ചാ​വ​ക്കാ​ട്ട് 1376 ലി​റ്റ​ർ സ്പി​രി​റ്റ്‌ പി​ടി​കൂ​ടി; ര​ണ്ടു​പേ​ർ അ​റ​സ്റ്റി​ൽ

ചാ​വ​ക്കാ​ട്: ചാ​വ​ക്കാ​ട്ട് വ​ൻ സ്പി​രി​റ്റ്‌ വേ​ട്ട. ജി​ല്ല​യി​ലേ​ക്ക് ക​ട​ത്തി​യ 1376 ലി​റ്റ​ർ സ്പി​രി​റ്റ്‌ എ​ക്സൈ​സ് പി​ടി​കൂ​ടി. സ്പി​രി​റ്റ്‌ ക​ട​ത്തി​യ വാ​ഹ​ന​ത്തി​ലു​ണ്ടാ​യി​രു​ന്ന ക​ണ്ണൂ​ർ ത​ളി​പ്പ​റ​മ്പ് ചു​ഴ​ലി കൂ​നം​താ​ഴ​ത്തെ പു​ര​യി​ൽ ന​വീ​ൻ കു​മാ​ർ (34), പ​ന്നി​യൂ​ർ മ​ഴൂ​ർ പെ​രു​പു​ര​യി​ൽ വീ​ട്ടി​ൽ ലി​നേ​ഷ് (33) എ​ന്നി​വ​രെ ക​സ്റ്റ​ഡി​യി​ലെ​ടു​ത്തു.

സ്റ്റേ​റ്റ് എ​ക്സൈ​സ് എ​ൻ​ഫോ​ഴ്സ്മെ​ന്റ് സ്ക്വാ​ഡ് ത​ല​വ​ൻ അ​സി. എ​ക്സൈ​സ് ക​മീ​ഷ​ണ​ർ ടി. ​അ​നി​കു​മാ​റി​ന് ല​ഭി​ച്ച ര​ഹ​സ്യ​വി​വ​ര​ത്തി​ന്റെ അ​ടി​സ്ഥാ​ന​ത്തി​ൽ എ​ട​ക്ക​ഴി​യൂ​ർ-​ച​ങ്ങാ​ടം റോ​ഡി​ൽ എ​ട​ക്ക​ഴി​യൂ​ർ വി​ല്ലേ​ജ് ഓ​ഫി​സി​നു സ​മീ​പ​ത്തു​നി​ന്നാ​ണ് സ്പി​രി​റ്റു​മാ​യി എ​ത്തി​യ മി​നി​ലോ​റി പി​ടി​കൂ​ടി​യ​ത്.

ച​കി​രി​നാ​ര് നി​റ​ച്ച ചാ​ക്കു​ക​ളു​ടെ മ​റ​വി​ൽ 43 പ്ലാ​സ്റ്റി​ക് ക​ന്നാ​സു​ക​ളി​ലാ​യാ​ണ് സ്പി​രി​റ്റ് ക​ട​ത്തി​ക്കൊ​ണ്ടു​വ​ന്ന​ത്. ദേ​ശീ​യ​പാ​ത​യി​ൽ​നി​ന്ന് ച​ങ്ങാ​ടം റോ​ഡി​ലേ​ക്ക് ക​ട​ന്ന മി​നി​ലോ​റി​യു​ടെ മേ​ൽ​ഭാ​ഗം ച​ലി​ക്കും​പാ​ല​ത്തി​ന്റെ മു​ക​ളി​ലെ ഇ​രു​മ്പ് ബാ​റി​ൽ ത​ട്ടു​മെ​ന്നാ​യ​പ്പോ​ൾ പോ​കാ​നാ​വാ​തെ സ​മീ​പ​ത്തേ​ക്ക് മാ​റ്റി​യി​ടു​ക​യാ​യി​രു​ന്നു. ഈ ​സ​മ​യ​ത്താ​ണ് ഇ​വ​രെ പി​ന്തു​ട​ർ​ന്ന അ​ന്വേ​ഷ​ണ​സം​ഘം വാ​ഹ​നം പ​രി​ശോ​ധി​ച്ച​ത്.

വാ​ടാ​ന​പ്പ​ള്ളി എ​ക്സൈ​സ് സ​ർ​ക്കി​ളി​ലെ എ​ക്സൈ​സ് ഇ​ൻ​സ്പെ​ക്ട​ർ സി.​എ​ച്ച്. ഹ​രി​കു​മാ​ർ, റേ​ഞ്ച് ഇ​ൻ​സ്പെ​ക്ട​ർ​മാ​രാ​യ സി.​വി. ഹ​രീ​ഷ്, മു​കേ​ഷ് കു​മാ​ർ, എ​സ്. മ​ധു​സൂ​ദ​ന​ൻ നാ​യ​ർ, പ്രി​വ​ന്റി​വ് ഓ​ഫി​സ​ർ എ​സ്.​ജി. സു​നി​ൽ, സി​വി​ൽ എ​ക്സൈ​സ് ഓ​ഫി​സ​ർ​മാ​രാ​യ എം. ​വി​ശാ​ഖ്, പി. ​സു​ബി​ൻ, എം.​എം. അ​രു​ൺ​കു​മാ​ർ, ബ​സ​ന്ത് കു​മാ​ർ, ര​ജി​ത്ത് ആ​ർ. നാ​യ​ർ, കെ. ​മു​ഹ​മ്മ​ദ​ലി, എ​ക്സൈ​സ് ഡ്രൈ​വ​ർ​മാ​രാ​യ വി​നോ​ജ് ഖാ​ൻ സേ​ട്ട്, കെ. ​രാ​ജീ​വ് എ​ന്നി​വ​രും പ​ങ്കെ​ടു​ത്തു.