യ കും​ഭാ​ര സ​മു​ദാ​യ​ക്കാ​രാ​യ മ​ക്താ​റാ​മും രാം​ലാ​ലും ക​ളി​മ​ണ്ണി​ൽ ക​ണ്ണ​ഞ്ചി​പ്പി​ക്കു​ന്ന ചാ​യം ചേ​ർ​ത്തൊ​രു​ക്കു​ന്നു​ണ്ട് ഇ​വി​ടെ. ഉ​ത്ത​ർ​പ്ര​ദേ​ശി​ലെ കു​ർ​ജ​യി​ലെ ഗ്രാ​മീ​ണ​രെ​ത്തി​യി​ട്ടു​ണ്ട് ന​മ്മു​ടെ പ​ഴ​യ സെ​റാ​മി​ക് ഭ​ര​ണി​ക​ളു​മാ​യി. ചെ​മ്പും ഇ​രു​മ്പും ചേ​ർ​ന്ന ലോ​ഹ​സ​ങ്ക​രം കൊ​ണ്ടു​ണ്ടാ​ക്കി​യ അ​തി​വി​ശേ​ഷ ശ​ബ്ദ​മു​ണ്ടാ​ക്കു​ന്ന മ​ണി​ക​ൾ ഗു​ജ​റാ​ത്ത് ‘ക​ച്ചി’​ന്റെ സ്വ​ന്ത​മാ​ണ്. ഇ​വ ഇ​വി​ടെ എ​ത്തി​യി​ട്ടു​ണ്ട്. യു.​പി​യി​ലെ മ​ര​പ്പ​ണി​ക​ൾ​ക്ക് പ്ര​ശ​സ്ത​മാ​യ സ​ഹാ​റം​പു​രി​ൽ​നി​ന്ന് തൈ​ര് ക​ട​യു​ന്ന ‘ക​ടോ​ലു’​ൾ​​പ്പെ​ടെ മ​ര ഉ​ൽ​പ​ന്ന​ങ്ങ​ളും ഇ​വി​ടെ​നി​ന്ന് ല​ഭി​ക്കും. മ​ധ്യ​പ്ര​ദേ​ശി​ന്റെ സ്വ​ന്തം ച​ന്ദേ​രി സി​ൽ​ക്സ് ​ബ്ലോ​ക്ക് പ്രി​ന്റി​ങ് സാ​രി​ക​ളും കൊ​ൽ​ക്ക​ത്ത​യി​ലെ ജാം​ദാ​നി സാ​രി​യും പ​ഞ്ചാ​ബ് പ​ട്യാ​ല​യി​ലെ ഫു​ൾ​കാ​രി തു​ന്ന​ൽ പ​ണി​ക​ളോ​ടെ​യു​ള്ള ചു​രി​ദാ​ർ, സാ​രി വ​സ്ത്ര​ങ്ങ​ളു​മൊ​ക്കെ അ​ത​ത് വ​സ്ത്ര​നി​ർ​മാ​ണ തൊ​ഴി​ലാ​ളി​ക​ൾ നേ​രി​ട്ട് എ​ത്തി​ച്ചി​ട്ടു​ണ്ട്. രാ​ജ​സ്ഥാ​നി​ൽ നൂ​ൽ​കെ​ട്ടി​ൽ ഒ​ളി​പ്പി​ച്ചു​വെ​ക്കു​ന്ന ‘ടൈ ​ആ​ൻ​ഡ് ഡൈ’ ​ഡി​സൈ​ൻ വ​സ്ത്ര​ങ്ങ​ൾ ആ​രെ​യും അ​തി​ശ​യി​പ്പി​ക്കും. അ​സ​മി​ൽ നി​ന്നു​ള്ള മു​ള​ക​ളി​ലെ ഹാ​ൻ​ഡി​ക്രാ​ഫ്റ്റ്സ്, ത​മി​ഴ്നാ​ട്ടി​ലെ ദേ​വ​ദാ​രു മ​ര​ത്ത​ടി​​യി​ൽ ഉ​ണ്ടാ​ക്കി​യ ചീ​ർ​പ്പു​ക​ൾ, ഡ​ൽ​ഹി​യി​ൽ​നി​ന്നു​ള്ള ഫ​ങ്കി ജ്വ​ല്ല​റി, യു.​പി മു​റാ​ദാ​ബാ​ദി​ലെ ബ്രാ​സ് മെ​റ്റ​ൽ ഉ​ൽ​പ​ന്ന​ങ്ങ​ൾ എ​ന്നി​വ പ​രി​ച​യ​പ്പെ​ടാ​നും ബ​സാ​റി​ൽ അ​വ​സ​ര​മൊ​രു​ങ്ങു​ന്നു​ണ്ട്.

കി​ള്ളി​മം​ഗ​ല​ത്തെ നെ​യ്ത്തു​പാ​യ മു​ത​ൽ ഉ​ണ്ണി​യേ​ട്ട​ന്റെ ‘ഏ​ടാ​കൂ​ടം’ വ​രെ ഇ​വി​ടെ​യു​ണ്ട്. മു​ള​യി​ൽ വ​ർ​ണ​ചി​ത്രം വ​ര​ക്കു​ന്ന ഷി​ബ്ന, വൈ​ദ്യു​തി ഹീ​റ്റ​റി​ൽ മ​ര​ത്തി​ൽ​നി​ന്ന്​ ചി​ത്ര​ങ്ങ​ൾ കൊ​ത്തി​യെ​ടു​ക്കു​ന്ന ജേ​ക്ക​ബ് കു​ര്യ​ൻ, റ​സി​ൻ മോ​ൾ​ഡി​ൽ മ​ര​ക്കൊ​ത്തു​ക​ൾ വെ​ച്ച് വു​ഡ്-​റ​സി​ൻ ആ​ർ​ട്ട് വ​ർ​ക്കി​ന്റെ അ​പൂ​ർ​വ​ത​യൊ​രു​ക്കു​ന്ന വി​പി​ൻ ഉ​ണ്ണി എ​ന്നി​വ​രു​ടെ സൃ​ഷ്ടി​ക​ളും ആ​രെ​യും ആ​ക​ർ​ഷി​ക്കും.

ഭാ​ര​ത സ​ർ​ക്കാ​ർ വ​സ്ത്ര മ​ന്ത്രാ​ല​യ​ത്തി​ന് കീ​ഴി​ൽ ഡെ​വ​ല​പ്മെ​ന്‍റ് ക​മീ​ഷ​ണ​ർ ഓ​ഫ് ഹാ​ൻ​ഡ​ക്രാ​ഫ്റ്റി​ന്റെ ആ​ഭി​മു​ഖ്യ​ത്തി​ലാ​ണ് ക്രാ​ഫ്റ്റ്സ് ബ​സാ​ർ സം​ഘ​ടി​പ്പി​ച്ചി​ട്ടു​ള്ള​ത്. 100 ക​ര​കൗ​ശ​ല സ്റ്റാ​ളു​ക​ളി​ൽ കു​ടും​ബ​ശ്രീ മി​ഷ​ന്റെ 10 സ്റ്റാ​ളു​ക​ളു​മു​ണ്ട്. രാ​ജ്യ​ത്തെ 20ലേ​റെ സം​സ്ഥാ​ന​ങ്ങ​ളി​ൽ നി​ന്നു​ള്ള 200ഓ​ളം ക​ര​കൗ​ശ​ല വി​ദ​ഗ്ധ​ർ ഇ​വി​ടെ​യെ​ത്തി​യി​ട്ടു​ണ്ട്. ഊ​രാ​ളു​ങ്ക​ൽ ലേ​ബ​ർ കോ​ൺ​ട്രാ​ക്ട് കോ​ഓ​പ​റേ​റ്റി​വ് സൊ​സൈ​റ്റി​യാ​ണ് ബ​സാ​റി​ന്റെ സം​ഘാ​ട​നം. മേ​ള ഞാ​യ​റാ​ഴ്ച സ​മാ​പി​ക്കും.