കു​ഞ്ഞു​മു​ഹ​മ്മ​ദ് കാ​ത്തി​രിക്കുന്നു,ലൈ​ഫ് പ​ദ്ധ​തി​യി​ൽ വീ​ടി​നാ​യി

ചെ​റു​തു​രു​ത്തി: ദേ​ശ​മം​ഗ​ലം ഗ്രാ​മ​പ​ഞ്ചാ​യ​ത്ത് എ​ട്ടാം വാ​ർ​ഡ് ആ​റ്റു​പു​റം എ​സ്റ്റേ​റ്റ് പ​ടി​യി​ൽ താ​മ​സി​ക്കു​ന്ന വ​യ്യാ​ട്ടു​കാ​വി​ൽ വീ​ട്ടി​ൽ കു​ഞ്ഞു​മു​ഹ​മ്മ​ദും കു​ടും​ബ​വും ലൈ​ഫ് പ​ദ്ധ​തി​യി​ൽ വീ​ട് ല​ഭി​ക്കാ​തെ നെ​ട്ടോ​ട്ട​ത്തി​ൽ. കു​ഞ്ഞു​മു​ഹ​മ്മ​ദ്, ഭാ​ര്യ, പ്ല​സ് വ​ണ്ണി​ന് പ​ഠി​ക്കു​ന്ന മ​ക​ൾ, ഒ​മ്പ​താം ക്ലാ​സി​ൽ പ​ഠി​ക്കു​ന്ന മ​ക​ൻ എ​ന്നി​വ​ര​ട​ങ്ങു​ന്ന കു​ടും​ബം അ​ഞ്ച്സെ​ന്റ് ഭൂ​മി​യി​ൽ താ​ൽ​ക്കാ​ല​മാ​യി ടാ​ർ​പ്പാ​യ കൊ​ണ്ട് കെ​ട്ടി ഉ​ണ്ടാ​ക്കി​യ കൂ​ര​യി​ലാ​ണ് താ​മ​സം.

വീ​ടി​ന് സ​മീ​പ​ത്ത് റോ​ഡ​രി​കി​ൽ പെ​ട്ടി​ക്ക​ട ന​ട​ത്തി​യാ​ണ് 53 വ​യ​സ്സു​ള്ള കു​ഞ്ഞു​മു​ഹ​മ്മ​ദ് കു​ടും​ബം പു​ല​ർ​ത്തു​ന്ന​ത്. 2019ലാ​ണ് ലൈ​ഫ് പ​ദ്ധ​തി​യി​ൽ വീ​ടു​വെ​ക്കാ​നാ​യി ദേ​ശ​മം​ഗ​ലം ഗ്രാ​മ​പ​ഞ്ചാ​യ​ത്തി​ൽ അ​പേ​ക്ഷ ന​ൽ​കി​യ​ത്.

ഒ​പ്പം കൊ​ടു​ത്ത എ​ല്ലാ​വ​ർ​ക്കും വീ​ട് ല​ഭി​ച്ചു. തു​ട​ർ​ന്ന് 2020ൽ ​അ​ന്ന​ത്തെ ക​ല​ക്ട​ർ​ക്ക് നി​വേ​ദ​നം കൊ​ടു​ക്കു​ക​യും ക​ല​ക്ട​ർ അ​ടി​യ​ന്ത​ര​മാ​യി വീ​ട് നി​ർ​മി​ച്ചു​കൊ​ടു​ക്കാ​ൻ പ​ഞ്ചാ​യ​ത്തി​ലേ​ക്ക് അ​പേ​ക്ഷ ന​ൽ​കു​ക​യും ചെ​യ്തു. പ​ഞ്ചാ​യ​ത്ത് അ​ധി​കൃ​ത​ർ സ്ഥ​ലം വ​ന്ന് പ​രി​ശോ​ധി​ച്ചി​രു​ന്നു. ലൈ​ഫ് പ​ദ്ധ​തി​യി​ൽ ര​ണ്ടാം ന​മ്പ​റാ​ണ് നി​ങ്ങ​ളു​ടെ സ്ഥാ​നം എ​ന്നാ​ണ് ഉ​ദ്യോ​ഗ​സ്ഥ​ർ അ​റി​യി​ച്ച​ത്. മൂ​ന്നു​വ​ർ​ഷം ക​ഴി​ഞ്ഞി​ട്ടും ഒ​ന്നും ശ​രി​യാ​വാ​ത്ത​തി​നെ തു​ട​ർ​ന്ന് മു​ഖ്യ​മ​ന്ത്രി​ക്ക് നി​വേ​ദ​നം ന​ൽ​കി. മു​ഖ്യ​മ​ന്ത്രി​യും അ​ടി​യ​ന്ത​ര​മാ​യി ന​ട​പ​ടി കൈ​ക്കൊ​ള്ള​ണ​മെ​ന്ന് പ​റ​ഞ്ഞു പ​ഞ്ചാ​യ​ത്തി​ന് അ​പേ​ക്ഷ കൈ​മാ​റി.

നി​ല​വി​ൽ ലൈ​ഫ് പ​ദ്ധ​തി​യി​ൽ 283ാം സ്ഥാ​ന​ത്താ​ണി​വ​രെ​ന്നാ​ണ് ഉ​ദ്യോ​ഗ​സ്ഥ​ർ അ​റി​യി​ച്ച​ത്. നേ​ര​ത്തെ ക​ല​ക്ട​ർ പ​റ​ഞ്ഞ ര​ണ്ടാം ന​മ്പ​ർ എ​ങ്ങ​നെ​യാ​ണ് 283 ആ​യ​ത് എ​ന്നാ​ണ് ഇ​വ​ർ ചോ​ദി​ക്കു​ന്ന​ത്. ക​ഴി​ഞ്ഞ ദി​വ​സം വീ​ട്ടി​നു​ള്ളി​ൽ പാ​മ്പി​നെ കാ​ണു​ക​യും ചെ​യ്ത​തോ​ടെ ഭീ​തി​യി​ലാ​ണ് ഇ​വ​ർ ക​ഴി​യു​ന്ന​ത്. ത​ങ്ങ​ൾ​ക്ക് വീ​ട് ല​ഭി​ക്കാ​ൻ ഇ​നി ആ​രു​ടെ വാ​തി​ൽ മു​ട്ട​ണ​മെ​ന്ന​റി​യാ​ത്ത അ​വ​സ്ഥ​യി​ലാ​ണ് ഈ ​കു​ടും​ബം.