ചേ​റും ചെ​ളി​യും നീ​ങ്ങി വെ​ള്ളി​ക്കു​ളം വ​ലി​യ​തോ​ടി​ന്റെ മു​ഖം തെ​ളി​യു​ന്നു

കൊ​ട​ക​ര: ബ​ണ്ടി​ടി​ഞ്ഞും പാ​ഴ്‌​ച്ചെ​ടി​ക​ളും മ​ര​ങ്ങ​ളും തി​ങ്ങി​വ​ള​ര്‍ന്നും പ​തി​റ്റാ​ണ്ടു​ക​ളാ​യി നീ​രൊ​ഴു​ക്കു ത​ട​സ്സ​പ്പെ​ട്ടു കി​ട​ക്കു​ന്ന വെ​ള്ളി​ക്കു​ളം വ​ലി​യ​തോ​ടി​ന്റെ ന​വീ​ക​ര​ണ പ്ര​വ​ര്‍ത്ത​ന​ങ്ങ​ള്‍ പു​രോ​ഗ​മി​ക്കു​ന്നു. 19 കി​ലോ​മീ​റ്റ​ർ നീ​ള​മു​ള്ള തോ​ടി​ന്റെ വെ​ള്ളി​ക്കു​ള​ങ്ങ​ര ഭാ​ഗ​ത്ത് നി​ന്നാ​ണ് ഒ​രാ​ഴ്ച മു​മ്പ് പ​ണി​ക​ള്‍ ആ​രം​ഭി​ച്ച​ത്.

ന​വീ​ക​ര​ണം ഏ​ക​ദേ​ശം ഒ​രു കി​ലോ​മീ​റ്റ​റോ​ളം പി​ന്നി​ട്ട് കൊ​ടു​ങ്ങ ക്രോ​സ് ബാ​ര്‍ വ​രെ പൂ​ര്‍ത്തി​യാ​യി​ട്ടു​ണ്ട്. ല​ഭ്യ​മാ​കു​ന്ന ഫ​ണ്ട് സ​മാ​ഹ​രി​ച്ച് കാ​ല​വ​ര്‍ഷം തു​ട​ങ്ങു​ന്ന​തി​നു മു​മ്പ് തോ​ടി​ന്റെ അ​വ​സാ​ന​ഭാ​ഗം വ​രെ ന​വീ​ക​രി​ക്കാ​നു​ള്ള പ​രി​ശ്ര​മ​മാ​ണ് മ​റ്റ​ത്തൂ​ര്‍ പ​ഞ്ചാ​യ​ത്ത് ന​ട​ത്തി​വ​രു​ന്ന​ത്. 50 ല​ക്ഷം രൂ​പ വി​നി​യോ​ഗി​ച്ചാ​ണ് ന​വീ​ക​ര​ണം ന​ട​ത്തു​ന്ന​ത്. ഈ ​തു​ക​ക്ക് പു​റ​മെ ശു​ചീ​ക​ര​ണ​ത്തി​നാ​യി ഓ​രോ വാ​ര്‍ഡി​ലേ​ക്കും അ​നു​വ​ദി​ച്ച തു​ക കൂ​ടി തോ​ടി​നെ വീ​ണ്ടെ​ടു​ക്കാ​നു​ള്ള ഉ​ദ്യ​മ​ത്തി​ലേ​ക്ക് ഭ​ര​ണ​സ​മി​തി അം​ഗ​ങ്ങ​ള്‍ ന​ല്‍കി​യ​താ​യി പ​ഞ്ചാ​യ​ത്ത് സ്റ്റാ​ന്‍ഡി​ങ് ക​മ്മി​റ്റി ചെ​യ​ര്‍മാ​ന്‍ വി.​എ​സ്. നി​ജി​ല്‍ പ​റ​ഞ്ഞു.

ജി​ല്ല​യി​ലെ വി​സ്തൃ​തി​യേ​റി​യ പ​ഞ്ചാ​യ​ത്തു​ക​ളി​ലൊ​ന്നാ​യ മ​റ്റ​ത്തൂ​രി​ന്റെ കാ​ര്‍ഷി​ക സ​മൃ​ദ്ധി നി​ല​നി​ര്‍ത്തു​ന്ന​ത് വെ​ള്ളി​ക്കു​ളം വ​ലി​യ തോ​ടി​ലെ വെ​ള്ള​മാ​ണ്. കോ​ട​ശേ​രി പ​ഞ്ചാ​യ​ത്തി​ല്‍ നി​ന്ന് ഉ​ത്ഭ​വി​ച്ച് മ​റ്റ​ത്തൂ​രി​ലെ വാ​സു​പു​ര​ത്ത് വെ​ച്ച് കു​റു​മാ​ലി പു​ഴ​യി​ല്‍ ചേ​രു​ന്ന​താ​ണ് തോ​ട്. മു​പ്ലി പു​ഴ ക​ഴി​ഞ്ഞാ​ല്‍ കു​റു​മാ​ലി പു​ഴ​യി​ലേ​ക്ക് ഏ​റ്റ​വും കൂ​ടു​ത​ല്‍ വെ​ള്ള​മെ​ത്തി​ക്കു​ന്ന​തും വ​ലി​യ​തോ​ടാ​ണ്. മ​റ്റ​ത്തൂ​രി​ലെ ഒ​ട്ടു​മി​ക്ക പാ​ട​ശേ​ഖ​ര​ങ്ങ​ളി​ലും കൃ​ഷി​യി​റ​ക്കു​ന്ന​ത് തോ​ട്ടി​ലെ വെ​ള്ള​ത്തെ ആ​ശ്ര​യി​ച്ചാ​ണ്. കു​ടി​വെ​ള്ള പ​ദ്ധ​തി​ക​ളും ചെ​റു​കി​ട ജ​ല​സേ​ച​ന പ​ദ്ധ​തി​ക​ളും പ്ര​വ​ര്‍ത്തി​ക്കു​ന്ന​തും വെ​ള്ളി​ക്കു​ളം തോ​ട്ടി​ല്‍ പ​ല​യി​ട​ത്താ​യി നി​ര്‍മി​ച്ചി​ട്ടു​ള്ള ക്രോ​സ് ബാ​റു​ക​ളി​ല്‍ സം​ഭ​രി​ക്കു​ന്ന വെ​ള്ള​ത്തെ ആ​ശ്രി​യ​ച്ചാ​ണ്. ബ​ണ്ടി​ടി​ഞ്ഞും കു​ള​വാ​ഴ​ക​ളും മ​ര​ങ്ങ​ളും തി​ങ്ങി വ​ള​ര്‍ന്നും നാ​ശോ​ന്മു​ഖ​മാ​യി കി​ട​ന്ന തോ​ട് പ്ര​ള​യ​ത്തി​ല്‍ കൂ​ടു​ത​ല്‍ ശോ​ച്യാ​വ​സ്ഥ​യി​ലാ​യി. മ​ഴ​ക്കാ​ല​ത്ത് നീ​രൊ​ഴു​ക്ക് ത​ട​സ്സ​പ്പെ​ട്ട് പ​ര​ക്കെ വെ​ള്ള​ക്കെ​ട്ട് രൂ​ക്ഷ​മാ​കാ​ന്‍ തു​ട​ങ്ങി​യ സാ​ഹ​ച​ര്യ​ത്തി​ലാ​ണ് തോ​ട് വൃ​ത്തി​യാ​ക്കാ​ന്‍ പ​ഞ്ചാ​യ​ത്ത് പ​ദ്ധ​തി ഒ​രു​ക്കി​യ​ത്.

ഇ​രു​വ​ശ​ങ്ങ​ളി​ലും വ​ള​ര്‍ന്ന കു​റ്റി​ച്ചെ​ടി​ക​ള്‍ വെ​ട്ടി​നീ​ക്കി​യും യ​ന്ത്രം ഉ​പ​യോ​ഗി​ച്ച് ചെ​ളി​യും മ​ണ്ണും നീ​ക്കി​യു​മാ​ണ് തോ​ടി​നെ വീ​ണ്ടെ​ടു​ക്കു​ന്ന​ത്. വെ​ള്ള​ത്തി​ല്‍ പൊ​ന്തി​ക്കി​ട​ന്ന് ച​ളി കോ​രി മാ​റ്റു​ന്ന ​ഫ്ലോ​ട്ടി​ങ് യ​ന്ത്ര​ത്തി​ന്റെ സ​ഹാ​യ​ത്തോ​ടെ​യാ​ണ് വൃ​ത്തി​യാ​ക്കു​ന്ന​ത്. ക​ക്ഷി, രാ​ഷ്ടീ​യ പ​രി​ഗ​ണ​ന​ക​ളി​ല്ലാ​തെ ഭ​ര​ണ​സ​മി​തി ഒ​റ്റ​ക്കെ​ട്ടാ​യി നി​ന്നാ​ണ് തോ​ടി​നെ വീ​ണ്ടെ​ടു​ക്കാ​നു​ള്ള പ്ര​വ​ര്‍ത്ത​ന​ങ്ങ​ള്‍ ന​ട​ത്തി​വ​രു​ന്ന​ത്.