ടി.​കെ. ചാ​ത്തു​ണ്ണി യാത്രയായത് ചാലക്കുടിയിൽ നിലവാരമുള്ള കളിസ്ഥലമെന്ന സ്വപ്നം ബാക്കിയാക്കി

ചാ​ല​ക്കു​ടി: ചാ​ല​ക്കു​ടി​യി​ൽ നി​ല​വാ​ര​മു​ള്ള ക​ളി​സ്ഥ​ലം എ​ന്ന സ്വ​പ്നം യാ​ഥാ​ർ​ഥ്യ​മാ​കു​ന്ന​ത് കാ​ണാ​തെ​യാ​ണ് നാ​ടി​ന്റെ പ്രി​യ​പ്പെ​ട്ട ഫു​ട്ബാ​ൾ താ​രം ടി.​കെ. ചാ​ത്തു​ണ്ണി യാ​ത്ര​യാ​വു​ന്ന​ത്. ചാ​ത്തു​ണ്ണി ക​ളി​ച്ചു​വ​ള​ർ​ന്ന വി​ശാ​ല​മാ​യ ചാ​ല​ക്കു​ടി ബോ​യ്സ് ഹൈ​സ്കൂ​ൾ ക​ളി​സ്ഥ​ലം ദേ​ശീ​യ​പാ​ത ബൈ​പാ​സി​നാ​യി 80ക​ളു​ടെ തു​ട​ക്ക​ത്തി​ൽ ന​ഷ്ട​പ്പെ​ട്ടി​രു​ന്നു.

ഈ ​സ​മ​യം അ​ദ്ദേ​ഹം നാ​ട്ടി​ലു​ണ്ടാ​യി​രു​ന്നി​ല്ല. വ​ർ​ഷ​ങ്ങ​ൾ​ക്കു​ശേ​ഷം തി​രി​ച്ചെ​ത്തി​യ ചാ​ത്തു​ണ്ണി ചാ​ല​ക്കു​ടി​യി​ലെ ഫു​ട്ബാ​ളി​ന്റെ ന​ഷ്ട​പ്പെ​ട്ട പ്ര​താ​പം വീ​ണ്ടെ​ടു​ക്കാ​ൻ പ​രി​ശ്ര​മി​ച്ചു. ഇ​തി​നാ​യി പ​ഴ​യ ക​ളി​ക്കാ​രെ​യ​ട​ക്കം സ​ഹ​ക​രി​പ്പി​ച്ച് ഫു​ട്ബാ​ൾ പ​രി​ശീ​ല​ന ക്യാ​മ്പു​ക​ൾ ആ​രം​ഭി​ച്ചു. ന​ഷ്ട​പ്പെ​ട്ട ക​ളി​സ്ഥ​ലം വീ​ണ്ടെ​ടു​ക്ക​ലാ​യി​രു​ന്നു പ്ര​ധാ​ന ല​ക്ഷ്യം. പു​തി​യ ത​ല​മു​റ​യി​ലെ യു​വാ​ക്ക​ൾ​ക്ക് ക​ളി​ച്ചു​വ​ള​രാ​ൻ സൗ​ക​ര്യ​പ്ര​ദ​മാ​യ ക​ളി​സ്ഥ​ലം വേ​ണ​മെ​ന്ന ആ​വ​ശ്യം ചാ​ത്തു​ണ്ണി ഉ​യ​ർ​ത്തി​പ്പി​ടി​ച്ചു.

അ​തി​നാ​യി ജ​ന​കീ​യ പ്ര​തി​ഷേ​ധ​ങ്ങ​ൾ ന​ട​ത്തി. അ​ദ്ദേ​ഹ​ത്തി​ന്റെ സ്വ​പ്നം യാ​ഥാ​ർ​ഥ്യ​മാ​ക്കാ​ൻ ബി.​ഡി. ദേ​വ​സി എം.​എ​ൽ.​എ​യാ​യി​രി​ക്കേ ക​ളി​സ്ഥ​ല​മു​ണ്ടാ​ക്കാ​ൻ സ​ഹാ​യ​ക​ര​മാ​യ വി​ധ​ത്തി​ലാ​ണ് ബോ​യ്സ് സ്കൂ​ളി​ന് അ​ന്താ​രാ​ഷ്ട്ര നി​ല​വാ​ര​ത്തി​ൽ കെ​ട്ടി​ടം നി​ർ​മി​ച്ച​ത്. ക​ളി​സ്ഥ​ല​വും പ​വി​ലി​യ​നു​മ​ട​ക്കം നി​ർ​മി​ക്കാ​ൻ അ​ഞ്ചു കോ​ടി രൂ​പ​യി​ൽ​പ​രം അ​നു​വ​ദി​ക്കു​ക​യും ചെ​യ്തു. എ​ന്നാ​ൽ, സ്കൂ​ളി​ന്റെ പ​ഴ​യ കെ​ട്ടി​ടം പൊ​ളി​ച്ച് സ്​​പോ​ർ​ട്സ് കൗ​ൺ​സി​ലി​നെ ഏ​ൽ​പി​ക്കാ​ത്ത​തി​നാ​ൽ ക​ളി​സ്ഥ​ലം സ്വ​പ്നം മാ​ത്ര​മാ​യി തു​ട​രു​ക​യാ​ണ്.