പൈ​പ്പ് പൊ​ട്ടി ഒരുമനയൂർ പഞ്ചായത്തിൽ കുടിവെള്ള ക്ഷാമം രൂക്ഷം; ദേ​ശീ​യ​പാ​ത നി​ർ​മാ​ണം എ​ൽ.​ഡി.​എ​ഫ് ത​ട​ഞ്ഞു

ചാ​വ​ക്കാ​ട്: ദേ​ശീ​യ​പാ​ത വി​ക​സ​ന​ത്തി​ന്‍റെ ഭാ​ഗ​മാ​യ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കി​ട​യി​ൽ പൈ​പ്പ് പൊ​ട്ടി ഒ​രു​മ​ന​യൂ​ർ പ​ഞ്ചാ​യ​ത്തി​ൽ കു​ടി​വെ​ള്ള ക്ഷാ​മം രൂ​ക്ഷം. സ​ഹി​കെ​ട്ട നാ​ട്ടു​കാ​ർ എ​ൽ.​ഡി.​എ​ഫി​ന്‍റെ നേ​തൃ​ത്വ​ത്തി​ൽ ദേ​ശീ​യ​പാ​ത നി​ർ​മാ​ണ​പ്ര​വ​ർ​ത്ത​നം ത​ട​ഞ്ഞു.

ചേ​റ്റു​വ ക​ട​വി​ന് കി​ഴ​ക്ക് ന​ട​ക്കു​ന്ന ദേ​ശീ​യ​പാ​ത​യു​ടെ നി​ർ​മാ​ണ പ്ര​വൃ​ത്തി​യാ​ണ് നാ​ട്ടു​കാ​ർ ത​ട​ഞ്ഞ​ത്. ദേ​ശീ​യ​പാ​ത നി​ർ​മാ​ണ​ത്തി​ന് വേ​ണ്ടി കു​ഴി​യെ​ടു​ക്കു​മ്പോ​ൾ കു​ടി​വെ​ള്ള പൈ​പ്പ് പൊ​ട്ടു​ന്ന​ത് മേ​ഖ​ല​യി​ൽ പ​തി​വാ​ണ്. പി​ന്നീ​ട് പൈ​പ്പ് ശ​രി​യാ​ക്കു​ന്ന​ത് വ​രെ മേ​ഖ​ല​യി​ൽ കു​ടി​വെ​ള്ള വി​ത​ര​ണം ത​ട​സ്സ​പ്പെ​ട്ട അ​വ​സ്ഥ​യാ​ണ്. ഇ​തു​കാ​ര​ണം ആ​ഴ്ച​ക​ളോ​ള​മാ​യി കു​ടി​വെ​ള്ളം ല​ഭി​ക്കാ​തെ ജ​നം ദു​രി​ത​ത്തി​ലാ​ണ്. പ്ര​ശ്നം ഗു​രു​ത​ര​മാ​യ​തോ​ടെ എ​ൽ.​ഡി.​എ​ഫ് പ​ഞ്ചാ​യ​ത്ത് ക​മ്മി​റ്റി​യും നാ​ട്ടു​കാ​രും ചേ​ർ​ന്നാ​ണ് പ്ര​വൃ​ത്തി ത​ട​സ്സ​പ്പെ​ടു​ത്തി​യ​ത്.

വെ​ള്ളി​യാ​ഴ്ച മു​ത​ൽ പൈ​പ്പു​ക​ളു​ടെ അ​റ്റ​കു​റ്റ​പ്പ​ണി ആ​രം​ഭി​ക്കു​ക​യും ടാ​ങ്ക​ർ ലോ​റി വ​ഴി എ​ല്ലാ​യി​ട​ത്തും വെ​ള്ളം എ​ത്തി​ക്കു​മെ​ന്നും ക​രാ​ർ ക​മ്പ​നി അ​ധി​കൃ​ത​ർ ഉ​റ​പ്പു​ന​ൽ​കി​യ​തോ​ടെ​യാ​ണ് നാ​ട്ടു​കാ​ർ പി​ന്മാ​റി​യ​ത്. പ​ഞ്ചാ​യ​ത്ത് പ്ര​സി​ഡ​ന്റ് വി​ജി​ത സ​ന്തോ​ഷ്, അം​ഗ​ങ്ങ​ളാ​യ കെ.​എ​ച്ച്. ക​യ്യു​മ്മു, ബി​ന്ദു ച​ന്ദ്ര​ൻ, ന​സീ​ർ മൂ​പ്പി​ൽ, ആ​രി​ഫ ജൂ​ഫൈ​ർ, വി.​സി. ഷാ​ഹി​ബാ​ൻ, സി.​പി.​എം ലോ​ക്ക​ൽ സെ​ക്ര​ട്ട​റി ജോ​ഷി ഫ്രാ​ൻ​സി​സ്, ഏ​രി​യ ക​മ്മി​റ്റി അം​ഗം കെ.​എ. ഉ​ണ്ണി​കൃ​ഷ്ണ​ൻ, ലോ​ക്ക​ൽ ക​മ്മി​റ്റി അം​ഗം ജാ​ബി​ർ ക​ബീ​ർ, സി.​പി.​ഐ ലോ​ക്ക​ൽ സെ​ക്ര​ട്ട​റി വി.​കെ. ച​ന്ദ്ര​ൻ തു​ട​ങ്ങി​യ​വ​ർ പ​ങ്കെ​ടു​ത്തു.

കുടിവെള്ളം മുടങ്ങിയിട്ട് മൂന്നു ദിവസം

ഒ​ല്ലൂ​ര്‍: ഇ.​എ​സ്.​ഐ ആ​ശു​പ​ത്രി പ​രി​സ​രം, ആ​ര്യ​കു​ള​ങ്ങ​ര, ത​ലോ​ര്‍, എ​ട​ക്കു​ന്നി പാ​റ​കു​ളം കോ​ള​നി, വി​ന്‍സ​ന്‍റ്​ ഡി ​പോ​ള്‍ കോ​ള​നി എ​ന്നി​വി​ട​ങ്ങ​ളി​ല്‍ കു​ടി​വെ​ള്ളം മു​ട​ങ്ങി​യി​ട്ട് മൂ​ന്നു ദി​വ​സം പി​ന്നി​ട്ടു. വെ​ള്ളം വി​ത​ര​ണ​ത്തി​ന് വേ​ണ്ട ന​ട​പ​ടി വാ​ട്ട​ര്‍ അ​തോ​റി​റ്റി​യു​ടെ ഭാ​ഗ​ത്തു​നി​ന്നോ കോ​ര്‍പ​റേ​ഷ​ന്റെ ഭാ​ഗ​ത്തു​നി​ന്നോ ഉ​ണ്ടാ​യി​ട്ടി​ല്ലെ​ന്ന് നാ​ട്ടു​കാ​ര്‍ പ​റ​യു​ന്നു.

വ​ട്ട​ര്‍ അ​തോ​റി​റ്റി ഉ​ദ്യോ​ഗ​സ്ഥ​രു​മാ​യി ബ​ന്ധ​പ്പെ​ടു​മ്പോ​ള്‍ പ്ര​ധാ​ന പൈ​പ്പ് ലൈ​ന്‍ പൊ​ട്ടു​ന്ന​താ​ണ് പ്ര​ശ്ന​മെ​ന്നാ​ണ് പ​റ​യു​ന്ന​ത്. ര​ണ്ടു​ത​വ​ണ പൊ​ട്ടി​യ ഭാ​ഗ​ത്ത് പു​തി​യ പൈ​പ്പ് സ്ഥാ​പി​ക്കു​ന്ന ന​ട​പ​ടി​ക​ള്‍ പു​ര്‍ത്തി​യാ​കു​ന്ന​താ​യി പ​റ​യു​ന്നു.