ആ​വേ​ശം നി​റ​ച്ച് സാ​ന്റ​മാ​ർ

നാ​ടും ന​ഗ​ര​വും ക്രി​സ്മ​സ് തി​ര​ക്കി​ല​മ​ർ​ന്ന​തോ​ടെ തൃ​ശൂ​രി​ലെ വി​പ​ണി​ക​ൾ സ​ജീ​വ​മാ​യി. ന​ക്ഷ​ത്ര​ങ്ങ​ളി​ലും ക്രി​സ്മ​സ് ട്രീ​യി​ലും പു​ൽ​ക്കൂ​ടു​ക​ളി​ലു​മെ​ല്ലാം പു​തു​മ​ക​ൾ നി​റ​ച്ച് ഉ​പ​ഭോ​ക്താ​ക്ക​ളെ വ​ര​വേ​ൽ​ക്കു​ക​യാ​ണ് വി​പ​ണി. മു​ൻ​കാ​ല​ങ്ങ​ളി​ൽ ചൈ​ന​യി​ൽ​നി​ന്നും മ​റ്റ് സം​സ്ഥാ​ന​ങ്ങ​ളി​ൽ​നി​ന്നും എ​ത്തി​യി​രു​ന്ന നി​യോ​ൺ ലൈ​റ്റു​ക​ൾക്ക് 2000 മു​ത​ൽ 3000 രൂ​പ വ​രെ​യാ​യി​രു​ന്നു വി​ല. എ​ന്നാ​ൽ, ഇ​പ്പോ​ൾ തൃ​ശൂ​ർ, അ​ങ്ക​മാ​ലി, കു​ന്നം​കു​ളം എ​ന്നി​വി​ട​ങ്ങ​ളി​ൽ നി​യോ​ൺ ലൈ​റ്റു​ക​ൾ വ​ൻ​തോ​തി​ൽ ഉ​ൽ​പാ​ദി​പ്പി​ക്കാ​ൻ തു​ട​ങ്ങി​യ​തോ​ടെ വി​ല കു​ത്ത​നെ കു​റ​ഞ്ഞു. 150 രൂ​പ മു​ത​ൽ ഇ​പ്പോ​ൾ നി​യോ​ൺ ലൈ​റ്റു​ക​ൾ ല​ഭ്യ​മാ​ണ്. നി​യോ​ൺ ന​ക്ഷ​ത്ര​ങ്ങ​ൾ കൂ​ടാ​തെ ഡീ​ർ, സാ​ന്റാ​ക്ലോ​സ്, ക്രി​സ്മ​സ് ട്രീ, ​റാ​ബി​റ്റ്, എ​യ്ഞ്ച​ൽ തു​ട​ങ്ങി മ​നം​ക​വ​രു​ന്ന വി​വി​ധ രൂ​പ​ങ്ങ​ളി​ലു​ള്ള നി​യോ​ൺ ലൈ​റ്റു​ക​ൾ വി​പ​ണി​യി​ലു​ണ്ട്.

പെ​ട്ടി​തു​റ​ന്ന് ‘കു​ഴി​മ​ന്തി’ സാ​ന്റ; ഏ​ണി ക​യ​റി ക്ലൈ​മ്പി​ങ് പാ​പ്പ

വി​പ​ണി​യി​ൽ ഇ​ത്ത​വ​ണ ന​ക്ഷ​ത്ര​ങ്ങ​ൾ​ക്കും പു​ൽ​ക്കൂ​ടു​ക​ൾ​ക്കു​മൊ​പ്പം കൗ​തു​കം നി​റ​ക്കു​ന്ന​ത് കേ​ട്ടാ​ൽ അ​മ്പ​ര​ക്കു​ന്ന പേ​രു​ക​ളി​ലും ച​ടു​ല​മാ​യ നീ​ക്ക​ങ്ങ​ളി​ലു​മു​ള്ള സാ​ന്റാ​ക്ലോ​സ് രൂ​പ​ങ്ങ​ളാ​ണ്. വി​പ​ണി​യി​ലെ ഏ​റ്റ​വും പു​തി​യ താ​രം ‘കു​ഴി​മ​ന്തി’ സാ​ന്റ​യാ​ണ്. പേ​ര് കേ​ട്ട് ഞെ​ട്ടേ​ണ്ട, ഒ​രു പെ​ട്ടി​ക്കു​ള്ളി​ൽ ഒ​ളി​ച്ചി​രി​ക്കു​ക​യും മോ​ട്ടോ​ർ സ​ഹാ​യ​ത്തോ​ടെ ഇ​ട​ക്കി​ടെ പു​റ​ത്തേ​ക്ക് ഉ​യ​ർ​ന്നു​വ​രി​ക​യും ചെ​യ്യു​ന്ന ‘പോ​പ്പ്-​അ​പ്പ്’ സാ​ന്റ​ക്കാ​ണ് വ്യാ​പാ​രി​ക​ൾ ഈ ​ര​സ​ക​ര​മാ​യ പേ​ര് ന​ൽ​കി​യ​ത്. 5500 രൂ​പ​യോ​ളം വി​ല​യു​ള്ള സാ​ന്റ​യെ കാ​ണാ​ൻ ത​ന്നെ വ​ലി​യ തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. ഇ​തി​നൊ​പ്പം ത​ന്നെ 4800 രൂ​പ വി​ല​യു​ള്ള ക​റ​ങ്ങു​ന്ന ‘കാ​ർ​ണി​വ​ൽ’ സാ​ന്റ​യും ത​രം​ഗ​മാ​യി​ക്ക​ഴി​ഞ്ഞു. പാ​ട്ടു​പാ​ടു​ക​യും ബെ​ല്ല​ടി​ക്കു​ക​യും ചെ​യ്യു​ന്ന പ​ര​മ്പ​രാ​ഗ​ത സാ​ന്റാ പാ​പ്പ​മാ​ർ​ക്ക് പു​റ​മെ​യാ​ണ് ഈ ​മോ​ട്ടോ​ർ വി​സ്മ​യ​ങ്ങ​ൾ ഇ​ത്ത​വ​ണ വി​പ​ണി പി​ടി​ക്കു​ന്ന​ത്. മോ​ട്ടോ​ർ വി​സ്മ​യ​ങ്ങ​ൾ​ക്കൊ​പ്പം ത​ന്നെ സാ​ഹ​സി​ക​രാ​യ ‘ക്ലൈ​മ്പി​ങ് സാ​ന്റ’​മാ​രും വി​പ​ണി​യി​ൽ നി​ര​ന്നി​ട്ടു​ണ്ട്. ഏ​ണി​യി​ൽ ക​യ​റു​ക​യും ഇ​റ​ങ്ങു​ക​യും ചെ​യ്യു​ന്ന​വ​ർ, ഊ​ഞ്ഞാ​ലാ​ടു​ന്ന​വ​ർ, ക​യ​റി​ലൂ​ടെ ഊ​ർ​ന്നി​റ​ങ്ങു​ന്ന​വ​ർ എ​ന്നി​ങ്ങ​നെ വി​വി​ധ രൂ​പ​ത്തി​ലു​ള്ള ക്ലൈ​മ്പി​ങ് സാ​ന്റ​ക​ൾ​ക്ക് ആ​വ​ശ്യ​ക്കാ​ർ ഏ​റെ​യാ​ണ്. 650 രൂ​പ മു​ത​ൽ വി​ല​യു​ള്ള ഇ​വ ബാ​റ്റ​റി​യി​ലാ​ണ് പ്ര​വ​ർ​ത്തി​ക്കു​ന്ന​ത്.

ക​രു​ത്ത്​ ത​​ദ്ദേ​ശീ​യ ഉ​ൽ​പാ​ദ​നം

സാ​ന്റാ​പ​ാപ്പ​മാ​രു​ടെ വേ​ഷ​പ്പ​ക​ർ​ച്ച​യും സി​നി​മാ​പ്പേ​രു​ക​ളി​ലെ ന​ക്ഷ​ത്ര​ത്തി​ള​ക്ക​വും മാ​ത്ര​മ​ല്ല, ഇ​ത്ത​വ​ണ​ത്തെ വി​പ​ണി​യു​ടെ ക​രു​ത്ത് ത​ദ്ദേ​ശീ​യ​മാ​യ ഉ​ൽ​പാ​ദ​ന​മാ​ണ്. വ​ൻ​കി​ട ഇ​റ​ക്കു​മ​തി ഉ​ൽ​പ​ന്ന​ങ്ങ​ളോ​ട് കി​ട​പി​ടി​ക്കു​ന്ന ഗു​ണ​മേ​ന്മ​യും പോ​ക്ക​റ്റി​ന് ഇ​ണ​ങ്ങു​ന്ന വി​ല​യു​മാ​ണ് തൃ​ശൂ​രി​ലെ​യും പ​രി​സ​ര​പ്ര​ദേ​ശ​ങ്ങ​ളി​ലെ​യും നി​ർ​മാ​ണ യൂ​നി​റ്റു​ക​ൾ ഉ​റ​പ്പു​ന​ൽ​കു​ന്ന​ത്. പു​ൽ​ക്കൂ​ട് ഒ​രു​ക്കാ​നു​ള്ള റെ​ഡി​മെ​യ്ഡ് സെ​റ്റു​ക​ൾ​ക്കും മ​ഞ്ഞു​തു​ള്ളി​ക​ൾ പ​റ്റി​പ്പി​ടി​ച്ച ‘സ്നോ ​ട്രീ’​ക​ൾ​ക്കും പു​റ​മെ 80 രൂ​പ മു​ത​ൽ ല​ഭ്യ​മാ​കു​ന്ന ജെ​ൽ കാ​ൻ​ഡി​ലു​ക​ൾ​ക്കും ആ​വ​ശ്യ​ക്കാ​ർ ഏ​റെ​യാ​ണ്. വ​ഴി​യോ​ര ക​ച്ച​വ​ട​ക്കാ​ർ മു​ത​ൽ വ​ൻ​കി​ട ഷോ​റൂ​മു​ക​ൾ വ​രെ ഒ​രു​പോ​ലെ സ​ജീ​വ​മാ​യ​തോ​ടെ, വ​രും ദി​വ​സ​ങ്ങ​ളി​ൽ തൃ​ശൂ​ർ ന​ഗ​ര​ത്തി​ൽ കൂ​ടു​ത​ൽ വ്യാ​പാ​ര തി​ര​ക്ക് അ​നു​ഭ​വ​പ്പെ​ടു​മെ​ന്ന പ്ര​തീ​ക്ഷ​യി​ലാ​ണ് വ്യാ​പാ​രി​ക​ൾ.