മ​ണ്ണും മാ​ലി​ന്യ​വും നീ​ക്കിയില്ല ; കാ​ന​ക​ൾ സ്ലാ​ബി​ടാ​നു​ള്ള ശ്ര​മം ത​ട​ഞ്ഞു

ചാ​ല​ക്കു​ടി: മ​ണ്ണും മാ​ലി​ന്യ​വും നീ​ക്കാ​തെ കാ​ന​ക​ൾ സ്ലാ​ബി​ട്ട്​ മൂ​ടാ​നു​ള്ള ദേ​ശീ​യ​പാ​ത ക​രാ​റു​കാ​ര​ന്‍റെ ശ്ര​മം ജ​ന​പ്ര​തി​നി​ധി​ക​ൾ ഇ​ട​പെ​ട്ട് ത​ട​ഞ്ഞു. ചാ​ല​ക്കു​ടി ന​ഗ​ര​സ​ഭ ജൂ​ബി​ലി കെ​ട്ടി​ട​ത്തി​ന് മു​ന്നി​ൽ പ​ടി​ഞ്ഞാ​റ് ഭാ​ഗ​ത്തെ സ​ർ​വി​സ് റോ​ഡി​ലെ കാ​ന​ക​ൾ​ക്ക് മു​ക​ളി​ലാ​ണ് കോ​ൺ​ക്രീ​റ്റ് സ്ലാ​ബു​ക​ൾ സ്ഥാ​പി​ക്കാ​ൻ ശ്ര​മം ന​ട​ന്ന​ത്. വ​ർ​ഷ​ങ്ങ​ൾ​ക്ക് മു​മ്പ്​ നി​ർ​മി​ച്ച ഈ ​തു​റ​ന്ന കാ​ന​ക​ളി​ൽ മ​ണ്ണും മാ​ലി​ന്യ​വും നി​റ​ഞ്ഞി​രി​ക്കു​ക​യാ​ണ്. അ​വ നീ​ക്കാ​തെ സ്ലാ​ബ്​ സ്ഥാ​പി​ച്ചാ​ൽ വെ​ള്ള​ക്കെ​ട്ടു​ണ്ടാ​കും. ഇ​ത്​ അ​വ​ഗ​ണി​ച്ചാ​ണ്​ ക​രാ​റു​കാ​ര​ൻ രാ​വി​ലെ മു​ത​ൽ സ്ലാ​ബ്​ വി​രി​ച്ച​ത്. അ​ക്കാ​ര്യം ന​ഗ​ര​സ​ഭ​യെ അ​റി​യി​ച്ചു​മി​ല്ല.

അ​ടി​പ്പാ​ത പൂ​ർ​ത്തീ​ക​ര​ണ​ത്തി​ന്‍റെ ഭാ​ഗ​മാ​യി സ​മീ​പ​ത്ത് കു​റ​ച്ച്​ നാ​ളു​ക​ളാ​യി കാ​ന നി​ർ​മാ​ണം പു​രോ​ഗ​മി​ക്കു​ന്നു​ണ്ട്. പു​തു​താ​യി നി​ർ​മി​ച്ച കാ​ന സ്ലാ​ബി​ട്ട് ഭ​ദ്ര​മാ​ക്കു​ന്നു​ണ്ട്. എ​ന്നാ​ൽ, റോ​ഡി​ന്‍റെ പ​ടി​ഞ്ഞാ​റ് ഭാ​ഗ​ത്ത് ജൂ​ബി​ലി കെ​ട്ടി​ടം, ഫോ​റ​സ്റ്റ് സ്റ്റേ​ഷ​ൻ ഭാ​ഗ​ങ്ങ​ളി​ൽ വ​ർ​ഷ​ങ്ങ​ൾ​ക്കു​മു​മ്പ്​ നി​ർ​മി​ച്ച കാ​ന സ്ലാ​ബി​ട്ട് മൂ​ടു​ന്ന​തി​ൽ ക​രാ​റു​കാ​ര​ൻ അ​നാ​സ്ഥ കാ​ണി​ച്ചി​രു​ന്നു. മൂ​ടു​ന്ന​തി​ന്​ മു​മ്പ്​ കാ​ന​യി​ലെ മാ​ലി​ന്യം നീ​ക്ക​ണ​മെ​ന്ന് ആ​വ​ശ്യ​പ്പെ​ട്ട​പ്പോ​ൾ അ​ത് ത​ങ്ങ​ളു​ടെ ജോ​ലി​യ​ല്ലെ​ന്നും സ്ലാ​ബി​ട​ൽ മാ​ത്ര​മാ​ണ് ക​രാ​ർ പ്ര​കാ​ര​മു​ള്ള ജോ​ലി​യെ​ന്നും ക​രാ​റു​കാ​ര​ൻ പ​റ​ഞ്ഞു. ഇ​തോ​ടെ സം​ഘ​ർ​ഷാ​വ​സ്ഥ​യു​ണ്ടാ​യി. ന​ഗ​ര​സ​ഭ അം​ഗ​ങ്ങ​ളാ​യ വി.​ജെ. ജോ​ജി, ജോ​ജി കാ​ട്ടാ​ള​ൻ എ​ന്നി​വ​രു​ടെ നേ​തൃ​ത്വ​ത്തി​ൽ പ്ര​വൃ​ത്തി ത​ട​ഞ്ഞു. കൗ​ൺ​സി​ല​ർ​മാ​ർ അ​റി​യി​ച്ച​തി​നെ തു​ട​ർ​ന്ന് സ​നീ​ഷ് കു​മാ​ർ ജോ​സ​ഫ് എം.​എ​ൽ.​എ, ന​ഗ​ര​സ​ഭ ചെ​യ​ർ​മാ​ൻ എ​ബി ജോ​ർ​ജ് എ​ന്നി​വ​രും സ്ഥ​ല​ത്തെ​ത്തി പ്ര​വൃ​ത്തി നി​ർ​ത്തി​വെ​പ്പി​ച്ചു. സ്ഥാ​പി​ച്ച സ്ലാ​ബു​ക​ൾ മാ​റ്റാ​ൻ ക​രാ​റു​കാ​ര​ന് നി​ർ​ദേ​ശം ന​ൽ​കി. ന​ഗ​ര​സ​ഭ ആ​രോ​ഗ്യ വി​ഭാ​ഗം കാ​ന​ക​ൾ ഉ​ട​ൻ വൃ​ത്തി​യാ​ക്കി​യ ശേ​ഷം കോ​ൺ​ക്രീ​റ്റ് സ്ലാ​ബി​ട്ട് മൂ​ടി​യാ​ൽ മ​തി​യെ​ന്നും തീ​രു​മാ​നി​ച്ചു.