Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightCherpuchevron_rightദേവസംഗമം:...

ദേവസംഗമം: ആറാട്ടുപുഴയിൽ പുരുഷാരം

text_fields
bookmark_border
ദേവസംഗമം: ആറാട്ടുപുഴയിൽ പുരുഷാരം
cancel
camera_alt

ആറാട്ടുപുഴ പൂരത്തോടനുബന്ധിച്ച് നടന്ന ശാസ്താവിന്റെ എഴുന്നള്ളിപ്പ്

ചേ​ർ​പ്പ്: മു​പ്പ​ത്തി​മു​ക്കോ​ടി ദേ​വ​സാ​ന്നി​ധ്യ​മു​ണ്ടെ​ന്ന് വി​ശ്വ​സി​ക്കു​ന്ന ആ​റാ​ട്ടു​പു​ഴ ദേ​വ​സം​ഗ​മ​ത്തി​ൽ പ​ങ്കെ​ടു​ക്കാ​നും കൂ​ട്ടി എ​ഴു​ന്ന​ള്ളി​പ്പ് ദ​ർ​ശി​ക്കാ​നും ആ​റാ​ട്ടു​പു​ഴ​യി​ലേ​ക്ക്​ ജ​ന​പ്ര​വാ​ഹം.

തൊ​ട്ടി​പ്പാ​ൾ ഭ​ഗ​വ​തി​യു​ടെ പ​ക​ൽ​പൂ​ര​ത്തി​ൽ പ​ങ്കെ​ടു​ത്ത് ബു​ധ​നാ​ഴ്ച വൈ​കീ​ട്ട് ക്ഷേ​ത്ര​ത്തി​ൽ തി​രി​ച്ചെ​ത്തി​യ ആ​റാ​ട്ടു​പു​ഴ ശാ​സ്താ​വ് ഏ​റ്റ​വും വ​ലി​യ ദേ​വ​മേ​ള​ക്ക് ആ​തി​ഥ്യ​മ​രു​ളി 15 ആ​ന​ക​ളു​ടെ അ​ക​മ്പ​ടി​യോ​ടെ പു​റ​ത്തേ​ക്കെ​ഴു​ന്ന​ള്ളി.

പെ​രു​വ​നം കു​ട്ട​ൻ മാ​രാ​രു​ടെ നേ​തൃ​ത്വ​ത്തി​ൽ 250ഓ​ളം ക​ലാ​കാ​ര​ന്മാ​ർ പ​ഞ്ചാ​രി​മേ​ള​ത്തി​ന്‍റെ താ​ള​പ്ര​പ​ഞ്ചം തീ​ർ​ത്തു. മേ​ളം അ​വ​സാ​നി​ച്ച​തോ​ടെ എ​ഴു​ന്ന​ള്ളി നി​ൽ​ക്കു​ന്ന ആ​ന​ക​ളു​ടെ അ​ക​മ്പ​ടി​യോ​ടെ ശാ​സ്താ​വ് ഏ​ഴു​ക​ണ്ടം അ​തി​ർ​ത്തി വ​രെ പോ​യി. മ​ട​ക്ക​യാ​ത്ര​യി​ൽ ശാ​സ്താ​വ് നി​ല​പാ​ട് ത​റ​യി​ൽ നി​ല​കൊ​ണ്ടു.

ചാ​ത്ത​ക്കു​ടം ശാ​സ്താ​വി​ന്‍റെ പൂ​ര​ത്തി​നു​ശേ​ഷം എ​ട​ക്കു​ന്നി ഭ​ഗ​വ​തി​യു​ടെ സാ​ന്നി​ധ്യ​ത്തി​ൽ ചാ​ത്ത​ക്കു​ടം ശാ​സ്താ​വി​ന് ഉ​ത്ത​ര​വാ​ദി​ത്ത​മേ​ൽ​പി​ച്ച് ശാ​സ്താ​വ് തി​രി​കെ ക്ഷേ​ത്ര​ത്തി​ലേ​ക്ക് പോ​ന്നു. ശാ​സ്താ​വ് നി​ല​പാ​ട് ത​റ​യി​ൽ എ​ത്തി​യ​തോ​ടെ ദേ​വീ​ദേ​വ​ന്മാ​രു​ടെ പൂ​ര​ങ്ങ​ൾ ആ​രം​ഭി​ച്ചു. തേ​വ​ർ കൈ​ത​വ​ള​പ്പി​ൽ എ​ത്തു​ന്ന​തു​വ​രെ​യാ​ണ്​ എ​ഴു​ന്ന​ള്ളി​പ്പു​ക​ൾ.

തൃപ്രയാർ തേവർ യാത്രയായി

തൃപ്രയാർ: ആറാട്ടുപുഴ ദേവ സംഗമത്തിൽ നായകത്വം വഹിക്കാൻ 'ഔദ്യോഗിക ബഹുമതി'കളോടെ തൃപ്രയാർ തേവർ യാത്രയായി. വൈകുന്നേരം നിയമ വെടിയും അത്താഴപൂജയും അത്താഴ ശീവേലിയും കഴിഞ്ഞാണ് സ്വർണക്കോലത്തിൽ തേവരുടെ തിടമ്പേറ്റി പള്ളിയോടത്തിൽ പുഴ കടന്നത്.

കിഴക്കേ കരയിലെത്തിയ തേവരെ കാത്ത്​ നാല്​ പൊലീസുകാർ നിൽപുണ്ടായിരുന്നു. ആകാശത്തേക്ക്​ ആചാര​ വെടി മുഴക്കി അവർ 'ഗാർഡ് ഓഫ് ഓണർ' നടപടി പൂർത്തിയാക്കി. തുടർന്ന് നൂറുകണക്കിന് ഭക്തരോടൊപ്പം തേവർ ആറാട്ടുപുഴയിലേക്ക് യാത്രയായി. തൃപ്രയാർ മുതൽ ആറാട്ടുപുഴക്ക് സമീപമുള്ള പല്ലിശ്ശേരി വരെ വീഥികൾ തേവരെ സ്വീകരിക്കാൻ കുരുത്തോല, ദീപങ്ങൾ, പന്തലുകൾ, കരിമരുന്ന്​ പ്രയോഗങ്ങൾ, മധുര വിതരണം, ഭക്ഷണ വിതരണം എന്നിവയാൽ സമൃദ്ധമായിരുന്നു. വഴി നീളെ ഭക്തരുടെ പറ നിറയ്ക്കലുമുണ്ടായിരുന്നു.

Show Full Article
TAGS:arattupuzha 
News Summary - Devasangamam: Crowds in Arattupuzha
Next Story