കാടുകുറ്റി ബസ് സ്റ്റാൻഡ് ഷോപ്പിങ് കോംപ്ലക്സ്; നിർമാണം അവതാളത്തിൽ

ചാ​ല​ക്കു​ടി: കാ​ടു​കു​റ്റി ബ​സ് സ്റ്റാ​ൻ​ഡി​ലെ ഷോ​പ്പി​ങ് കോം​പ്ല​ക്സ് നി​ർ​മാ​ണം അ​വ​താ​ള​ത്തി​ൽ. പ​ഞ്ചാ​യ​ത്ത് മു​ൻ​കൈ​യെ​ടു​ത്ത് എം.​എ​ൽ.​എ ഫ​ണ്ടി​ൽ​നി​ന്ന് കോ​ടി​യോ​ളം രൂ​പ ചെ​ല​വ​ഴി​ച്ചാ​ണ് ഷോ​പ്പി​ങ് കോം​പ്ല​ക്സ് നി​ർ​മി​ക്കാ​ൻ പ​ദ്ധ​തി​യി​ട്ട​ത്. മു​ൻ എം.​എ​ൽ.​എ ബി.​ഡി. ദേ​വ​സി​യു​ടെ കാ​ല​ത്താ​ണ് അ​നു​മ​തി ല​ഭി​ച്ച​ത്.

ബ​സ് സ്റ്റാ​ൻ​ഡി​ലെ പ​രി​മി​ത സ്ഥ​ല​ത്തെ കെ​ട്ടി​ട നി​ർ​മാ​ണം ജ​ന​ങ്ങ​ളു​ടെ എ​തി​ർ​പ്പി​നെ തു​ട​ർ​ന്ന് വി​വാ​ദ​ത്തി​ലാ​വു​ക​യാ​യി​രു​ന്നു. ഇ​തോ​ടെ ക​രാ​റു​കാ​ര​ൻ പ​ണി നി​ർ​ത്തി. ഷോ​പ്പി​ങ് കോം​പ്ല​ക്സ് നി​ർ​മി​ച്ചാ​ൽ ബ​സു​ക​ൾ ശ​രി​യാ​യി നി​ർ​ത്താ​നോ തി​രി​ക്കാ​നോ യാ​ത്ര​ക്കാ​ർ​ക്ക് സു​ര​ക്ഷി​ത​മാ​യി ക​യ​റാ​നോ ക​ഴി​യി​ല്ലെ​ന്ന​താ​ണ് പ്ര​ധാ​ന പ​രാ​തി.

അ​തേ​സ​മ​യം, പ​ടി​ഞ്ഞാ​റ് ഭാ​ഗ​ത്ത് കെ​ട്ടി​ടം നി​ർ​മി​ച്ചാ​ൽ അ​ത്ര​യേ​റെ അ​സൗ​ക​ര്യം ഉ​ണ്ടാ​വി​ല്ലെ​ന്ന് പ​ല​രും ചൂ​ണ്ടി​ക്കാ​ട്ടി​യെ​ങ്കി​ലും പ​ഞ്ചാ​യ​ത്ത് അ​ധി​കൃ​ത​ർ ചെ​വി​കൊ​ണ്ടി​ല്ല. ബ​സ് സ്റ്റാ​ൻ​ഡ് യാ​ർ​ഡ് കു​ത്തി​പ്പൊ​ളി​ച്ചും അ​ഴു​ക്കു​ചാ​ൽ സ്ലാ​ബു​ക​ൾ പൊ​ളി​ച്ചും പ​ഞ്ചാ​യ​ത്ത് പ​ണി തു​ട​ങ്ങി​യ​തോ​ടെ ജ​നം ശ​ക്ത​മാ​യ എ​തി​ർ​പ്പു​മാ​യി മു​ന്നോ​ട്ടു​വ​ന്നു.

കെ​ട്ടി​ടം നി​ർ​മി​ക്കു​മ്പോ​ൾ പാ​ർ​ക്കി​ങ് സ്ഥ​ലം വേ​ണ​മെ​ന്ന പ്രാ​ഥ​മി​ക നി​യ​മം പോ​ലും കാ​റ്റി​ൽ പ​റ​ത്തി​യ​താ​ണ് ജ​ന​രോ​ഷ​ത്തി​ന് കാ​ര​ണ​മാ​യ​ത്. എ​തി​ർ​പ്പ് ശ​ക്ത​മാ​യ​തോ​ടെ ക​രാ​റു​കാ​ര​ൻ പ​ണി നി​ർ​ത്തു​ക​യാ​യി​രു​ന്നു.

ക​രാ​റു​കാ​ര​നു​മാ​യു​ള്ള ആ​ശ​യ​ക്കു​ഴ​പ്പം മൂ​ല​മാ​ണ് നി​ർ​മാ​ണം നി​ല​ച്ച​തെ​ന്നും ഉ​ട​ൻ പു​ന​രാ​രം​ഭി​ക്കു​മെ​ന്നു കാ​ടു​കു​റ്റി പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് അ​യ്യ​പ്പ​ൻ ‘മാ​ധ്യ​മ’​ത്തോ​ട് പ​റ​ഞ്ഞു. ബ​സ് സ്റ്റാ​ൻ​ഡി​ന് മു​ൻ​ഭാ​ഗ​ത്തെ കെ​ട്ടി​ട​ങ്ങ​ൾ കാ​ല​ഹ​ര​ണ​പ്പെ​ട്ട​തി​നാ​ൽ പൊ​ളി​ച്ചു​നീ​ക്കു​മെ​ന്നും അ​പ്പോ​ൾ സ്ഥ​ല​പ​രി​മി​തി ഉ​ണ്ടാ​വി​ല്ലെ​ന്നും അ​ദ്ദേ​ഹം അ​റി​യി​ച്ചു.