ജെൻഡർ ബജറ്റുമായി ചാവക്കാട് നഗരസഭ

ചാ​വ​ക്കാ​ട്: ന​ഗ​ര​സ​ഭ​യു​ടെ 2022-23 വ​ർ​ഷ​ത്തെ ബ​ജ​റ്റ് ജെ​ൻ​ഡ​ർ ബ​ജ​റ്റാ​യി ത​യാ​റാ​ക്കും. തി​ങ്ക​ളാ​ഴ്ച ന​ഗ​ര​സ​ഭ ചെ​യ​ർ​പേ​ഴ്സ​ൻ ഷീ​ജ പ്ര​ശാ​ന്തി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന കൗ​ൺ​സി​ൽ യോ​ഗ​ത്തി​ലാ​ണ് തീ​രു​മാ​നം. ഓ​ൺ​ലൈ​ൻ വി​ദ്യാ​ഭ്യാ​സ​ത്തി​ന്​ ഡി​ജി​റ്റ​ൽ പ​ഠ​നോ​പ​ക​ര​ണ​ങ്ങ​ൾ സ്വ​ന്ത​മാ​യി​ട്ടി​ല്ലാ​ത്ത കു​ട്ടി​ക​ൾ​ക്ക് ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ വി​ദ്യാ​കി​ര​ണം പോ​ർ​ട്ട​ൽ മു​ഖേ​ന ഫ​ണ്ട്‌ സ്വ​രൂ​പി​ക്കു​ന്ന​തി​നാ​യി ഡ്രൈ​വ് സം​ഘ​ടി​പ്പി​ക്കാ​നും യോ​ഗ​ത്തി​ൽ തീ​രു​മാ​ന​മാ​യി.

ചാ​വ​ക്കാ​ട് ന​ഗ​ര​സ​ഭ​യു​ടെ മു​തു​വ​ട്ടൂ​രി​ലെ ലൈ​ബ്ര​റി കെ​ട്ടി​ട​ത്തി​ലെ മു​ക​ളി​ലെ ഹാ​ൾ ചാ​വ​ക്കാ​ട് പോ​ക്സോ കോ​ട​തി​യാ​യി പ്ര​വ​ർ​ത്ത​നം ആ​രം​ഭി​ക്കു​ന്ന​തി​ന് അ​നു​വ​ദി​ച്ചു. ക​ൺ​സ്ട്ര​ക്ഷ​ൻ ആ​ൻ​ഡ് ഡി​മോ​ളി​ഷി​ങ് വേ​സ്റ്റ് ശേ​ഖ​ര​ണ​വും സം​സ്ക​ര​ണ​വു​മാ​യി ബ​ന്ധ​പ്പെ​ട്ട് ന​ഗ​ര​സ​ഭ പ​രി​ധി​യി​ൽ ന​ട​ക്കു​ന്ന കെ​ട്ടി​ട നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കു​ള്ള പെ​ർ​മി​റ്റ്‌ ന​ൽ​കു​മ്പോ​ൾ നി​ർ​മാ​ണ​വു​മാ​യി ബ​ന്ധ​പ്പെ​ട്ട് ഉ​ണ്ടാ​കു​ന്ന മാ​ലി​ന്യ​ങ്ങ​ൾ ത​രം തി​രി​ച്ച് സൂ​ക്ഷി​ക്കു​ന്ന​തി​നു​ള്ള സൗ​ക​ര്യം കെ​ട്ടി​ടം നി​ർ​മി​ക്കു​ന്ന വ്യ​ക്തി ഒ​രു​ക്കി ആ ​മാ​ലി​ന്യ​ങ്ങ​ൾ ഹ​രി​ത ക​ർ​മ​സേ​ന​ക്ക്​ കൈ​മാ​റു​മെ​ന്നു​ള്ള ഉ​ട​മ്പ​ടി​യി​ൽ ഒ​പ്പ് വെ​ക്ക​ണം.

കെ​ട്ടി​ടം പൊ​ളി​ച്ചു മാ​റ്റു​ന്ന​വ​ർ​ക്കും ഉ​ട​മ്പ​ടി ബാ​ധ​ക​മാ​ക്കു​മെ​ന്നും ന​ഗ​ര​സ​ഭ കൗ​ൺ​സി​ൽ തീ​രു​മാ​നി​ച്ചു. ഹ​രി​ത​ക​ർ​മ​സേ​ന​യു​മാ​യി ക​രാ​റി​ൽ ഏ​ർ​പ്പെ​ട്ട വ്യ​ക്തി​ക​ൾ​ക്ക് മാ​ത്ര​മേ ഏ​തൊ​രു നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കും അ​നു​മ​തി ന​ൽ​കൂ.

വി​ശ​പ്പു​ര​ഹി​ത കേ​ര​ളം പ​ദ്ധ​തി പ്ര​കാ​രം സു​ഭി​ക്ഷ ഹോ​ട്ട​ലു​ക​ൾ ആ​രം​ഭി​ക്കു​ന്ന​തി​നാ​യി ന​ഗ​ര​സ​ഭ ഉ​ട​മ​സ്ഥ​ത​യി​ലു​ള്ള മു​തു​വ​ട്ടൂ​ർ ഷീ ​സ്റ്റേ കെ​ട്ടി​ട​ത്തി​ൽ സ്ഥ​ലം അ​നു​വ​ദി​ക്കു​ന്ന​തി​നും കു​ടും​ബ​ശ്രീ യൂ​നി​റ്റു​ക​ൾ, സ​ന്ന​ദ്ധ സം​ഘ​ട​ന​ക​ൾ മു​ഖേ​ന പ​ദ്ധ​തി ന​ട​പ്പാ​ക്കു​ന്ന​തി​നും തീ​രു​മാ​നി​ച്ചു. അ​തി​ദാ​രി​ദ്ര്യ സ​ർ​വേ പ്ര​കാ​രം ക​ണ്ടെ​ത്തി​യ​തും വാ​ർ​ഡ് സ​ഭ​ക​ളി​ൽ​നി​ന്ന്​ അം​ഗീ​കാ​രം നേ​ടി​യ​തു​മാ​യ 101 ഗു​ണ​ഭോ​ക്താ​ക​ളു​ടെ അ​ന്തി​മ പ​ട്ടി​ക​യും കൗ​ൺ​സി​ൽ അം​ഗീ​ക​രി​ച്ചു.