കോവിഡ് രോഗിയെ കള്ളുഷാപ്പിന് മുന്നിൽനിന്ന് പൊക്കി; കേസെടുത്ത് കോവിഡ് കെയർ സെൻററിലാക്കി

പാ​വ​റ​ട്ടി: ക​ള്ളു​ഷാ​പ്പി​ലെ​ത്തി​യ കോ​വി​ഡ് രോ​ഗി​യെ നാ​ട്ടു​കാ​ർ അ​റി​യി​ച്ച​തി​നെ തു​ട​ർ​ന്ന് സെ​ക്ട​റ​ൽ മ​ജി​സ്ട്രേ​റ്റ് എ​ത്തി കോ​വി​ഡ് കെ​യ​ർ സെൻറ​റി​ൽ പ്ര​വേ​ശി​പ്പി​ച്ചു. ഇ​യാ​ൾ​ക്ക് എ​തി​രെ കോ​വി​ഡ് നി​യ​മ​പ്ര​കാ​രം കേ​സെ​ടു​ത്തു. വെ​ങ്കി​ട​ങ്ങ് പ​ഞ്ചാ​യ​ത്ത് 14ാം വാ​ർ​ഡ്‌ കാ​ളി​യാ​ക്ക​ൽ ക​ള്ളു​ഷാ​പ്പി​ലാ​ണ് ശ​നി​യാ​ഴ്ച രാ​വി​ലെ കോ​വി​ഡ് പോ​സി​റ്റി​വാ​യ മ​ധ്യ​വ​യ​സ്ക​ൻ എ​ത്തി​യ​ത്.

നാ​ട്ടു​കാ​ർ ചേ​ർ​ന്ന് ഇ​യാ​ളെ വീ​ട്ടി​ലേ​ക്ക് പ​റ​ഞ്ഞ​യ​ച്ചെ​ങ്കി​ലും ഉ​ച്ച​ക്ക് ശേ​ഷം വീ​ണ്ടും എ​ത്തി​യ​പ്പോ​ഴാ​ണ് നാ​ട്ടു​കാ​ർ ആ​രോ​ഗ്യ വ​കു​പ്പി​നേ​യും സെ​ക്​​ട​റ​ൽ മ​ജി​സ്ട്രേ​റ്റി​നേ​യും വി​വ​ര​മ​റി​യി​ച്ച​ത്. അ​ധി​കൃ​ത​രു​ടെ ക​ണ്ണു വെ​ട്ടി​ച്ച് കോ​വി​ഡ് രോ​ഗി​ക​ൾ പു​റ​ത്തി​റ​ങ്ങു​ന്ന​ത് നി​ത്യ​സം​ഭ​വ​മാ​കു​ന്നു​ണ്ട്. മ​ദ്യ​പി​ക്കാ​നെ​ത്തു​ന്ന പ​ല​രും ഒ​രു പാ​ത്ര​ത്തി​ൽ മ​ദ്യം വാ​ങ്ങി അ​തി​ൽ​നി​ന്നു​ത​ന്നെ നി​ര​വ​ധി പേ​ർ പ​ങ്കി​ട്ട് ഉ​പ​യോ​ഗി​ക്കു​ക​യാ​ണ് ചെ​യ്യു​ന്ന​ത്.

ഇ​ത് രോ​ഗ​വ്യാ​പ​നം വേ​ഗ​ത്തി​ലാ​ക്കു​ന്നു. വെ​ള്ളി​യാ​ഴ്ച വെ​ങ്കി​ട​ങ്ങ് പ​ഞ്ചാ​യ​ത്തി​ലെ രോ​ഗ​വ്യാ​പ​നം 50 ശ​ത​മാ​ന​ത്തി​ല​ധി​ക​മാ​യി​രു​ന്നു. സം​സ്ഥാ​ന​ത്തു ത​ന്നെ ഏ​റ്റ​വും ഉ​യ​ർ​ന്ന നി​ര​ക്കാ​ണി​ത്. വെ​ങ്കി​ട​ങ് പ​ഞ്ചാ​യ​ത്തി​ൽ 10 ദി​വ​സ​ത്തി​നു​ള്ളി​ൽ 332 പു​തി​യ രോ​ഗി​ക​ളാ​ണു​ണ്ടാ​യ​ത്. തി​ങ്ക​ളാ​ഴ്ച രോ​ഗം സ്ഥി​രീ​ക​രി​ച്ച​ത് 36 പേ​ർ​ക്കാ​ണ്. 2021 ജൂ​ലൈ 31 വ​രെ കോ​വി​ഡ് ബാ​ധി​ച്ച് മ​രി​ച്ച​ത് 30 പേ​രാ​ണ്. ഇ​തി​ൽ 27 പേ​ർ ഈ ​വ​ർ​ഷ​വും മൂ​ന്നു​പേ​ർ ക​ഴി​ഞ്ഞ വ​ർ​ഷ​വു​മാ​ണ് മ​രി​ച്ച​ത്.