ലഹരി ഉൽപന്നം കൈവശം വെച്ചതിന്​ പിടിയിൽ

ചാലക്കുടി: മാരക ലഹരി ഉൽപന്നമായ എം.ഡി.എം.എ സഹിതം യുവാക്കൾ പിടിയിൽ. കറുകുറ്റി ആട്ടുള്ളിൽ വീട്ടിൽ ജോസ് മോൻ ബാബു (23), ഇടപ്പള്ളി വെണ്ണല പുത്തേത്ത് വീട്ടിൽ ടോണി എബ്രഹാം (23) എന്നിവരാണ് ചാലക്കുടി എക്സൈസ് സംഘത്തി​െൻറ പിടിയിലായത്.

റേഞ്ച് ഇൻസ്പെക്​ടർ അശ്വിൻ കുമാറി​െൻറ നേതൃത്വത്തിൽ കഴിഞ്ഞ രാത്രി നടത്തിയ വാഹന പരിശോധനയിലാണ് ഇവർ പിടിയിലായത്. 0.690 ഗ്രാം എം.ഡി.എം.എ ഇവരിൽ നിന്ന് പിടികൂടി. കൈവശം വെച്ചാൽ 10 വർഷം വരെ തടവ് ശിക്ഷ ലഭിക്കാവുന്ന കുറ്റമാണ്.

ഇവരുമായി ബന്ധപ്പെട്ട സംഘത്തെക്കുറിച്ച് അന്വേഷണം ആരംഭിച്ചിട്ടുണ്ട്. പ്രിവൻറിവ് ഓഫിസർ ജയദേവൻ, മനോജ് സിവിൽ എക്സൈസ് ഓഫിസർമാരായ ശ്രീരാജ് ഡ്രൈവർ ഷാജു എന്നിവർ നേതൃത്വം നൽകി.