കോ​ർ​പ​റേ​ഷ​നി​ൽ മാ​സ്​​റ്റ​ർ പ്ലാ​ൻ പൈ​തൃ​ക വി​വാ​ദ ബ​ഹ​ളം

തൃ​ശൂ​ർ: മാ​സ്​​റ്റ​ര്‍ പ്ലാ​നി​ലെ പൈ​തൃ​ക മേ​ഖ​ല​യി​ൽ ഭേ​ദ​ഗ​തി വ​രു​ത്തി​യ​തു​മാ​യി ബ​ന്ധ​പ്പെ​ട്ട വി​വാ​ദ​ത്തി​ൽ കോ​ർ​പ​റേ​ഷ​ൻ കൗ​ൺ​സി​ലി​ൽ ഭ​ര​ണ-​പ്ര​തി​പ​ക്ഷ ബ​ഹ​ളം. മു​ൻ മേ​യ​റും പ്ര​തി​പ​ക്ഷ ക​ക്ഷി നേ​താ​വു​മാ​യ രാ​ജ​ൻ പ​ല്ല​നെ​തി​രെ സി.​പി.​എം പ്ര​മേ​യം അ​വ​ത​രി​പ്പി​ച്ച​തി​നെ​തി​രെ കോ​ൺ​ഗ്ര​സ് അം​ഗ​ങ്ങ​ൾ രം​ഗ​ത്ത് വ​ന്ന​തോ​ടെ ബ​ഹ​ള​മാ​യി.

ച​ർ​ച്ച​യി​ല്ലാ​തെ അ​ജ​ണ്ട​യം​ഗീ​ക​രി​ച്ച് യോ​ഗം അ​വ​സാ​നി​പ്പി​ച്ചു. കൗ​ൺ​സി​ൽ ആ​രം​ഭി​ച്ച ഉ​ട​ൻ സി.​പി.​എ​മ്മി​ലെ പ്രേം​കു​മാ​റാ​ണ് പ്ര​മേ​യം അ​വ​ത​രി​പ്പി​ക്കാ​നു​ണ്ടെ​ന്ന ആ​വ​ശ്യ​മു​യ​ർ​ത്തി​യ​ത്. എ​ന്നാ​ൽ ച​ട്ട​പ്ര​കാ​രം അ​നു​വ​ദി​ക്കാ​നാ​വി​ല്ലെ​ന്ന് പ്ര​തി​പ​ക്ഷം നി​ല​പാ​ടെ​ടു​ത്തു. എ​ന്നാ​ൽ അ​ജ​ണ്ട​യി​ലെ വി​ഷ​യ​വു​മാ​യി ബ​ന്ധ​പ്പെ​ട്ടാ​ണെ​ന്ന് അ​റി​യി​ച്ച​തോ​ടെ അ​വ​ത​ര​ണാ​നു​മ​തി ന​ൽ​കി.

മാ​സ്​​റ്റ​ർ പ്ലാ​നി​ൽ പൈ​തൃ​ക മേ​ഖ​ല​ക​ൾ പൊ​ളി​ക്കാ​ന്‍ ഒ​പ്പി​ടു​ക​യും പി​ന്നീ​ട് തെ​റ്റു​പ​റ്റി​യെ​ന്ന് പ​റ​ഞ്ഞ് കോ​ണ്‍ഗ്ര​സി​നു​വേ​ണ്ടി മാ​പ്പു​പ​റ​യു​ക​യും ചെ​യ്ത രാ​ജ​ൻ പ​ല്ല​ൻ ജ​ന​ങ്ങ​ളെ തെ​റ്റി​ദ്ധ​രി​പ്പി​ക്കു​ന്നെ​ന്നും മാ​സ്​​റ്റ​ർ പ്ലാ​ൻ വ​ഴി പൈ​തൃ​ക​ങ്ങ​ൾ ത​ക​ർ​ക്കു​ന്നെ​ന്ന പ്ര​ചാ​ര​ണം ന​ട​ത്തി​യ​തി​ൽ രാ​ജ​ൻ മാ​പ്പ് പ​റ‍യ​ണ​മെ​ന്നും ആ​വ​ശ്യ​പ്പെ​ട്ടാ​യി​രു​ന്നു പ്രേം​കു​മാ​റി​െൻറ പ്ര​മേ​യം.

പ്ര​മേ​യ​ത്തെ പി​ന്തു​ണ​ച്ച് അ​നൂ​പ് ക​രി​പ്പാ​ലും ഇ​ട​ത് കൗ​ൺ​സി​ല​ർ​മാ​രും രം​ഗ​ത്ത് വ​ന്ന​തോ​ടെ പ്ര​തി​പ​ക്ഷം ഭ​ര​ണ​പ​ക്ഷ​ത്തി​നെ​തി​രെ മു​ദ്രാ​വാ​ക്യ​മു​യ​ർ​ത്തി. ഇ​തി​നി​ട​യി​ൽ രാ​ജ​ൻ പ​ല്ല​ൻ മ​റു​പ​ടി പ​റ​യാ​ൻ എ​ഴു​ന്നേ​റ്റെ​ങ്കി​ലും പ്ര​സം​ഗ​ത്തിെൻറ ഘ​ട്ട​ത്തി​ൽ ഭ​ര​ണ​പ​ക്ഷാം​ഗ​ങ്ങ​ൾ മു​ദ്രാ​വാ​ക്യം മു​ഴ​ക്കി രാ​ജ​ൻ പ​ല്ല​ൻ മാ​പ്പ് പ​റ​യ​ണ​മെ​ന്ന് ആ​വ​ശ്യ​പ്പെ​ട്ടു.

സി.​പി.​എം-​കോ​ൺ​ഗ്ര​സ് അം​ഗ​ങ്ങ​ളു​ടെ പ്ര​തി​ഷേ​ധം തു​ട​രു​മ്പോ​ൾ ബി.​ജെ.​പി അം​ഗ​ങ്ങ​ൾ മൗ​ന​ത്തി​ലാ​യി​രു​ന്നു. സ്വ​രാ​ജ് റൗ​ണ്ടി​ൽ​നി​ന്ന് 150 മീ​റ്റ​ർ വ​രെ പൈ​തൃ​ക​മേ​ഖ​ല മാ​റ്റം വ​രു​ത്തി​യ​തി​ൽ മ​റു​പ​ടി പ​റ​യാ​ൻ പ​റ്റാ​തെ മേ​യ​റും സം​ഘ​വും ഒ​ളി​ച്ചോ​ടി​യെ​ന്ന് രാ​ജ​ൻ ജെ. ​പ​ല്ല​ൻ കു​റ്റ​പ്പെ​ടു​ത്തി.

കോ​വി​ഡ് മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ തു​ട​ർ​ച്ച​യാ​യി കൗ​ൺ​സി​ൽ യോ​ഗം ചേ​രു​ന്ന​ത് കോ​വി​ഡ് വ്യാ​പ​ന​ത്തി​ന് സാ​ഹ​ച​ര്യ​മൊ​രു​ക്കു​ക​യാ​ണെ​ന്നും രാ​ജ​ൻ പ​ല്ല​ൻ ആ​രോ​പി​ച്ചു. മാ​സ്​​റ്റ​ർ​പ്ലാ​ൻ വി​ഷ​യ​ത്തി​ൽ ഭ​ര​ണ​പ​ക്ഷ​ത്തി​ന് മ​റു​പ​ടി ഇ​ല്ലാ​ത്ത​തി​നാ​ൽ ച​ർ​ച്ച ഒ​ഴി​വാ​ക്കു​ന്ന​തി​നു വേ​ണ്ടി​യു​ള്ള സ​മ​ര​നാ​ട​ക​മാ​യി​രു​ന്നു സി.​പി.​എം ന​ട​ത്തി​യ​തെ​ന്ന് ജോ​ൺ ഡാ​നി​യേ​ൽ കു​റ്റ​പ്പെ​ടു​ത്തി. മാ​സ്​​റ്റ​ർ പ്ലാ​ൻ വി​ഷ​യ​ത്തി​ൽ സി.​പി.​എം ന​ഗ​ര​ത്തി​ലെ ജ​ന​ങ്ങ​ളെ ച​തി​ക്കു​ക​യാ​െ​ണ​ന്നും സു​താ​ര്യ​മാ​യ ച​ർ​ച്ച​ക്ക് ഇ​ട​തു​ഭ​ര​ണ സ​മി​തി ത​യാ​റാ​ക​ണ​മെ​ന്നും എ. ​പ്ര​സാ​ദ് ആ​വ​ശ്യ​പ്പെ​ട്ടു.