ഭാ​ര്യ പി​ൻ​ഗാ​മി​യാ​യി ബ്ലോ​ക്ക് പ്ര​സി​ഡ​ൻ​റ്​ പ​ദ​വി​യി​ൽ; അ​ഭി​ന​ന്ദി​ക്കാ​ൻ രോ​ഗാ​വ​സ്ഥ​യി​ലും മു​സ്താ​ഖ​ലി​യെ​ത്തി

ചാ​വ​ക്കാ​ട്: ന​ഫീ​സ​ത്തു​ൽ മി​സി​രി​യ ബ്ലോ​ക്ക് പ്ര​സി​ഡ​ൻ​റാ​യി തെ​ര​ഞ്ഞെ​ടു​ക്ക​പ്പെ​ട്ട​പ്പോ​ൾ അ​ഭി​ന​ന്ദി​ക്കാ​ൻ ഭ​ർ​ത്താ​വും മു​ൻ പ്ര​സി​ഡ​ൻ​റു​മാ​യ സി. ​മു​സ്താ​ഖ​ലി​യ​മെ​ത്തി. ബ്ലോ​ക്ക് പ്ര​സി​ഡ​ൻ​റാ​യി പ്ര​വ​ർ​ത്തി​ക്കു​ന്ന​തി​നി​ട​യി​ൽ പ്ര​ഭാ​ത സ​വാ​രി​ക്കി​ടെ പ​ക്ഷാ​ഘാ​തം വ​ന്ന മു​സ്താ​ഖ​ലി ചി​കി​ത്സ​യി​ലാ​ണ്. പ​ര​സ​ഹാ​യ​മി​ല്ലാ​തെ എ​ഴു​ന്നേ​ൽ​ക്കാ​നും ന​ട​ക്കാ​നും ക​ഴി​യാ​ത്ത അ​വ​സ്ഥ. തെ​ര​ഞ്ഞെ​ടു​പ്പ് പ്ര​ഖ്യാ​പ​ന​ത്തി​നു തൊ​ട്ടു​മു​മ്പ്​ ക​ഴി​ഞ്ഞ ഒ​ന്ന​ര​മാ​സം മു​മ്പാ​ണ് മു​സ്താ​ഖ​ലി ത​ള​ർ​ന്നു​വീ​ണ​ത്. അ​ദ്ദേ​ഹം മ​ത്സ​രി​ച്ചു ജ​യി​ച്ച വാ​ർ​ഡ് വ​നി​ത സം​വ​ര​ണ​മാ​ക്കി​യ​തോ​ടെ​യാ​ണ് ഭാ​ര്യ ന​ഫീ​സ​ത്തു​ൽ മി​സി​രി​യ​ക്ക് മ​ത്സ​രി​ക്കാ​ൻ ന​റു​ക്ക് വീ​ണ​ത്.

പ്ര​സി​ഡ​ൻ​റ് തെ​ര​ഞ്ഞെ​ടു​പ്പി​നു​ശേ​ഷം വി​ജ​യ​പ്ര​ഖ്യാ​പ​നം ക​ഴി​ഞ്ഞ​യു​ട​നെ മി​സി​രി​യ കാ​റി​ൽ ഇ​രു​ന്ന ഭ​ർ​ത്താ​വി​െൻറ അ​ടു​ത്തേ​ക്ക് ഓ​ടി​യെ​ത്തി. മു​സ്താ​ഖ​ലി തേ​ങ്ങി​ക്ക​ര​ഞ്ഞാ​ണ് ഭാ​ര്യ​യെ അ​ഭി​ന​ന്ദി​ച്ച​ത്. മു​സ്താ​ഖ​ലി​ക്കാ​പ്പം അ​ദ്ദേ​ഹ​ത്തി​െൻറ പി​താ​വ് ആ​ദ്യ​കാ​ല കോ​ൺ​ഗ്ര​സ് നേ​താ​വ് കൂ​ടി​യാ​യ സി. ​അ​ബൂ​ബ​ക്ക​റും ഭാ​ര്യ സൈ​ന​ബ​യും സ​ഹോ​ദ​ര​ൻ ദു​ബൈ ഇ​ൻ​കാ​സ് സെ​ക്ര​ട്ട​റി​യാ​യ സി. ​സാ​ദി​ഖ​ലി​യും ഭാ​ര്യ​യും സ​ഹോ​ദ​രി​യും മ​ക്ക​ളു​മെ​ല്ലാം എ​ത്തി​യി​രു​ന്നു. മ​രു​മ​ക​ൾ​ക്ക് അ​മ്മാ​യി​യ​മ്മ ല​ഡു ന​ൽ​കി​യാ​ണ് സ​ന്തോ​ഷം പ​ങ്കി​ട്ട​ത്.

തെ​ര​ഞ്ഞെ​ടു​പ്പി​നു​ശേ​ഷം കോ​ൺ​ഫ​റ​ൻ​സ് ഹാ​ളി​ലാ​ണ് സ​ത്യ​പ്ര​തി​ജ്ഞ സം​ഘ​ടി​പ്പി​ച്ച​ത്. എ​ല്ലാ​വ​രും അ​ങ്ങോ​ട്ടേ​ക്ക് നീ​ങ്ങി​യ​പ്പോ​ൾ മു​സ്താ​ഖ​ലി മാ​ത്രം കാ​റി​ൽ ത​ന്നെ ഇ​രു​ന്നു. ബ്ലോ​ക്ക് പ​ഞ്ചാ​യ​ത്തി​ലെ എ​ല്ലാ ഉ​ദ്യോ​ഗ​സ്ഥ​രും മു​സ്താ​ഖ​ലി​യെ കാ​ണാ​നെ​ത്തി ക്ഷേ​മ​മ​ന്വേ​ഷി​ച്ചു. തി​ര​ക്കെ​ല്ലാ​മൊ​ഴി​ഞ്ഞ് ഔ​ദ്യോ​ഗി​ക വാ​ഹ​ന​ത്തി​ൽ ക​യ​റി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ൻ​റാ​യ ന​ഫീ​സ​ത്തു​ൽ മി​സി​രി​യ ഒ​റ്റ​ക്ക് പോ​കു​മ്പോ​ൾ പി​ന്നാ​ലെ മു​സ്താ​ഖ​ലി​യും കു​ടും​ബാം​ഗ​ങ്ങ​ളും അ​വ​ർ വ​ന്ന വാ​ഹ​ന​ത്തി​ൽ പി​ന്തു​ട​ർ​ന്നു.