കോ​ർ​പ​റേ​ഷ​ൻ ഭ​ര​ണം പി​ടി​ക്കാ​ൻ നീ​ക്ക​വു​മാ​യി വീ​ണ്ടും കോ​ൺ​ഗ്ര​സ്

തൃ​ശൂ​ർ: കോ​ർ​പ്പ​റേ​ഷ​ൻ ഭ​ര​ണം പി​ടി​ക്കാ​ൻ വീ​ണ്ടും നീ​ക്ക​വു​മാ​യി കോ​ൺ​ഗ്ര​സ്. ചി​ല കൗ​ൺ​സി​ല​ർ​മാ​ർ കോ​ൺ​ഗ്ര​സി​നൊ​പ്പം വ​രു​മെ​ന്നും ഭ​ര​ണം യു.​ഡി.​എ​ഫ് പി​ടി​ക്കു​മെ​ന്നും കോ​ൺ​ഗ്ര​സ് നേ​താ​ക്ക​ൾ പ​റ​യു​ന്നു. എ​ൽ.​ഡി.​എ​ഫി​ലെ ചി​ല സ്വ​ത​ന്ത്ര കൗ​ൺ​സി​ല​ർ​മാ​ർ യു.​ഡി.​എ​ഫി​ൽ ഉ​ട​ൻ എ​ത്തു​മെ​ന്ന് പ്ര​തി​പ​ക്ഷ ക​ക്ഷി നേ​താ​വ് രാ​ജ​ൻ പ​ല്ല​ൻ പ​റ​ഞ്ഞു. കെ. ​മു​ര​ളീ​ധ​ര​ന്റെ വ​ര​വി​നു​ശേ​ഷം ചി​ല കൗ​ൺ​സി​ല​ർ​മാ​ർ താ​ൽ​പ​ര്യം പ്ര​ക​ടി​പ്പി​ച്ചി​ട്ടു​ണ്ട്. സി.​പി.​ഐ​യി​ലെ ചി​ല കൗ​ൺ​സി​ല​ർ​മാ​രും താ​ൽ​പ​ര്യം പ്ര​ക​ടി​പ്പി​ച്ച​താ​യി കോ​ൺ​ഗ്ര​സ് പ​റ​യു​ന്നു. എ​ൽ.​ഡി.​എ​ഫി​ലെ മൂ​ന്ന് സ്വ​ത​ന്ത്ര കൗ​ൺ​സി​ല​ർ​മാ​രു​മാ​യി ച​ർ​ച്ച ന​ട​ത്തി​യെ​ന്നാ​ണ് കോ​ൺ​ഗ്ര​സ് നേ​താ​ക്ക​ൾ ന​ൽ​കു​ന്ന സൂ​ച​ന.

കോ​ൺ​ഗ്ര​സ് സീ​റ്റ് നി​ഷേ​ധി​ച്ച​തി​നെ തു​ട​ർ​ന്ന് വി​മ​ത​നാ​യി മ​ത്സ​രി​ച്ച് വി​ജ​യി​ച്ച എം.​കെ. വ​ർ​ഗീ​സി​നെ കൂ​ടെ​ക്കൂ​ട്ടി ഒ​രു സീ​റ്റി​ന്റെ ഭൂ​രി​പ​ക്ഷ​ത്തി​ലാ​ണ് കോ​ർ​പ​റേ​ഷ​നി​ൽ എ​ൽ.​ഡി.​എ​ഫ് ഭ​ര​ണം നി​ല​നി​ൽ​ക്കു​ന്ന​ത്. വോ​ട്ടെ​ണ്ണ​ൽ അ​വ​സാ​ന​ത്തി​ലെ​ത്തി​യ​പ്പോ​ൾ ഭ​ര​ണം തു​ലാ​സി​ലെ​ന്ന് ബോ​ധ്യ​പ്പെ​ട്ട സി.​പി.​എം അ​വ​സ​ര​ത്തി​നൊ​ത്ത് നീ​ങ്ങി വ​ർ​ഗീ​സി​നെ സ​മീ​പി​ച്ചു. ഈ ​സ​മ​യ​ത്ത് ഭ​ര​ണം കി​ട്ടു​മെ​ന്ന് ഉ​റ​പ്പി​ച്ച് ആ​ര് മേ​യ​റാ​വു​മെ​ന്ന ത​ർ​ക്ക​ത്തി​ലാ​യി​രു​ന്നു കോ​ൺ​ഗ്ര​സ്. എ​ന്നാ​ൽ തു​ട​ർ​ഭ​ര​ണം എ​ന്ന ച​രി​ത്ര​ത്തി​നാ​യി മേ​യ​ർ പ​ദ​വി ത​ന്നെ ന​ൽ​കി​യാ​ണ് സി.​പി.​എം വ​ർ​ഗീ​സി​നെ കൂ​ട്ടി​യ​ത്. താ​ൻ കോ​ൺ​ഗ്ര​സു​കാ​ര​നാ​ണെ​ന്നും എ​ന്നാ​ൽ നേ​താ​ക്ക​ളാ​രും ത​ന്നെ സ​മീ​പി​ച്ചി​ല്ലെ​ന്നും ഇ​ട​തു​പ​ക്ഷ​ത്തി​നൊ​പ്പം നി​ൽ​ക്കു​ക​യാ​ണെ​ന്നു​മാ​യി​രു​ന്നു അ​ന്ന് വ​ർ​ഗീ​സ് പ​റ​ഞ്ഞ​ത്. ആ​ദ്യം മൂ​ന്ന് വ​ർ​ഷ​മെ​ന്ന് ധാ​ര​ണ​യാ​യി​രു​ന്നു​വെ​ങ്കി​ലും പി​ന്നീ​ട് അ​ഞ്ച് വ​ർ​ഷ​വും ഇ​ദ്ദേ​ഹ​ത്തി​ന് ത​ന്നെ പ​ദ​വി ന​ൽ​കാ​ൻ സി.​പി.​എം ധാ​ര​ണ​യി​ലാ​യി​രു​ന്നു.

ഭ​ര​ണം നി​ല​നി​ർ​ത്തു​ക എ​ന്ന​തി​ലു​പ​രി ജി​ല്ല സെ​ക്ര​ട്ടേ​റി​യ​റ്റ്, ജി​ല്ല ക​മ്മി​റ്റി അം​ഗ​ങ്ങ​ളാ​യ മു​തി​ർ​ന്ന ര​ണ്ട് പേ​ർ കൗ​ൺ​സി​ലി​ൽ ഉ​ണ്ടെ​ന്നി​രി​ക്കെ അ​ധി​കാ​ര ത​ർ​ക്കം ഒ​ഴി​വാ​ക്കു​ക കൂ​ടി​യാ​യി​രു​ന്നു ത​ന്ത്ര​പൂ​ർ​വം ഇ​തി​ലൂ​ടെ. ഭ​ര​ണം അ​ട്ടി​മ​റി​ക്കാ​ൻ നേ​ര​ത്തെ ത​ന്നെ കോ​ൺ​ഗ്ര​സ് ശ്ര​മം ന​ട​ത്തി​യി​രു​ന്നു​വെ​ങ്കി​ലും അ​വി​ശ്വാ​സ നോ​ട്ടീ​സ് ച​ർ​ച്ച​യി​ൽ ബി.​ജെ.​പി വി​ട്ടു​നി​ന്ന​തോ​ടെ പ​രാ​ജ​യ​പ്പെ​ട്ടു. 2022 മാ​ർ​ച്ചി​ൽ ആ​യി​രു​ന്നു ഇ​ത്. ക​ഴി​ഞ്ഞ ഭ​ര​ണ​സ​മി​തി​യു​ടെ കാ​ല​ത്തും ഇ​പ്പോ​ഴും സ്വ​ന്തം മു​ന്ന​ണി​യി​ലെ ഭി​ന്ന​ത​യാ​യി​രു​ന്നു ഇ​ട​തു​മു​ന്ന​ണി​യി​ൽ സി.​പി.​എം നേ​രി​ട്ടി​രു​ന്ന പ്ര​തി​സ​ന്ധി.

ഘ​ട​ക​ക​ക്ഷി​ക​ളു​ടെ​യും സ്വ​ത​ന്ത്ര​രു​ടെ​യും സ​മ്മ​ർ​ദം സി.​പി.​എ​മ്മി​നു​ണ്ട്. ഇ​വ​രെ മു​ൻ​നി​ർ​ത്തി​യാ​ണ് കോ​ൺ​ഗ്ര​സ് നീ​ക്കം. ലോ​ക്സ​ഭാ തെ​ര​ഞ്ഞെ​ടു​പ്പ് പ്ര​വ​ർ​ത്ത​ന​ങ്ങ​ൾ​ക്കി​ട​യി​ലാ​ണ് യു.​ഡി.​എ​ഫി​ന്റെ ശ്ര​മ​ങ്ങ​ൾ എ​ന്ന​ത് ശ്ര​ദ്ധേ​യ​മാ​ണ്. മു​ര​ളീ​ധ​ര​ൻ തൃ​ശൂ​രി​ൽ എ​ത്തി​യ​തും നേ​താ​ക്ക​ളു​മാ​യി ന​ട​ത്തി​യ ച​ർ​ച്ച​യെ തു​ട​ർ​ന്നു​മാ​ണ് ഭ​ര​ണം പി​ടി​ക്കാ​നു​ള്ള നീ​ക്ക​മെ​ന്നാ​ണ് നേ​താ​ക്ക​ൾ പ​റ​യു​ന്ന​ത്. 55 അം​ഗ ഭ​ര​ണ​സ​മി​തി​യി​ൽ കോ​ൺ​ഗ്ര​സ് വി​മ​ത​നാ​യ മേ​യ​ർ എം.​കെ. വ​ർ​ഗീ​സും സ്വ​ത​ന്ത്ര​നാ​യ സി.​പി. പോ​ളി​യും ഉ​ൾ​പ്പെ​ടെ 25 പേ​രാ​ണ് ഇ​ട​തു​പ​ക്ഷ​ത്തി​നു​ള്ള​ത്. കോ​ൺ​ഗ്ര​സി​ന് 24ഉം ​ബി.​ജെ.​പി​ക്ക് ആ​റും അം​ഗ​ങ്ങ​ളാ​ണു​ള്ള​ത്. കേ​വ​ല ഭൂ​രി​പ​ക്ഷ​മി​ല്ലാ​തെ ഇ​ട​തു​മു​ന്ന​ണി​യു​ടെ തു​ട​ർ​ഭ​ര​ണ​മാ​ണ് കോ​ർ​പ​റേ​ഷ​നി​ൽ.

അ​തേ​സ​മ​യം കോ​ർ​പ​റേ​ഷ​നി​ൽ ഭ​ര​ണ​മാ​റ്റം ഉ​ണ്ടാ​വി​ല്ലെ​ന്ന് എം.​കെ. വ​ർ​​ഗീ​സ് പ്ര​തി​ക​രി​ച്ചു. കോ​ൺ​​ഗ്ര​സി​ലേ​ക്ക് മ​ട​ങ്ങി​ല്ലെ​ന്നും അ​ദ്ദേ​ഹം പ​റ​ഞ്ഞു.