ക​ണ്ടെ​യ്ന​ർ ലോ​റി​ക​ൾ കൂട്ടിയിടിച്ചു; ഡ്രൈ​വ​ർ​ക്ക് ഗു​രു​ത​ര പ​രി​ക്ക്

ചാ​ല​ക്കു​ടി: ദേ​ശീ​യ​പാ​ത​യി​ൽ ക​ണ്ടെ​യ്ന​ർ ലോ​റി​ക​ൾ കൂ​ട്ടി​യി​ടി​ച്ച് കാ​ബി​നു​ള്ളി​ൽ കു​ടു​ങ്ങി​യ ഡ്രൈ​വ​ർ​ക്ക് ഗു​രു​ത​ര പ​രി​ക്ക്. കൊ​ല്ലം സ്വ​ദേ​ശി​യാ​യ ബേ​ബി​ക്കാ​ണ് (41) പ​രി​ക്കേ​റ്റ​ത്. ഇ​ദ്ദേ​ഹ​ത്തെ ക​റു​കു​റ്റി​യി​ലെ അ​പ്പോ​ളോ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. അ​പ​ക​ട​ത്തെ തു​ട​ർ​ന്ന് ദേ​ശീ​യ​പാ​ത​യി​ൽ ഗ​താ​ഗ​തം സ്തം​ഭി​ച്ചു.

ശ​നി​യാ​ഴ്ച പു​ല​ർ​ച്ച നാ​ല​ര​യോ​ടെ ചാ​ല​ക്കു​ടി​ക്ക് സ​മീ​പം മു​രി​ങ്ങൂ​ർ സി​ഗ്ന​ൽ ജ​ങ്ഷ​നി​ലാ​ണ് അ​പ​ക​ടം. എ​റ​ണാ​കു​ളം ഭാ​ഗ​ത്തു​നി​ന്നും ത​മി​ഴ്നാ​ട് തി​രു​പ്പൂ​രി​ലേ​ക്ക് കോ​ട്ട​ണു​മാ​യി പോ​യ ക​ണ്ടെ​യ്ന​ർ ലോ​റി തൊ​ട്ടു​മു​മ്പി​ൽ സ​ഞ്ച​രി​ച്ചി​രു​ന്ന ക​ണ്ടെ​യ്ന​ർ ലോ​റി​യി​ൽ ഇ​ടി​ക്കു​ക​യാ​യി​രു​ന്നു.

സി​ഗ്ന​ലി​ൽ നി​ർ​ത്തി​യി​ട്ടി​രി​ക്കു​ക​യാ​യി​രു​ന്നു ലോ​റി. അ​പ​ക​ട​ത്തെ തു​ട​ർ​ന്ന് വാ​ഹ​ന​ത്തി​ന്റെ കാ​ബി​ൻ ചെ​യ്സി​ൽ​നി​ന്ന് വേ​ർ​പെ​ട്ട് അ​ക​ത്തേ​ക്ക് ഞെ​രി​ഞ്ഞ​മ​ർ​ന്ന് ഡ്രൈ​വ​ർ കു​ടു​ങ്ങി​പ്പോ​യി. ഡ്രൈ​വ​റെ പു​റ​ത്തു​നി​ന്ന് കാ​ണാ​ൻ ക​ഴി​യാ​ത്ത​വി​ധം കാ​ബി​ൻ ഞെ​രി​ഞ്ഞ​മ​ർ​ന്നി​രു​ന്നു. ചാ​ല​ക്കു​ടി അ​ഗ്നി​ര​ക്ഷാ​സേ​ന​യെ​ത്തി ഏ​റെ​നേ​ര​ത്തെ ര​ക്ഷാ​പ്ര​വ​ർ​ത്ത​ന​ത്തി​ലൂ​ടെ​യാ​ണ് ബേ​ബി​യെ പു​റ​ത്തെ​ടു​ത്ത​ത്. ഡ്രൈ​വ​റു​ടെ ത​ല​ക്കും മു​ഖ​ത്തും പ​രി​ക്കേ​റ്റ് ര​ക്തം വാ​ർ​ന്നൊ​ലി​ക്കു​ന്നു​ണ്ടാ​യി​രു​ന്നു. നെ​ഞ്ചു​വ​രെ​യു​ള്ള ഭാ​ഗം പൂ​ർ​ണ​മാ​യും ഞെ​രി​ഞ്ഞ​മ​ർ​ന്ന് ശ​രീ​രം പു​റ​ത്തു​കാ​ണാ​ൻ ക​ഴി​യു​ന്നു​ണ്ടാ​യി​രു​ന്നി​ല്ല. ഇ​രു​കാ​ലു​ക​ളും ഒ​ടി​ഞ്ഞു​തൂ​ങ്ങി ഗു​രു​ത​ര പ​രി​ക്കേ​റ്റ ഡ്രൈ​വ​റെ അ​ര​മ​ണി​ക്കൂ​ർ നീ​ണ്ട പ​രി​ശ്ര​മ​ത്തി​ലാ​ണ് പു​റ​ത്തെ​ടു​ത്ത​ത്.

ചാ​ല​ക്കു​ടി അ​ഗ്നി ര​ക്ഷാ​നി​ല​യ​ത്തി​ലെ സീ​നി​യ​ർ ഫ​യ​ർ ആ​ൻ​ഡ് റെ​സ്ക്യൂ ഓ​ഫി​സ​ർ സി. ​ര​മേ​ശ് കു​മാ​റി​ന്റെ നേ​തൃ​ത്വ​ത്തി​ൽ ഫ​യ​ർ ആ​ൻ​ഡ് റെ​സ്ക്യൂ ഓ​ഫി​സ​ർ ഡ്രൈ​വ​ർ എ.​വി. ര​ജു, ഫ​യ​ർ ആ​ൻ​ഡ് റെ​സ്ക്യൂ ഓ​ഫി​സ​ർ​മാ​രാ​യ വി.​ആ​ർ. ര​ജീ​ഷ്, എ​സ്. അ​തു​ൽ, രോ​ഹി​ത്, ഉ​ത്ത​മ​ൻ, ഹോം ​ഗാ​ർ​ഡു​മാ​രാ​യ കെ.​പി. മോ​ഹ​ന​ൻ, പി.​ടി. ബാ​ല​കൃ​ഷ്ണ​ൻ എ​ന്നി​വ​ര​ട​ങ്ങു​ന്ന സം​ഘ​മാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്.