ചാലക്കുടി പുഴയിൽ ജലനിരപ്പ് ഉയർന്നു; എൻ.ഡി.ആർ.എഫ് ടീം സന്ദർശിച്ചു

ചാ​ല​ക്കു​ടി: ചാ​ല​ക്കു​ടി മേ​ഖ​ല​യി​ൽ വി​വി​ധ പ്ര​ദേ​ശ​ങ്ങ​ളി​ൽ ശ​ക്ത​മാ​യ മ​ഴ. മേ​ലൂ​ർ, ചാ​ല​ക്കു​ടി, പ​രി​യാ​രം തു​ട​ങ്ങി പ​ല സ്ഥ​ല​ങ്ങ​ളി​ലും 110 മി​ല്ലി മീ​റ്റ​റി​ലും കൂ​ടു​ത​ലാ​യി മ​ഴ രേ​ഖ​പ്പെ​ടു​ത്തി. പെ​രി​ങ്ങ​ൽ​കു​ത്ത് ഡാ​മി​ൽ​നി​ന്ന് പു​ഴ​യി​ലേ​ക്ക് വെ​ള്ളം തു​റ​ന്നു വി​ട്ടു തു​ട​ങ്ങി. പു​ഴ​യി​ലെ ജ​ല​നി​ര​പ്പ് ഇ​തേ​തു​ട​ർ​ന്ന് ഒ​രു മീ​റ്റ​റി​ൽ അ​ധി​കം ഉ​യ​ർ​ന്നു. ഡാ​മു​ക​ളി​ലെ ജ​ല​നി​ര​പ്പ് അ​ത്ര ഉ​യ​ർ​ന്ന​ത​ല്ലാ​ത്ത​തി​നാ​ൽ ആ​ശ​ങ്ക​പ്പെ​ടേ​ണ്ട സാ​ഹ​ച​ര്യം നി​ല​വി​ലി​ല്ല.

മു​ൻ​ക​രു​ത​ലാ​യി ദു​ര​ന്ത സാ​ധ്യ​ത​യു​ള്ള ചാ​ല​ക്കു​ടി താ​ലൂ​ക്കി​െൻറ വി​വി​ധ സ്ഥ​ല​ങ്ങ​ളി​ൽ എ​ൻ.​ഡി.​ആ​ർ.​എ​ഫ് (ദേശീയ ദുരന്ത നിവാരണ സേന) ടീം ​സ​ന്ദ​ർ​ശ​നം ന​ട​ത്തി. തി​ങ്ക​ളാ​ഴ്ച രാ​ത്രി​യോ​ടെ പെ​രി​ങ്ങ​ലി​ൽ റെ​ഡ് അ​ല​ർ​ട്ട് പ്ര​ഖ്യാ​പി​ച്ചി​രു​ന്നു. ചൊ​വ്വാ​ഴ്ച രാ​വി​ലെ ഏ​ഴ്​ മ​ണി മു​ത​ൽ പെ​രി​ങ്ങ​ൽ​ക്കു​ത്ത് ഡാ​മി​ൽ നി​ന്നു​ള്ള അ​ധി​ക​ജ​ലം ചെ​റി​യ തോ​തി​ൽ ചാ​ല​ക്കു​ടി പു​ഴ​യി​ലേ​ക്ക് ഒ​ഴു​കി തു​ട​ങ്ങി. പു​ഴ​യു​ടെ തീ​ര​ങ്ങ​ളി​ൽ താ​മ​സി​ക്കു​ന്ന​വ​ർ ജാ​ഗ്ര​ത പാ​ലി​ക്ക​ണ​മെ​ന്ന അ​റി​യി​പ്പ് ബ​ന്ധ​പ്പെ​ട്ട ത​ദ്ദേ​ശ സ്ഥാ​പ​ന​ങ്ങ​ൾ​ക്ക് ന​ൽ​കി​യി​ട്ടു​ണ്ട്.​

മ​ഴ​ക്കാ​ല മു​ന്നൊ​രു​ക്ക​ങ്ങ​ളു​ടെ ഭാ​ഗ​മാ​യി ക​ഴി​ഞ്ഞ ദി​വ​സം എ​ൻ.​ഡി.​ആ​ർ.​എ​ഫ് ടീം ​ചാ​ല​ക്കു​ടി താ​ലൂ​ക്കി​ലെ ദു​ര​ന്ത സാ​ധ്യ​ത പ്ര​ദേ​ശ​ങ്ങ​ളാ​യ പ​രി​യാ​രം വി​ല്ലേ​ജി​ലെ, കാ​ഞ്ഞി​ര​പ്പി​ള്ളി ഐ.​എ​ച്ച്.​ഡി.​പി. കോ​ള​നി, അ​തി​ര​പ്പി​ള്ളി വി​ല്ലേ​ജി​ലെ മ​യി​ലാ​ടും പാ​റ എ​ന്നി​വി​ട​ങ്ങ​ളി​ലാ​ണ് പ്ര​ധാ​ന​മാ​യും എ​ത്തി​യ​ത്. ആ​ര​ക്കോ​ണം ഫോ​ർ​ത്ത് ബ​റ്റാ​ലി​യ​നി​ലെ സ​ബ് ഇ​ൻ​സ്പെ​ക്ട​ർ​മാ​രാ​യ സ​ഞ്ജീ​പ് ദെ​സ്വാ​ൾ, എ​സ്. ദെ​ഹ​രി​യ, ലെ​യ്സ​ൺ ഓ​ഫി​സ​ർ വി. ​സ​നീ​ഷ് എ​ന്നി​വ​ര​ട​ങ്ങി​യ ടീ​മാ​ണ് സ​ന്ദ​ർ​ശ​നം ന​ട​ത്തി​യ​ത്.

ചാ​ല​ക്കു​ടി താ​ലൂ​ക്ക് ഓ​ഫി​സി​ലെ ഡി​സാ​സ്​​റ്റ​ർ മാ​നേ​ജ്മെൻറ് ഡെ​പ്യൂ​ട്ടി ത​ഹ​സി​ൽ​ദാ​ർ കെ.​എ. ജേ​ക്ക​ബ്, ഡെ​പ്യൂ​ട്ടി ത​ഹ​സി​ൽ​ദാ​ർ ടി. ​കെ. രാ​ധാ​കൃ​ഷ്ണ​ൻ, കെ.​പി. ര​മേ​ശ​ൻ എ​ന്നി​വ​രും വി​ല്ലേ​ജ് ഓ​ഫി​സ​ർ​മാ​രാ​യ കെ. ​ഹ​രി​ദാ​സ്, കെ.​എ. സോ​മ​രാ​ജ​ൻ എ​ന്നി​വ​രും എ​ൻ.​ഡി.​ആ​ർ.​എ​ഫ് സം​ഘ​ത്തോ​ടൊ​പ്പം ഉ​ണ്ടാ​യി​രു​ന്നു.