ചാവക്കാട് കെട്ടിടത്തിൽനിന്ന് ചാടി യുവാവും യുവതിയും; പരിക്കുകളോടെ ആശുപത്രിയിൽ

തൃശൂർ: ചാവക്കാട് കെട്ടിടത്തിൽനിന്ന് ചാടിയ യുവാവിനെയും യുവതിയെയും പരിക്കുകളോടെ ആശുപത്രിയിൽ പ്രവേശിപ്പിച്ചു. ഒരു കെട്ടിടത്തിന് മുകളിൽനിന്നും മറ്റൊരു കെട്ടിടത്തിലേക്കാണ് ഇവർ ചാടിയത്. പരിക്കേറ്റ അശ്വിത് (23), സ്മിന (18) എന്നിവരാണ് ചികിത്സയിലുള്ളത്.

ഞായറാഴ്ച രാവിലെ 11ഓടെയാണ് സംഭവം. പഴയ നഗരസഭ ഓഫീസിന് സമീപത്തെ കുടുംബശ്രീ കഫേ പ്രവർത്തിക്കുന്ന കെട്ടിടത്തിന് മുകളിലേക്കാണ് ഇരുവരും ചാടിയത്.

നാട്ടുകാരും ഗുരുവായൂർ അഗ്നിശമന സേനയും ചാവക്കാട് പൊലീസും ഏറെ പരിശ്രമിച്ചാണ് ഇരുവരെയും താഴെയിറക്കി ആശുപത്രിയിൽ പ്രവേശിപ്പിച്ചത്.