മകളുടെ മൈലാഞ്ചി കല്യാണത്തിന് യുവതികളുടെ വിവാഹം നടത്തി ദമ്പതികൾ

ചാലക്കുടി: മകളുടെ മൈലാഞ്ചി കല്യാണത്തി​െൻറ ദിവസം രണ്ട് യുവതികളുടെ വിവാഹം നടത്തി ചാലക്കുടി സ്വദേശി കറുകപാടത്ത് പുത്തൻവീട്ടിൽ മുഹമ്മദ് ബുഖാരിയും ഭാര്യ ഷാഹിദയും. മകൾ ഡോ. ഐഷ നിലോഫറി​െൻറ മൈലാഞ്ചി കല്യാണത്തിന് രണ്ട് യുവതികളുടെ വിവാഹത്തിന് ഇവർ തുണയായത്.

വെള്ളാഞ്ചിറ കാഞ്ഞിരപ്പറമ്പിൽ മനാഫി​െൻറ മകൾ ശബ്നയും വെള്ളാഞ്ചിറ തറയിൽ അലിയുടെ മകൻ ആഷിക്കും കുറ്റിക്കാട് കല്ലുമട തിലക​െൻറ മകൾ ശ്രീജയും വല്ലപ്പുഴ അരുണുമാണ് വിവാഹിതരായ നവദമ്പതിമാർ. ചാലക്കുടി ടൗൺ ഇമാം ഹുസൈൻ ബാഖവിയുടെ ആശീർവാദത്തിലാണ് ശബ്നയുടെയും ആഷിക്കി​െൻറയും വിവാഹം നടന്നത്. പുഷ്പഹാരം ചാർത്തിയാണ് ഷീജയും അരുണും വിവാഹിതരായത്. നഗരസഭ അംഗം സുമ ബൈജു അടക്കം പരിമിതമായ ആളുകളാണ് ചടങ്ങിന് സാക്ഷ്യംവഹിച്ചത്.