ചാലക്കുടിയിൽ സ്ഥാപനങ്ങൾക്ക് ഇനി മുതൽ ഓൺലൈൻ ലൈസൻസ്

ചാലക്കുടി: വ്യാപാര സ്ഥാപനങ്ങൾക്കുള്ള ലൈസൻസിനുള്ള അപേക്ഷകൾ ഇനി മുതൽ ഓൺലൈനിൽ. അപേക്ഷയും അനുബന്ധ രേഖകളും അക്ഷയ കേന്ദ്രങ്ങൾ വഴിയോ അല്ലാതെയോ സിറ്റിസൺ പോർട്ടൽ മുഖേന ഓൺലൈനായി നൽകിയാൽ അപേക്ഷ അപ്രൂവലാകുന്ന മുറക്ക് ഫീസ് ഓൺലൈനായി അടക്കാൻ സൗകര്യമുണ്ടാകും. ലൈസൻസ് സർട്ടിഫിക്കറ്റും ഓൺലൈനായി അപേക്ഷകന് ലഭ്യമാക്കും. ഇതിന്‍റെ ഭാഗമായി ആദ്യത്തെ ഓൺലൈൻ ലൈസൻസ് സർട്ടിഫിക്കറ്റ് സി.ആർ. രജീഷ് വി.ആർ പുരം എന്ന വ്യക്തിക്ക് ചെയർമാൻ എബി ജോർജ് കൈമാറി.