ദേശീയപാത വികസനം; പൊളിക്കുന്നതിൽ ബ്ലോക്ക് പഞ്ചായത്ത് കെട്ടിടങ്ങളും

ചാ​വ​ക്കാ​ട്: ദേ​ശീ​യ​പാ​ത വി​ക​സ​ന​ത്തി​ന്റെ ഭാ​ഗ​മാ​യി പൊ​ളി​ക്കു​ന്ന കെ​ട്ടി​ട​ങ്ങ​ളി​ൽ ബ്ലോ​ക്ക് പ​ഞ്ചാ​യ​ത്ത് ഓ​ഫി​സും. ന​ഷ്ട​പ​രി​ഹാ​രം കോടതിയെ സമീപിക്കാനൊരുങ്ങുകയാണ് ഭ​ര​ണ​സ​മി​തി. ബ്ലോ​ക്ക് പ​ഞ്ചാ​യ​ത്തി​ലെ 10 സെ​ന്റ് ഭൂ​മി​യാ​ണ് ദേ​ശീ​യ​പാ​ത വി​ക​സ​ന​ത്തി​നാ​യി ഏ​റ്റെ​ടു​ക്കു​ന്ന​ത്.

ഇ​തി​ൽ 1700 ച​തു​ര​ശ്ര അ​ടി​യി​ൽ പ​ഞ്ചാ​യ​ത്ത് ഓ​ഫി​സി​ന്റെ ഇ​രു​നി​ല കെ​ട്ടി​ട​വും 300 ച​തു​ര​ശ്ര അ​ടി​യി​ൽ കാ​ന്റീ​നു​മാ​ണ് പൊ​ളി​ക്കു​ന്ന​ത്. ദേ​ശീ​യ​പാ​ത അ​ധി​കൃ​ത​ർ ന​ട​ത്തി​യ വി​ല നി​ർ​ണ​യ​ത്തി​ൽ ഭൂ​മി​ക്ക് ഒ​രു കോ​ടി​യും കെ​ട്ടി​ട​ങ്ങ​ൾ​ക്ക് 67 ല​ക്ഷ​വു​മാ​ണ് നി​ജ​പ്പെ​ടു​ത്തി​യി​ട്ടു​ള്ള​ത്. മൊ​ത്തം 1.67 കോ​ടി. ഇത് പ​ക്ഷേ, ബ്ലോ​ക്ക് പ​ഞ്ചാ​യ​ത്തി​ന് ല​ഭി​ക്കി​ല്ല. റ​വ​ന്യൂ വ​കു​പ്പി​ലേ​ക്കാ​ണ് ഈ ​തു​ക പോ​കു​ന്ന​ത്.

ഭൂ​മി​ക്ക് പ​ട്ട​യ​വും ആ​ധാ​ര​വു​മൊ​ന്നു​മി​ല്ല. എ​ന്നാ​ൽ, മു​മ്പ് ബ്ലോ​ക്ക് ഡെ​വ​ല​പ്മെ​ന്റ് സ്ഥാ​പ​ന​മാ​യി​രു​ന്ന​പ്പോ​ൾ ഉ​ണ്ടാ​യി​രു​ന്ന ഭൂ​മി​യി​ൽ കെ​ട്ടി​ട​ങ്ങ​ൾ നി​ർ​മി​ച്ച​ത് ത​ദ്ദേ​ശ ഭ​ര​ണ സ്ഥാ​പ​ന​മാ​യ​തി​നു​ശേ​ഷം അ​ടു​ത്ത​യി​ടെ​യാ​ണ്.

ബ്ലോ​ക്ക് പ​ഞ്ചാ​യ​ത്ത് ഭൂ​മി​യി​ൽ പ​ഞ്ചാ​യ​ത്തു​ത​ന്നെ നി​ർ​മി​ച്ച കെ​ട്ടി​ട​ങ്ങ​ളു​ടെ ന​ഷ്ട​പ​രി​ഹാ​രം ബ്ലോ​ക്ക് പ​ഞ്ചാ​യ​ത്തി​നു ത​ന്നെ ല​ഭി​ക്ക​ണ​മെ​ന്നാ​ണ് ഭ​ര​ണ സ​മി​തി ആ​വ​ശ്യം. അ​തി​നാ​യി ല​ഭ്യ​മാ​യ രേ​ഖ​ക​ൾ സ​ഹി​തം ഹൈ​കോ​ട​തി​യെ സ​മീ​പി​ക്കാ​നൊ​രു​ങ്ങു​ക​യാ​ണ് ഭ​ര​ണ​സ​മി​തി. ഇ​തു​മാ​യി ബ​ന്ധ​പ്പെ​ട്ട് പ്ര​സി​ഡ​ന്റ് മി​സ്രി​യ്യ മു​സ്താ​ഖ​ലി​യു​ടെ നേ​തൃ​ത്വ​ത്തി​ൽ അ​ഭി​ഭാ​ഷ​ക​നു​മാ​യി കൂ​ടി​ക്കാ​ഴ്ച ന​ട​ത്തി.