നേ​താ​ക്ക​ളു​ടെ ത​ർ​ക്ക​ത്തി​ൽ കു​ടു​ങ്ങി മ​ണ്ഡ​ലം പ്ര​സി​ഡ​ന്‍റു​മാ​ർ

തൃ​ശൂ​ർ: തെ​ര​ഞ്ഞെ​ടു​പ്പി​ന് മാ​സ​ങ്ങ​ൾ മാ​ത്ര​മി​രി​ക്കെ കോ​ൺ​ഗ്ര​സ് പു​നഃ​സം​ഘ​ട​ന പാ​തി​വ​ഴി​യി​ൽ. ഡി.​സി.​സി വി​ട്ട പട്ടികക്ക് കെ.​പി.​സി.​സി അം​ഗീ​കാ​രം ന​ൽ​കി​യി​ട്ട് മാ​സ​ങ്ങ​ളാ​യെ​ങ്കി​ലും ഇ​തു​വ​രെ​യും പ്ര​ഖ്യാ​പി​ക്കാ​നാ​യി​ട്ടി​ല്ല.

ജി​ല്ല​യി​ലെ നേ​താ​ക്ക​ൾ ത​മ്മി​ലു​ള്ള ത​ർ​ക്ക​മാ​ണ് ലി​സ്റ്റ് പ്ര​ഖ്യാ​പി​ക്കാ​ൻ ക​ഴി​യാ​തി​രി​ക്കു​ന്ന​ത്. ഏ​റെ നാ​ളെ​ടു​ത്ത് ച​ർ​ച്ച​യും ഒ​ത്തു​തീ​ർ​പ്പും ന​ട​ത്തി ഇ​ക്ക​ഴി​ഞ്ഞ ഒ​ക്ടോ​ബ​ർ ആ​ദ്യ​വാ​ര​ത്തി​ലാ​ണ് പ​കു​തി മാ​ത്രം മ​ണ്ഡ​ലം പ്ര​സി​ഡ​ൻ​റു​മാ​രെ പ്ര​ഖ്യാ​പി​ച്ച് ഡി.​സി.​സി​യു​ടെ പ​ട്ടി​ക പു​റ​ത്തി​റ​ങ്ങി​യ​ത്. പി​ന്നാ​ലെ ത​ർ​ക്ക​വു​മാ​യി. ഇ​തോ​ടെ ബാ​ക്കി​യു​ള്ള​വ പ്ര​ഖ്യാ​പി​ക്കാ​നാ​യി​ല്ല. പു​നഃ​സം​ഘ​ട​ന സ​മി​തി അം​ഗീ​കാ​രം ന​ൽ​കാ​ത്ത ചി​ല മ​ണ്ഡ​ല​ങ്ങ​ളി​ൽ സ്വ​ന്ത​ക്കാ​രെ നി​യോ​ഗി​ച്ച് ഡി.​സി.​സി പ്ര​സി​ഡ​ൻ​റ് വ​ശ​ത്താ​ക്കി​യെ​ന്നാ​യി​രു​ന്നു ആ​ക്ഷേ​പം. കെ.​പി.​സി.​സി പ്ര​സി​ഡ​ൻ​റി​നെ​യും പ്ര​തി​പ​ക്ഷ നേ​താ​വി​നെ​യും ജി​ല്ല​യു​ടെ ചു​മ​ത​ല​യു​ള്ള ജ​ന​റ​ൽ സെ​ക്ര​ട്ട​റി​യെ​യും പ​രാ​തി അ​റി​യി​ച്ച​തോ​ടെ ലി​സ്റ്റ് ത​ട​ഞ്ഞു. ജി​ല്ല​യി​ൽ കോ​ൺ​ഗ്ര​സി​ന് 110 മ​ണ്ഡ​ല​ങ്ങ​ളാ​ണു​ള്ള​ത്.

ഇ​തി​ൽ 50 മ​ണ്ഡ​ല​ങ്ങ​ളി​ലെ പ്ര​സി​ഡ​ൻ​റു​മാ​രെ മാ​ത്ര​മാ​ണ് മാ​സ​ങ്ങ​ളെ​ടു​ത്തു​ള്ള ച​ർ​ച്ച​ക​ൾ​ക്ക് ശേ​ഷം ഒ​ക്ടോ​ബ​ർ ആ​ദ്യ​വാ​ര​ത്തി​ൽ പ്ര​ഖ്യാ​പി​ക്കാ​നാ​യ​ത്. ബാ​ക്കി​യു​ള്ള 60 മ​ണ്ഡ​ലം പ്ര​സി​ഡ​ൻ​റു​മാ​രെ​യും പി​ന്നാ​ലെ കെ.​പി.​സി.​സി അം​ഗീ​കാ​രം ന​ൽ​കി​യെ​ങ്കി​ലും പ്ര​ഖ്യാ​പി​ക്കാ​നാ​യി​ല്ല. ഗ്രൂ​പ്പ് വീ​തം വെ​ക്ക​ലു​ക​ളാ​യി​രു​ന്നു ത​ർ​ക്ക​ത്തി​ന് കാ​ര​ണം. നേ​ര​ത്തെ എ, ​ഐ എ​ന്ന നി​ല​യി​ൽ മാ​ത്രം മ​തി​യാ​യി​രു​ന്നു​വെ​ങ്കി​ൽ ഐ ​ഗ്രൂ​പ്പി​ൽ ത​ന്നെ ആ​റോ​ളം ഗ്രൂ​പ്പു​ക​ളും എ ​ഗ്രൂ​പ്പി​ൽ ര​ണ്ട് വി​ഭാ​ഗ​ങ്ങ​ളു​മ​ട​ക്ക​മാ​യി​ട്ടാ​ണ് മ​ണ്ഡ​ല​ങ്ങ​ളെ പ​ങ്കി​ട്ട​ത്.

ഇ​തി​ൽ ത​ന്നെ ര​മേ​ശ് ചെ​ന്നി​ത്ത​ല പ​ക്ഷ​ത്തെ ഒ​തു​ക്കി​യാ​ണ് ഐ ​ഗ്രൂ​പ്പി​ലെ വീ​തം വെ​യ്പ് ന​ട​ന്ന​ത്. എ ​ഗ്രൂ​പ്പി​ൽ യു​വ എ ​ഗ്രൂ​പ്പി​നും പ്രാ​തി​നി​ധ്യം ന​ൽ​കി​യി​ട്ടു​ണ്ട്. കെ.​പി.​സി.​സി ജ​ന​റ​ൽ സെ​ക്ര​ട്ട​റി എ.​എ. ഷു​ക്കൂ​റി​നാ​ണ് ജി​ല്ല​യു​ടെ ചു​മ​ത​ല. 11 അം​ഗ​ങ്ങ​ള​ട​ങ്ങി​യ ഉ​പ​സ​മി​തി​യാ​ണ് മ​ണ്ഡ​ലം പ്ര​സി​ഡ​ൻ​റു​മാ​രെ തീ​രു​മാ​നി​ക്കു​ന്ന​തി​ൽ കീ​ഴ്ഘ​ട​ക​ങ്ങ​ളി​ൽ നി​ന്നു​ള്ള പ​ട്ടി​ക​യി​ൽ പ​രി​ശോ​ധ​ന ന​ട​ത്തി അ​ന്തി​മ​മാ​ക്കേ​ണ്ട​ത്.

ല​ഭി​ച്ച പ​ട്ടി​ക​യ​നു​സ​രി​ച്ച് പ​രി​ശോ​ധി​ച്ച​തി​ൽ വി​വി​ധ കാ​ര​ണ​ങ്ങ​ളാ​ൽ നി​യോ​ഗി​ക്കാ​ൻ ക​ഴി​യി​ല്ലെ​ന്ന് ക​ണ്ടെ​ത്തി മാ​റ്റി​വെ​ച്ച മ​ണ്ഡ​ല​ങ്ങ​ളി​ൽ ഉ​പ​സ​മി​തി​യി​ലെ അം​ഗ​ങ്ങ​ൾ അ​റി​യാ​തെ സ്വ​കാ​ര്യ​മാ​യി ‘ഇ​ഷ്ട​ക്കാ​രെ’ നി​യോ​ഗി​ക്കു​ക​യാ​യി​രു​ന്നു​വെ​ന്നാ​ണ് ആ​ക്ഷേ​പം. ലി​സ്റ്റ് അം​ഗീ​ക​രി​ക്കാ​നാ​വി​ല്ലെ​ന്ന് വ്യ​ക്ത​മാ​ക്കി​യ നേ​താ​ക്ക​ൾ കെ.​പി.​സി.​സി പ്ര​സി​ഡ​ൻ​റ് കെ. ​സു​ധാ​ക​ര​നെ​യും പ്ര​തി​പ​ക്ഷ നേ​താ​വ് വി.​ഡി സ​തീ​ശ​നെ​യും ജി​ല്ല​യു​ടെ ചു​മ​ത​ല​യു​ള്ള ജ​ന​റ​ൽ സെ​ക്ര​ട്ട​റി എ.​എ ഷു​ക്കൂ​റി​നെ​യും സം​ഘ​ട​നാ​ചു​മ​ത​ല​യു​ള്ള ജി​ല്ല​യി​ൽ നി​ന്നു​ള്ള നേ​താ​വ് ടി.​യു രാ​ധാ​കൃ​ഷ്ണ​നെ​യും നേ​രി​ൽ വി​ളി​ച്ച് പ​രാ​തി അ​റി​യി​ച്ചു. പു​ന​പ​രി​ശോ​ധ​ന ന​ട​ത്താ​മെ​ന്ന് നേ​താ​ക്ക​ൾ അ​റി​യി​ച്ചു​വെ​ന്നാ​ണ് പ​റ​യു​ന്ന​ത്. എ​ന്നാ​ൽ തെ​ര​ഞ്ഞെ​ടു​പ്പി​ലേ​ക്കും അ​തി​ന് മു​മ്പാ​യി കെ.​പി.​സി.​സി പ്ര​സി​ഡ​ൻ​റും പ്ര​തി​പ​ക്ഷ നേ​താ​വും ന​യി​ക്കു​ന്ന ജാ​ഥ​യും ന​ട​ക്കാ​നി​രി​ക്കെ പ്ര​ഖ്യാ​പി​ച്ച​വ​യി​ൽ ഇ​നി പു​ന​പ്പ​രി​ശോ​ധ​ന​യു​ണ്ടാ​യേ​ക്കി​ല്ലെ​ന്നാ​ണ് കെ.​പി.​സി.​സി നേ​താ​ക്ക​ൾ പ​റ​യു​ന്ന​ത്.